Перайсьці да зьместу

Остан Мэт’юз

Зьвесткі зь Вікіпэдыі — вольнай энцыкляпэдыі
Остан Мэт’юз
Рост 191 см
Вага 98 кг
Пазыцыя цэнтральны нападнік
Кідок/Ловы левы[d]
Грамадзянства
Дата нараджэньня 17 верасьня 1997(1997-09-17) (28 гадоў)
Месца нараджэньня
Клюб Таронта Мэйпл Ліфс
Выступаў за Лаянз Цюрых
Драфт НХЛ 1, 2016
Таронта Мэйпл Ліфс
Гульнявая кар’ера 2015 — цяпер

Остан Мэт’юз (па-ангельску: Auston Matthews; нар. 17 верасьня 1997 году) — хакеіст ЗША, цэнтральны нападнік і капітан клюбу «Таронта Мэйпл Ліфс» з Нацыянальнай хакейнай лігі. У 2016 годзе быў абраны на драфце НХЛ клюбам «Таронта Мэйпл Ліфс» у першым раўндзе пад агульным 1-м нумарам.

Кар’ера

[рэдагаваць | рэдагаваць код]

Пачаў хакейную кар’еру на юніёрскім узроўні ў 2013 годзе, увайшоўшы ў сыстэму разьвіцьця юніёрскага хакея ЗША. Юнак хутка стаў зоркай юніёрскай зборнай ЗША. У веку 19-ці гадоў маладзён зьехаў з Паўночнай Амэрыкі ў Швайцарыю, дзе далучыўся да клюбу «Лаянз Цюрых», дзе адгуляў толькі адзін сэзон, за які стаў уладальнікам Кубка Швайцарыі, набраўшы два пункты ў пераможным фінальным матчы супраць «Лязаны». А вясною ў сэрыі плэй-оф разам з камандай прагуляў будучаму чэмпіёну Швайцарыі клюбу «Бэрн».

Мэт’юз у складзе швайцарскага клюбу «Лаянз Цюрых».

У 2016 годзе быў абраны на драфце НХЛ пад 1-м агульным нумарам клюбам «Таронта Мэйпл Ліфс». Улетку хакеіст далучыўся да «Таронта Мэйпл Ліфс». Ужо падчас рэгулярнага сэзону НХЛ ён стаў адным зь лідэраў «Мэйпл Ліфс» і ўсталявіў новую плянку для пачаткоўцаў «Таронта», перасягнуўшы рэкорд Ўэндэла Кларка паводле колькасьці закінутых шайбаў, якіх было 35. Увогуле паводле вынікаў рэгулярнага сэзону ў яго было ўжо 40 праведзеных галоў. Сэзон 2017—2018 гадоў таксама быў пасьпяховым для маладога форварда. Да канца 2017 году ён набраў 100 пунктаў у рэгулярным сэзоне, але ў плэй-оф ягонаму клюбу не пашанцавала, яны саступілі «Бостан Бруінз», а сам Мэт’юз набраў толькі два пункты (1+1) у сямі матчах.

Сэзон 2018—2019 гадоў амэрыканец пачаў з таго, што пераўзвысіў рэкорд Ўэйна Грэцкі, узяўшы 12 пунктаў у пяці гульнях[3]. 27 кастрычніка 2018 году ў гульні супраць «Вініпэг Джэтс» спартовец атрымаў траўму пляча і прапусьціў наступныя 14 матчаў «Мэйпл Ліфс»[4]. 27 сьнежня 2018 году ён быў прызначаны капітанам Атлянтычнага дывізіёну ў Матчы ўсіх зорак НХЛ. 5 лютага 2019 году падпісаў пяцігадовы кантракт на 11,634 мільёнаў даляраў з клюбам[5]. Пазьней адзначыўся 100-м і 101-м галамі за клюб, стаўшы трэцім гульцом «Ліфс» у гісторыі франшызы, які зрабіў гэта[6]. Ён таксама стаў першым гульцом каманды, які правёў 30 галоў за тры сэзоны запар[7]. На пачатку сэзону 2019—2020 гадоў Мэт’юз стаў альтэрнатыўным капітанам «Мэйпл Ліфс»[8]. 3 кастрычніка 2019 году ў першай гульні супраць «Атава Сэнатарз» аформіў дубль, стаўшы чацьвертым гульцом у гісторыі НХЛ, які правёў у кожным зь першых чатырох запар стартавых матчаў[9][10]. У наступным сэзоне ён быў уганараваны трафэем Марыса Рышара, набраўшы 66 пунктаў у рэгулярным сэзоне[11]. У плэй-оф Кубка Стэнлі «Таронта» саступілі «Манрэаль Канадыенз» зь лікам 4:3[12][13].

У матчы супраць «Вашынгтон Кэпіталз» у 2022 годзе.

Мэт’юз прапусьціў першыя тры матчы сэзону 2021—2022 гадоў праз траўму[14]. 4 красавіка 2022 году ўчыніў свой сёмы хет-трык у матчы супраць «Тампа Бэй Лайтнінг». Празь дзесяць дзён, 14 красавіка, амэрыканец набраў 100 пунктаў у рэгулярным сэзоне. 26 красавіка стаў першым гульцом «Мэйпл Ліфс», які ўлучыў 60 галоў за сэзон[15]. У плэй-оф Кубка Стэнлі, не зважаючы на добрыя вынікі гульца, «Мэйпл Ліфс» зазнала паразу ад «Тампа Бэй Лайтнінг» зь лікам 4:2[16]. 21 чэрвеня выйграў мэмарыяльны трафэй Гарта і ўзнагароду Тэда Ліндсэя[17]. 3 студзеня 2023 году паклаў на свой рахунак 500-ы пункт у кар’еры ў матчы супраць «Сэнт-Луіс Блюз»[18]. У плэй-оф 2023 году таронтаўцы перамаглі «Тампа Бэй Лайтнінг» зь лікам 4:2, але саступілі «Флорыда Пантэрз» зь лікам 4:1.

23 жніўня 2023 году спартовец падпісаў чарговы чатырохгадовы кантракт[19]. У сваіх першых двух пачатковых матчах сэзону гулец зрабіў два хет-трыкі, спачатку ў пераможным матчы супраць «Манрэаль Канадыенз», а на наступны дзень у пераможным матчы супраць «Мінэсота Ўайлд»[20]. Пазьней ён быў названы адным з чатырох капітанаў Матчу ўсіх зорак НХЛ 2024 году. 30 сакавіка 2024 году стаў дзявятым гульцом у гісторыі НХЛ, які дасягнуў адзнакі ў 60 галоў у другі раз за сэзон[21]. 6 красавіка 2024 году набраў сваё 100-ы пункт у сэзоне[22], другі раз у сваёй кар’еры. У канцы сэзону амэрыканец у трэці раз быў уганараваны трафэем Марыса Рышара[23]. 14 жніўня 2024 году зьмяніў Джона Таварэса, стаўшы капітанам «Таронта Мэйпл Ліфс». Мэт’юз стаў першым амэрыканцам, які стаў капітанам гэтай канадзкай дружыны[24]. 15 красавіка 2025 году хакеіст адзначыўся сваім 400-м голам у кар’еры ў матчы супраць «Бафала Сэйбрз», стаўшы шостым паводле хуткасьці гульцом, які дасягнуў гэтай адзнакі[25]. 3 студзеня 2026 году Мэт’юз закінуў сваю 421-ю шайбу, абышоўшы Матса Сундына і стаўшы найлепшым бамбардзірам каманды за ўсю гісторыю[26].

Крыніцы

[рэдагаваць | рэдагаваць код]
  1. ↑ NHL.com — Нацыянальная хакейная ліга.
  2. ↑ Hockey Reference
  3. ↑ Auston Matthews broke an obscure record by Wayne Gretzky. 25Stanley (11.10.2018).
  4. ↑ Frustrated Matthews facing another spell on the sidelines. SportsNet (29.10.2018).
  5. ↑ Maple Leafs sign Auston Matthews to five-year contract extension. SportsNet (05.02.2019).
  6. ↑ Facts and Figures: Matthews gets 100th NHL goal in Maple Leafs win. NHL.com (15.02.2019).
  7. ↑ @jonassiegel [] — «Auston Matthews becomes the first player in Leafs history to score 30 goals in each of his first three NHL seasons.» — 26 лютого 2019. — (Тўіт праз Twitter).
  8. ↑ Tavares named captain of Maple Leafs, first in three seasons. NHL.com (02.10.2019). Архіўная копія ад 02.10.2019 г.
  9. ↑ Matthews scores twice, Maple Leafs beat Senators in opener // Yahoo Sports, 03.10.2019 г. Архіўная копія ад 04.10.2019 г.
  10. ↑ Zibanejad leads 3 Stars of the Week // NHL.com, 08.10.2019 г. Архіўная копія ад 07.10.2019 г.
  11. ↑ McDavid claims Art Ross, Matthews wins Maurice 'Rocket' Richard Trophy // SportsNet, 19.05.2021 г. Архіўная копія ад 23.04.2022 г.
  12. ↑ Mirtle, James. Make no mistake, the Maple Leafs losing this series would be the biggest collapse of them all // The Athletic, 30.05.2021 г. Архіўная копія ад 14.03.2022 г.
  13. ↑ 2021 Stanley Cup Playoffs: Canadiens pull off massive series comeback while Leafs head to offseason full of questions // The Athletic, 31.05.2021 г. Архіўная копія ад 14.03.2022 г.
  14. ↑ Maple Leafs' Auston Matthews undergoes successful wrist surgery // SportsNet, 13.08.2021 г. Архіўная копія ад 14.03.2022 г.
  15. ↑ Didtler, Mark. Matthews scores hat trick, ties Vaive's single-season franchise goal record as Leafs dominate Lightning // CBC Sports, 04.04.2022 г. Архіўная копія ад 05.04.2022 г.
  16. ↑ McCarthy, Dave (14.05.2022) Paul, Lightning win Game 7, eliminate Maple Leafs. NHL Enterprises, L. P.. Архіўная копія ад 15.05.2022 г.
  17. ↑ 2022 NHL Awards: Full list of winners. SportsNet (21.06.2022). Архіўная копія ад 22.06.2022 г.
  18. ↑ Dixon, Ryan (04.01.2023) Matthews hits 500-point milestone, Maple Leafs fall short in shootout vs. Blues. SportsNet. Архіўная копія ад 04.01.2023 г.
  19. ↑ Maple Leafs Re-sign Auston Matthews To Four-year Contract Extension. NHL.com (23.08.2023). Архіўная копія ад 23.08.2023 г.
  20. ↑ Maple Leafs' Auston Matthews opens season with 2 hat tricks. ESPN (15.10.2023). Архіўная копія ад 16.10.2023 г.
  21. ↑ Matthews is 9th ever with multiple 60-goal seasons. theScore.com (31.03.2024).
  22. ↑ Matthews gets 100th point, Maple Leaf's top Canadiens to gain in Atlantic. nhl.com (06.04.2024).
  23. ↑ Leafs star Auston Matthews finishes season with 69 goals. CTV News (17.04.2024).
  24. ↑ McCarthy, Dave (14.08.2024) Matthews named Maple Leafs captain, replaces Tavares. NHL.com.
  25. ↑ Maple Leafs’ Auston Matthews reaches 400 goals faster than Ovechkin. SportsNet (15.04.2025).
  26. ↑ McGran, Kevin (03.01.2026) Auston Matthews passes Mats Sundin for most goals in Maple Leafs history. Toronto Star.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Остан_Мэт’юз&oldid=2652079»