Палацава-паркавы комплекс Радзівілаў (Жырмуны)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Помнік грамадзянскай архітэктуры
Палацава-паркавы комплекс Радзівілаў
Брама, 2007 г.
Брама, 2007 г.
Краіна Беларусь
Вёска Жырмуны
Каардынаты 53°59′50.10″ пн. ш. 25°11′58.51″ у. д. / 53.99725° пн. ш. 25.1995861° у. д. / 53.99725; 25.1995861Каардынаты: 53°59′50.10″ пн. ш. 25°11′58.51″ у. д. / 53.99725° пн. ш. 25.1995861° у. д. / 53.99725; 25.1995861
Палацава-паркавы комплекс Радзівілаў на мапе Беларусі
Палацава-паркавы комплекс Радзівілаў
Палацава-паркавы комплекс Радзівілаў
Палацава-паркавы комплекс Радзівілаў
Commons-logo.svg Палацава-паркавы комплекс Радзівілаў на Вікісховішчы

Палацава-паркавы комплекс Радзівілаў — помнік архітэктуры і садова-паркавага мастацтва XVIII ст. у Жырмунах. Знаходзіцца з паўднёвага захаду ад вёскі, паўразбураны. Твор архітэктуры клясыцызму.

Комплекс складаўся з уязной брамы, дзьвюх бакавых афіцынаў (зь якіх паўднёва-ўсходняя выконвала ролю палаца[1]), гаспадарчых пабудоваў, калёны Сьвятога Арханёла Рафала і парку. За савецкім часам комплекс часткова зруйнавалі.

Гісторыя[рэдагаваць | рэдагаваць крыніцу]

У другой палове XVIII ст. Станіслаў Радзівіл пачаў будаваць палацава-паркавы комплекс у фальварку Жырмунках (цяпер вёска Жырмуны). Аднак празь сьмерць князя ў 1787 годзе будаваньне комплексу спынілася.

Паводле вопісаў Лідзкага дэканату 1784 году, у Жырмунах быў «мураваны палац, каля гэтага палаца мураваная афіцына, дзьве іншыя драўляныя афіцыны атынкаваныя», а таксама гаспадарчыя пабудовы і калёна Сьвятога Арханёла Рафала[1].

За часамі Першай сусьветнай вайны ў 1915 годзе комплекс разрабавалі. Другі раз яго разрабавалі ў 1939 годзе. Па Другой сусьветнай вайне ў афіцынах пэўны час месьцілася школа і жытло. Пазьней комплекс занядбалі.

У красавіку 2018 году зьявілася інфармацыя пра пляны ўшчэнт зруйнаваць помнік архітэктуры[2].

Архітэктура[рэдагаваць | рэдагаваць крыніцу]

Помнік архітэктуры клясыцызму. Комплекс складаецца з уязной брама, дзьвюх бакавых 2-павярховых афіцынаў (паўднёва-ўсходнюю афіцыну з багатым афармленьнем унутраных інтэр’ераў займалі самі Радзівілы, у паўночна-заходняй афіцыне жыла прыслуга), гаспадарчых пабудоваў і парку. Непадалёк знаходзіцца калёна Сьвятога Арханёла Рафала.

Галерэя[рэдагаваць | рэдагаваць крыніцу]

Гістарычныя здымкі[рэдагаваць | рэдагаваць крыніцу]

Сучасныя здымкі[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

  1. ^ а б Лаўрэш Л. Калона арханёла Рафаіла ў Жырмунах // Лідскі летапісец 2017. № 1(77). C. 38.
  2. ^ На Лідчыне хочуць знесці трыумфальную арку Радзівілаў XVIII стагоддзя // Наша Ніва, 11 красавіка 2018 г.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Палацава-паркавы комплекс Радзівілаў (Жырмуны)сховішча мультымэдыйных матэрыялаў