Нуэва-Лоха

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Нуэ́ва-Ло́ха (па-гішпанску: Nueva Loja) (таксама вядомы як Ла́ґа-А́ґрыё) — горад у Эквадоры, адміністрацыйны цэнтар правінцыі Сукумбіяс. Месьціцца ў лясох па-над прытокамі Амазонкі, цэнтар нафтаздабываючай прамысловасьці. Паўстаў у 1960-х гадох пасьля адкрыцьця нафтавых радовішчаў і пачаткам іх эксплёатацыі амэрыканскімі кампаніямі, у першую чаргу TEXACO. Насельніцтва — 34,505 (2001).

Аб назьве[рэдагаваць | рэдагаваць крыніцу]

  • Нуэ́ва-Ло́ха: з гішпанскае «Новая Лоха», у гонар горада Лоха, адміністратыўнага цэнтра аднайменнай правінцыі на поўдні Эквадора, адкуль паходзілі большасьць першапасяленцаў гэтага горада.
  • Ла́ґа-А́ґрыё: з гішпанскае «Кіслае возера», калька з ангельскае Sour Lake, мястэчка ў амэрыканскім штаце Тэхас, дзе месьціцца цэнтральная сядзіба нафтавае кампаніі TEXACO.