Пытальнік
| Пытальнік | |
| ? | |
| Выява | |
 | |
| ◄ † ‡ ! ¡ ? ⸮ ¿ ‽ ⸘ ► | |
| Зьвесткі | |
|---|---|
| Назва ў Юнікодзе | question mark |
| Юнікод | U+003F |
| HTML | ?
|
| UTF-16 | 0x3F |
| URL-код | %3 |
| Каб пабачыць усе сымбалі, глядзіце: Друкарскія сымбалі • Лацінскія літары • Кірылічныя літары | |
Пыта́льнік (?) — знак прыпынку, ставіцца звычайна ў канцы сказу для выражэньня пытаньня альбо сумненьня.
Правілы выкарыстаньня[рэдагаваць | рэдагаваць крыніцу]
Пытальнік ставіцца ў канцы простага сказа (у тым ліку слова-сказа), якім выражаецца прамое пытаньне:
«Адкуль тут музыка нясецца? Чыя тут песьня ў душу льецца?»— Я. Колас
Пытальнік ставіцца ў канцы складаназалежнага сказа, калі пытаньне выражана ў галоўнай і даданай частках або толькі ў галоўнай:
«Край мой родны! Дзе ж у сьвеце край другі такі знайсьці, дзе б магла так, поруч зь сьмецьцем, гожасьць пышная ўзрасьці?»— Я. Колас
Пытальнік можа ставіцца ў канцы складаназалежнага сказу й тады, калі прамое пытаньне заключаецца ў даданай частцы:
«І скажы, дзядок, адкуль хмары гэтыя выходзяць?»— Я. Колас
Пытальнік ставіцца ў канцы складаназлучанага й бяззлучнікавага складанага сказа, калі кожная яго частка або толькі апошняя частка выражае пытаньне:
«Ці гэта казку лес складае, ці даль ачнулася нямая й немасьць песьняй парушала?»— Я. Колас
У пытальных сказах з аднароднымі часьцінамі сказу пытальнік можа ставіцца пасьля кожнага аднароднага члена з мэтай разьдзяленьня пытаньня:
«Стрэл адзінокі рэхам трывожна глухім дакаціўся да іх. Што гэта? Стрэл паляўнічы? Ці знак таямнічы?»
У розных мовах[рэдагаваць | рэдагаваць крыніцу]
- У гішпанскай мове таксама выкарыстоўваецца перавернуты пытальнік (¿, U+00BF), які ставіцца ў пачатку фразы ў дадатак да звычайнага пытальніка ў канцы. Напрыклад: ¿Qué tal? («Як справы?»).
- У францускай мове пытальнік, як і некаторыя іншыя знакі пунктуацыі, аддзяляецца ад слова прабелам, напрыклад: Qu’est-ce que tu dis ? («Што ты кажаш?»).
- Ува арабскай мове і ў мовах, якія выкарыстоўваюць арабскую графіку (напрыклад, пэрсыдзкая мова), пытальнік пішацца наадварот (؟, U+061F).
Глядзіце таксама[рэдагаваць | рэдагаваць крыніцу]
|
|
|---|
