Пангаліны

Пангаліны
Клясыфікацыя
Царства	Жывёлы (Animalia)
Падцарства	Эўмэтазоі (Eumetazoa)
Тып	Хордавыя (Chordata)
Падтып	Хрыбетныя (Vertebrata)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Пангаліны
Бінамінальная намэнклятура
Pholidota Weber, 1904
Арэал
Пангаліны на Віківідах  Пангаліны ў Вікісховішчы ITIS 180104 ·

Пангаліны, або яшчары (Pholidota) — атрад пляцэнтарных сысуноў, прадстаўнікі якога насяляюць трапічныя раёны Азіі і Афрыкі.

Апісаньне

Цела падоўжанае, карычневае або жаўтлявае, 1—1,6 м у даўжыню, пакрыта шчыльнай рагавой луской, якая пакрываючы ўсё цела ўтварае падабенства брані. Вельмі доўгі хвост, які складае 2/3 ад агульнай даўжыні. Язык пангалінаў вырастае да 40 см. Лапы ўзброены моцнымі кіпцюрамі. У пангалінаў адсутнічаюць зубы, зубныя норкі былі выяўлены толькі ў эмбрыёнаў.

Пангаліны засяляюць адкрытыя ці лясістыя раўніны. Актыўныя галоўным чынам уначы. Некаторыя віды жывуць на зямлі, некаторыя аддаюць перавагу жыцьцю на дрэвах.

Самка нараджае звычайна адно дзіця. У нованароджаных скура пакрыта мяккай луской, якая становіцца цьвёрдай прыкладна праз 2 сутак пасьля нараджэньня.

Клясыфікацыя

Атрад Pholidota разам з атрадам Carnivora утвараюць кладу Ferae. Атрад уключае адно сучаснае сямейства — пангалінавыя (Manidae), якое ў сваю чаргу ўключае 3 сучасныя роды Manis, Phataginus, Smutsia зь 8 відамі:

• Manis crassicaudata
• Manis culionensis
• Manis javanica
• Manis pentadactyla
• Phataginus tetradactyla
• Phataginus tricuspis
• Smutsia gigantea
• Smutsia temmincki

Атрад Pholidota таксама зьмяшчае вымерлыя сямействы і роды жывёл:

• род †Euromanis
• род †Necromanis

сямейства †Eurotamanduidae

• род †Eurotamandua

сямейства †Eomanidae

• род †Eomanis

сямейства †Patriomanidae

• род †Cryptomanis
• род †Patriomanis

Вонкавыя спасылкі

• Pangolin — African Wildlife Foundation (анг.)

Вонкавыя выявы
	A photograph of a pangolin

Пангаліны — сховішча мультымэдыйных матэрыялаў