Палёўка звычайная

Палёўка звычайная
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Пляцэнтарныя (Placentalia)
Атрад	Грызуны (Rodentia)
Сямейства	Хамяковыя (Cricetidae)
Род	Палёўка (Microtus)
Від	Палёўка звычайная
Бінамінальная намэнклятура
Microtus arvalis (Pallas, 1778)
Арэал
Арэал
Палёўка звычайная на Віківідах  Палёўка звычайная ў Вікісховішчы ITIS 632856 ·

Палёўка звычайная (Microtus arvalis) — від сысуноў сямейства хамяковых (Cricetidae).

Вонкавы выгляд

Даўжыня цела 90–120 мм, даўжыня хваста 25–38 мм, даўжыня вушэй 9–12 мм, вага 18–40(51) г. Верх жаўтавата-шэры, больш карычневы на захадзе арэала і больш шэры на ўсходзе. Ніз бялёсы і часам з іржава-жоўтым адценьнем.

Распаўсюджваньне

Сустракаецца ў Эўропі і Азіі ад Гішпаніі да Манголіі; на вышынях ад 0 да 3000 м.

Лад жыцьця

Сустракаецца ў розных месцах пражываньня, уключаючы вільготныя лугі, пашы, лесастэпы, вільготныя лясы і часам сельскагаспадарчыя тэрыторыі, радзей у лесапасадках. Сілкуецца ў асноўным зялёнымі часткамі травяністых расьлін. Яны, як правіла, дзённыя, не ўпадаюць у спячку, жывуць групамі.

Натуральная працягласьць жыцьця складае каля 2–3 гадоў, але большасьць жывёл не дажываюць да 3 месяцаў з-за іх натуральных ворагаў.

Вонкавыя спасылкі

• Yigit, N., Hutterer, R., Krytufek, B. & Amori, G. 2016. Microtus arvalis. The IUCN  (анг.)
• Noble, S. 2017. Microtus arvalis. Animal Diversity Web  (анг.)