Піеланэфрыт

Зьвесткі зь Вікіпэдыі — вольнай энцыкляпэдыі
Паясьнічны боль пры піеланэфрыце

Піеланэфрыт (па-грэцку: πήληξ + νεφρόςлаханка + нырка) — запаленьне ныркавай лаханкі праз заражэньне мікробам, што выклікае парушэньне функцыі нырак (нэфрыт). Ускладньне хваробы вядзе да пашкоджаньня ныркі, што ўяўляе пагрозу для жыцьця.

Папярэджаньне[рэдагаваць | рэдагаваць крыніцу]

Прадухіленьню хваробы спрыяе мачэньне кожныя тры гадзіны, пазьбяганьне стасункаў з заразнымі хворымі падчас успышак вострых рэсьпіраторных вірусных інфэкцыяў (грып) і лячэньне карыесу, танзіліту, адэноідаў, запаленьня жоўцевай бурбалкі і ніжняга аддзела мачавой сыстэмы(en) (урэтрыт і цыстыт)[1], пазьбяганьне празьмерных цялесных нагрузак і пераахаладжэньня.

Чыньнікі[рэдагаваць | рэдагаваць крыніцу]

Хваробе спрыяе ўскладнены адток брулёў пры мачакаменнай хваробе і адэноме(en) падкарэньніцы, нястача вітамінаў, пераахаладжэньне, зьніжэньне імунітэту і цукровы дыябэт[2].

Праявы[рэдагаваць | рэдагаваць крыніцу]

Хвароба выяўляецца праз высокую тэмпэратуру да +40°С, дрыжыкі, праліўны пот, боль у паясьнічнай вобласьці, смагу, млоснасьць, парушэньне мачаспусканьня і зьяўленьне мутнага асадка ў брулях[3].

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Піеланэфрытсховішча мультымэдыйных матэрыялаў