Перайсьці да зьместу

Патрык Авамаеля

Зьвесткі зь Вікіпэдыі — вольнай энцыкляпэдыі
Патрык Авамаеля
Пэрсанальная інфармацыя
Нарадзіўся 5 лістапада 1979(1979-11-05)[1][2][3] (46 гадоў)
Рост 187 см
Пазыцыя задні абаронца
Клюбы
Гады Клюб Гульні (галы)¹
2000—2001 Lüneburger SK[d] 34 (3)
2001—2002 Аснабрук 33 (1)
2002—2003 Падэрборн-07 23 (4)
2003—2005 Армінія Білефэльд 63 (8)
2005—2008 Вэрдэр 50 (0)
2008—2013 Барусія Дортмунд 76 (3)
2014 Гамбург II[d] 12 (0)
2014—2015 Гамбург 4 (0)
Зборныя
2004—2006 Нямеччына 11 (0)

Патрык Авамаеля (па-нямецку: Patrick Owomoyela; нар. 5 лістапада 1979 году, Гамбург, Нямеччына) — нямецкі футбаліст нігерыйскага паходжаньня. У 2004—2006 гадах — гулец зборнай Нямеччыны.

Кар’ера

[рэдагаваць | рэдагаваць код]
Авамаеля на трэніроўцы «Вэрдэру»

Бацька — нігерыец, маці — немка. У дзяцінстве й юнацкасьці займаўся футболам у клюбах «Грун-Вайс Эльмсьбютэль» і «Штэлінгэн 88». Таксама ў юнацкасьці Патрык гуляў у баскетбол у рэгіянальнай лізе. Сталую футбольную кар’еру пачынаў у клюбах нізкіх рэгіянальных ліг такіх, як «Люнэбургэр», «Аснабрук» і «Падэрборн-07». У 2003 годзе перайшоў у «Армінію», у складзе якой у сэзоне 2003/04 заняў 2-е месца ў другой Бундэсьлізе, што дала камандзе права на выйсьце ў вышэйшы дывізіён. Яго гульня ў складзе «Армініі» зьвярнула да сябе ўвагу кіраўніцтва нямецкай зборнай й «Вэрдэра», аднаго з найлепшых клюбаў Нямеччыны, у які Патрык і перайшоў улетку 2005 году. Сэзон 2005/06 Авамаеля правёў у якасьці гульца асноўнага складу «Вэрдэру», але па прычыне траўмы й пасрэднай гульні быў выцесьнены са складу прыйшэлым у каманду Клемэнсам Фрыцам і на працягу двух сэзонаў выходзіў на поле вельмі нячаста. За тры сэзона, праведзеных Патрыкам у «Вэрдэры», клюб тройчы трапляў у першую тройку Бундэсьлігі; таксама Авамаеля выйграў у складзе «Вэрдэру» Кубак лігі 2006 году.

У 2008 годзе перайшоў у «Барусію» Дортмунд за 2,5 мільёну эўра[5], зь якой два гады запар станавіўся чэмпіёнам Нямеччыны, але з кожным сэзонам канкурэнцыя ў Барусіі павялічвалася й Авамаеля гуляў усё менш, акрамя таго гульца пачалі прасьледаваць пастаянныя траўмы[6][7]. У сэзоне 2012-2013 Авамаеля й зусім амаль не выходзіў на поле, у многім з-за праблемаў са здароўем[8], таму па заканчэньні сэзону 2012-2013 абвясьціў, што пакідае «Барусію»[9].

Міжнародная

[рэдагаваць | рэдагаваць код]
Авамаеля на Кубку канфэдэрацыяў 2005 году

Авамаелю ўпершыню заўважыў і запрасіў у нацыянальную зборную Нямеччыны новы трэнэр Бундэстым Юрген Клінсман, які зьбіраўся будаваць да хатняга чэмпіяната сьвету цалкам новую зборную Нямеччыны: маладую, якая грае ў яскравы, атакавалы футбол, які падабаўся б заўзятарам. Але не абышлося без скандалу. Справа ў тым, што ў зборную Нямеччыны быў выкліканы правы паўабаронца й нападнік Джэральд Азамоа, які хоць і зрабіў першыя крокі ў футболе менавіта ў Нямеччыны, нарадзіўся ў Гане. Гэта выклікала ў краіне неадназначную рэакцыю: нацыяналістычныя арганізацыі вырашылі сустрэць гульца сьвістам і закідаць бананамі. Аднак, гэтым няхітрым плянам так і не наканавана было ажыцьцявіцца – нямецкая паліцыя яшчэ раз даказала статус адной з самых інфармаваных у сьвеце, і спыніла акцыю на кораню. І калі акрамя Джэральда Азамоа, да якога ўжо больш-менш прывыклі, бундэстрэнэр Клінсман вырашыў прыцягнуць пад колеры нацыянальнай зборнай Патрыка Авамаелю, які, хоць і нарадзіўся ў Гамбургу, хоць і вырас у Нямеччыне, зьяўляўся сынам чарнаскурага нігерыйца. Рэакцыя грамадзкасьці была прадказальнай: сапортэры былі незадаволены другім афранемцам у камандзе, нягледзячы нават на тое, што маці Авамаеля — немка. Але ў гэты раз справа не абмежавалася толькі незадаволенасьцю заўзятараў, у разборкі ўступіла й больш вядомая постаць – Уда Фойгт, скандальны лідэр Нацыянал-дэмакратычнай партыі Нямеччыны. Гэту партыю Ведамства па ахове канстытуцыі Нямеччыны вызначае як праваэкстрэмізкую. Фойгт пачаў распаўсюджваць улёткі з малюнкамі, на якіх была намалявана беласьнежная суколка нямецкай зборнай з дваццаць пятым нумарам, якую насіў Авамаеля, і надпісам – «Белы. Ня проста колер футболкі. За сапраўдную нацыянальную зборную!». Скандал выйшаў грандыёзным. Авамаеля думаў вельмі доўга (калі быць цалкам дакладным – каля двух гадоў), перш чым пракамэнтаваў дзеяньні Фогта. «Я шакаваны тым, як выкарыстоўвалася маё імя, - сказаў футбаліст. – На мяне яшчэ ні разу не нападалі настолькі прамалінейна. Гэта супраць маіх перакананьняў, і я падаю ў суд». Увесну 2008 году нямецкая пракуратура ўзбудзіла справу супраць Фойгта зь вельмі сур’ёзнай фармулёўкай: распальваньне міжнацыянальнай розьні[10].

За зборную Нямеччыны Авамаеля правёў у 2004—2006 гадах 11 матчаў і заняў у яе складзе 3-е месца на Кубку канфэдэрацый 2005.

Дасягненьні

[рэдагаваць | рэдагаваць код]

Армінія Білефэльд:

Вэрдэр Брэмэн:

Барусія Дортмунд:

Зборная Нямеччыны:

Асабістыя:

Крыніцы

[рэдагаваць | рэдагаваць код]
  1. ↑ Patrick Owomoyela // Transfermarkt (мн.) — 2000.
  2. ↑ PATRICK OWOMOYELA // Argentine Soccer Database (гішп.)
  3. ↑ Patrick Owomoyela // As (гішп.) — Madrid: PRISA, 1967. — ISSN 1888-6671
  4. ↑ Deutsche Nationalbibliothek Record #134017188 // Gemeinsame Normdatei (ням.) — 2012—2016.
  5. ↑ Овомойела покинет «Вердер» и перейдет в дортмундскую «Боруссию».. www.sports.ru
  6. ↑ Овомойела ляжет под нож.. football.ua
  7. ↑ Овомойела: очередная серьезная травма.. football.ua
  8. ↑ Овомойела: не вписываюсь в планы Боруссии Д.. football.ua
  9. ↑ Овомойела покинет Боруссию Д.. football.ua
  10. ↑ И тебя услышат на стадионе: черные арийцы.. football.ua

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Патрык_Авамаеля&oldid=2623086»