Ойра

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

«О́йра» ці «Ойра-ойра» — парны побытавы танец памерам 3/4 такту, тэмп умерана хуткі. На Беларусі зьявіўся ў канцы XIX — пачатку XX стагодзьдзя. Атрымаў папулярнасьць ва Ўсходняй Эўропе.

Выконваецца ў парах па коле. Блёк рухаў паўтараецца некалькі разоў запар: плясканьне ў далоні, простыя крокі, сынхроннае выцягваньне нагі на «насок-абцас», загляданьне адзін аднаму ў твар ды іншыя. Выканаўцы падчас танцу часта выгуквалі «ой-ра!», адкуль і паходзіць назва танцу. Пазьней зьявіліся таксама й прыпеўкі:

Што за танец ойра, ойра!
Да чаго ж ты стройна, стройна…

У канцы 80-х з актывізацыяй адраджэнскага руху танец ізноў пачаў адраджацца ў Беларусі ўжо паводле прыбалтыйскага ўзору[1] — трохкрокі, стуканьні аднайменнымі нагамі (правымі, пасьля левымі), тое ж з плячыма і ўрэшце бака́мі[2]. Пры гэтым прыгаворваюць «Ойра-ойра!»[3]

Крыніцы[рэдагаваць | рэдагаваць крыніцу]

  1. ^ Аляксандра Дорская. (1 лістапада 2013) Танцы пасьля «Жар-птушкі». Будзьма беларусамі!Праверана 1 лістапада 2013 г.
  2. ^ Ойра-ойра (литовский вариант)(рас.) Вокзал. Вокруг света в 80 танцев. Праверана 1 лістапада 2013 г.
  3. ^ gorynlexx. (24 красавіка 2009) Ойра(рас.) quay_dances. LiveJournalПраверана 1 лістапада 2013 г.

Літаратура[рэдагаваць | рэдагаваць крыніцу]

  • Этнаграфія Беларусі: Энцыклапедыя; Рэдкалегія: І. П. Шамякін (гал. рэд.) і інш. — Мн.: БелСЭ, 1989.— 575 с.: іл. ISBN 5-85700-014-9.

Вонкавыя спасылкі[рэдагаваць | рэдагаваць крыніцу]