Пан міністар

«Пан міністар»
Вокладка выданьня «Пан міністар»
Жанр:	п’еса
Аўтар:	Францішак Аляхновіч
Мова арыгіналу:	беларуская
Год напісаньня:	1922
Публікацыя:	1924 (у Вільні) 1942 (першая пастаноўка ў Менску)

«Пан міністар» — п’еса Францішка Аляхновіча. Упершыню надрукаваная ў 1924 годзе ў Вільні. Упершыню пастаўлена ў 1942 годзе на памосьце Менскага беларускага тэатру.

Зьмест

Галоўная дзея п’есы — высьмейваньне людзей, якія далучыліся да замаганьня за стварэньне беларускай дзяржавы толькі з-за жаданьня атрымаць высокія пасады. Філімон Пупкін — карыкатура на Тодара (Хведара) Вернікоўскага (1861—1938). У сьнежні 1917 — красавіку 1918 году стаў скарбнікам Менскага беларускага прадстаўніцтва, у красавіку 1918 году ўведзены ў Раду БНР. Ва ўрадзе Р. Скірмунта (з чэрвеня 1918 году) — дзяржаўны скарбнік, ва ўрадзе Я. Серады — народны пісар торгу й прамысловасьці. Са сьнежня 1918 году жыве ў Вільні, пазьней у Горадні. Пасьля 1921 году — у Вільні. У 1928—1929 гадах рэдактар газэты «Грамадзянін». Адзін з арганізатараў таварыства «Прасьвета».

Бібліяграфія

• Францішак Аляхновіч. Пан міністар: камэдыя ў 3 актах.. — выданьне газэты «Голас беларуса». — Вільня: Друакарня С. Бэкэра, 1924. — 54 с.
• Францішак Аляхновіч. Пан міністар. / укладанне В. Валадзько, А. Сабалеўскага ; рэдкалегія: А. Сабалеўскі (адказны рэдактар) і інш. // Беларуская драматургія : зборнік. — Менск: Навука і тэхніка, 1994. — В. Вып. 1. — ISBN 5-343-01478-x.
• Францішак Аляхновіч. Выбраныя творы. Драматургія; Проза; Вершы; Публіцыстыка; Лісты; Тэатразнаўства; Успаміны / укладанне, прадмова Анатоля Сабалеўскага ; каментарый Генадзя Кажамякіна. — Менск: Беларускі кнігазбор, 2005. — 541 с. — (Беларускі кнігазбор. Серыя 1, Мастацкая літаратура). — 1200 ас. — ISBN 985-504-005-8

Крытыка, рэцэнзіі

• С. Тэатр і мастацтва. «Пан Міністар», новая п'еса п. Аляхновіча. / Я. Лагіновіч // Вольны Сьцяг : газэта. — Вільня: друкарня Левін і Сын, 28 верасьня 1923. — № 13. — С. 4.
• Тутэйшая хроніка. Аб'ездны тэатр. (Пан міністар). // Грамадзкі Голас : газэта. — 1925, 19 ліпеня. — № 29 (83). — С. 4.
• Трыумф беларускага аб'язднога тэатру (З польскай прэсы). // Грамадзкі Голас : газэта. — 1925, 6 жніўня. — № 30 (84). — С. 3.
• Хроніка. За рубяжом. У заходняй Беларусі працуе вандроўны беларускі тэатр пад кіраўніцтвам Ф. Аляхновіча. // Полымя : часопіс. — 1926. — № 4. — С. 158.
• Ferdinand Neureiter. Weißrussische Anthologie. Ein Lesebuch zur weißrussischen Literatur. — München: Verlag Otto Sagner, 1983. — С. 113—118. — 230 с. — (Slavistiche Beiträge). — ISBN 3-87690-252-5 (ням.)