Ноч на востраве Родас

Зьвесткі зь Вікіпэдыі — вольнай энцыкляпэдыі
(Перанакіравана з «Ноч на высьпе Родас»)
Перайсьці да навігацыі Перайсьці да пошуку
Ноч на востраве Родас
Aivasovsky Ivan Constantinovich Night at the Rodos island.jpg
рас.Ноч на острове Родос
Мастак Іван Айвазоўскі
Год 1850
Тып палатно, алей
Месцазнаходжаньне Нацыянальны мастацкі музэй Рэспублікі Беларусь, Менск

Ноч на востраве Родас (па-расейску: Ночь на острове Родос) — карціна расейскага мастака-марыніста Івана Айвазоўскага, напісаная ў 1850 годзе пасьля падарожжа да берагоў Малой Азіі і выспаў Грэцкага архіпэляга з адміралам Фёдарам Літке.

Карціна зьяўляецца яркім узорам начнога пэйзажа ў творчасьці раньняга Айвазоўскага, выхаванага ў рэчышчы акадэмічнай школы пад непасрэдным уплывам традыцыяў рамантызму[1].

Гісторыя стварэньня[рэдагаваць | рэдагаваць крыніцу]

Задума стварэньня карціны «Ноч на востраве Родас» нарадзілася ў Айвазоўскага пасьля падарожжа да берагоў Малой Азіі і астравоў Грэцкага архіпэляга з адміралам Фёдарам Літке ўвесну 1845 году. Падчас згаданага падарожжа майстар ня браўся за пэндзаль, аднак замалёўваў сотні аркушаў нарысамі прыбярэжных гарадоў, берагоў Крыта і Хіоса і краявідаў Канстантынопалю, што пасьля паслужыла Айвазоўскаму важкім матэрыялам для стварэньня будучых карцінаў, у тым ліку і «Ночы на востраве Родас»[1].

Прытрымліваючыся сваёй традыцыі марыністычнага пэйзажу, Айвазоўскі, нягледзячы на наяўнасьць натуральных замалёвак, ствараў карціну паводле ўласнай памяці. Мастак лічыў немагчымым пісаць з натуры такую зьменлівую стыхію, як мора[1].

Апісаньне[рэдагаваць | рэдагаваць крыніцу]

Карціна «Ноч на востраве Родас» адлюстроўвае незвычайную для расейскага вока архітэктуру і багатую міжземнаморскую расьліннасьць. Кампазыцыя твора ўтрымлівае жанравы матыў, але, як і у большасьці творах Айвазоўскага, на першы плян выходзяць тры стыхіі: мора, неба і сьвятло[1]. Эфэкты месячнага сьвятла, акружанага лёгкімі празрыстымі аблокамі і месячная дарожка, якая перабіваецца грабянямі хваляў надае зьзяньне і бляск усёй кампазыцыі, адлюстроўваючыся на паверхні вады.

Іншае[рэдагаваць | рэдагаваць крыніцу]

  • У межах праекту «Выстава адной карціны» з 6 студзеня па 6 лютага 2010 году «Ноч на востраве Родас» экспанавалася ў Нацыянальным мастацкім музэі Рэспублікі Беларусь[2]

Крыніцы[рэдагаваць | рэдагаваць крыніцу]

  1. ^ а б в г Іван Айвазоўскі. Ноч на востраве Родас. Нацыянальны мастацкі музэй Рэспублікі Беларусь. Праверана 25 лютага 2011 г.
  2. ^ «Ночь на острове Родос» Айвазовского выставлена в Национальном художественном музее(рас.). Naviny.by (6 студзеня 2010). Праверана 25 лютага 2011 г.

Літаратура[рэдагаваць | рэдагаваць крыніцу]