Новаберазова

Новаберазова
польск. Nowoberezowo
Першыя згадкі:	1611
Былая назва:	Nowe Berezowo (Новае Беразова)
Мясцовая назва:	Nóve Berezóvo
Краіна:	Польшча
Ваяводзтва:	Падляскае
Павет:	Гайнаўскі
Гміна:	Гайнаўка
Насельніцтва:	278 чал. (2012)
Часавы пас:	UTC+1
летні час:	UTC+2
Паштовы індэкс:	17-200
Геаграфічныя каардынаты:	52°45′0″ пн. ш. 23°30′0″ у. д.
Новаберазова на мапе Польшчы Новаберазова
Галерэя здымкаў у Вікісховішчы

Новаберазо́ва (па-польску: Nowoberezowo, па-падляску: Nóve Berezóvo) — вёска ўва ўсходняй Польшчы ў Гайнаўскай гміне Гайнаўскага павету, разьмешчаная 5 кілямэтраў ад Белавескай пушчы. У 1975—1998 гадах вёска належала да Беластоцкага ваяводзтва. Жыхары вёскі — этнічныя беларусы, у большасьці праваслаўныя.

Гісторыя

Вёска заснаваная жыхарамі суседняга Старога Беразова пасьля пажару іх вёскі. У 1664 годзе жыў тут выбранец, а вёска разьмяшчалася на 22 валоках зямлі. Паводле царскага перапісу насельніцтва 1897 г. пражывала тут 529 сялянаў у 85 дамах.

Гістарычныя каштоўнасьці

• 
  Царква сьв. Яна Багаслова
• 
  Царква Ўзьнясеньня Гасподняга
• 
  Праабражэнская царква
• 
  Капліца Аляксандра Неўскага
• 
  Старыя могілкі

• Царква сьв. Яна Багаслова — пабудаваная ў 1771 г. (фундатаркай была Ізабэла Браніцкая) як парафіяльная царква, ад поўначы ў 1884 годзе дабудаваная вежа-званіца.
• Царква Ўзьнясеньня Гасподняга — пабудаваная ў 1876 годзе па праекту інжынэра Лазінскага. Цяпер парафіяльная царква.
• Праабражэнская царква — пабудаваная ў 1840 г. ў суседніх Чыжыках і перанесеная на новаберазоўскія могілкі ў 1925 г.
• Капліца Аляксандра Неўскага — пабудаваная ў 1876 годзе.

Вонкавыя спасылкі

Новаберазова — сховішча мультымэдыйных матэрыялаў