Натан Макінан
| Натан Макінан | ||
|---|---|---|
 | ||
| Рост | 183 см | |
| Вага | 93 кг | |
| Пазыцыя | цэнтральны нападнік | |
| Кідок/Ловы | правы[d] | |
| Грамадзянства | ||
| Дата нараджэньня | 1 верасьня 1995[1] (30 гадоў) | |
| Месца нараджэньня | ||
| Клюб | Каларада Эвэланш | |
| Драфт НХЛ | 1, 2013 Каларада Эвэланш | |
| Гульнявая кар’ера | 2013 — цяпер | |
На́тан Макі́нан (па-ангельску: Nathan MacKinnon; нар. 1 верасьня 1995 году) — канадзкі хакеіст, цэнтральны нападнік клюбу «Каларада Эвэланш» з Нацыянальнай хакейнай лігі. У 2013 годзе быў абраны на драфце НХЛ клюбам «Каларада Эвэланш» у першым раўндзе пад агульным 1-м нумарам. Шырока ўважаецца за аднаго з найлепшых хакеістаў свайго пакаленьня[2][3][4]. У складзе зборнай Канады рабіўся чэмпіёнам сьвету.
Кар’ера
[рэдагаваць | рэдагаваць код]30 чэрвеня «Каларада Эвэланш» выкарысталі свой першы агульны выбар на драфце, каб абраць Макінана[5]. Спартовец падпісаў свой першы трохгадовы кантракт з клюбам НХЛ на ўмовах пачаткоўца[6]. Макінан дэбютаваў у лізе 2 кастрычніка, стаўшы наймаладзейшым дэбютантам франшызы ў рэгулярным сэзоне. У сваёй першай гульні зрабіў дзьве галявыя перадачы ў гасьцявым матчы супраць «Анагайм Дакс»[7]. Першым голам адзначыўся 12 кастрычніка ў браму «Вашынгтон Кэпіталз»[8]. Зь цягам сэзону роля Макінана ўзрастала, у выніку чаго быў пераведзены ў першыя лініі нападу. З 25 студзеня па 6 сакавіка хакеіст склаў сэрыю з 13 пунктаў. Завяршыў сэзон, згуляўшы ўва ўсіх 82 гульнях, трымаючы лідэрства сярод усіх пачаткоўцаў з 24 галамі і 39 галявымі перадачамі, у выніку чаго атрымаў трафэй Колдэра.
22 лютага 2015 году канадзец зрабіў свой першы хет-трык у НХЛ у пераможным зь лікам 5:4 матчы супраць «Тампа Бэй Лайтнінг», стаўшы наймаладзешым аўтарам хет-трыку ў гісторыі сярод гульцоў «Эвэланш»[9]. У сэзоне 2015—2016 гадоў Макінан правёў 21 гол і зрабіў 31 галявую перадачу, набраўшы 52 пункты ў 72 гульнях, што было большым паказьнікам у параўнаньні з папярэднім сэзонам. 8 ліпеня 2016 году хакеіст, як абмежавана вольны агент, зноў склаў працоўную ўгоду з каларадзкім клюбам, пагадзіўшыся на сямігадовы кантракт на 44,1 мільёны даляраў[10]. Хутка пасьля гэтага быў абраны альтэрнатыўным капітанам каманды. Перад сэзонам 2017—2018 гадоў Макінан пагадзіў спартовага псыхоляга, што значна дапамагло яму палепшыць сваю гульню і стаць адным з найлепшых гульцоў лігі[11]. 16 лістапада 2017 году спартовец упершыню ў кар’еры адзначыўся пяцьцю пунктамі ў пераможным матчы супраць «Вашынгтон Кэпіталз», які скончыўся зь лікам 6:2. Хакеіст быў названы першай зоркай тыдня НХЛ 26 лютага—4 сакавіка 2018 году, правёўшы пяць галоў і зрабіўшы шэсьць галявых перадач[12]. 2 сакавіка 2018 году зноў згуляў матч зь пяцьцю пунктамі ў пераможным матчы супраць «Мінэсоты Ўайлд», які завяршыўся зь лікам 7:1[12]. Макінан завяршыў свой прарыўны сэзон, згуляўшы ў 74 гульнях, улучыўшы 39 галоў і зрабіўшы 58 галявых перадач, маючы 97 пункты, чым дапамог «Эвэланш» трапіць у плэй-оф Кубка Стэнлі. Сэзон 2018—2019 гадоў завяршыў з 99 пунктамі (41+58) у 82 згуляных матчах. 7 студзеня 2020 году канадзец згуляў свой 500-ы матч у НХЛ, які прыпаў на сустрэчу зь «Нью-Ёрк Рэйнджарз»[13]. У скарочаным праз пошасьць каранавірусу сэзоне набраў 93 пункты (35+58).
26 студзеня 2022 году спартовец атрымаў пералом носа і страсеньне мозгу пасьля таго, як нападнік «Бостан Бруінз» Тэйлар Гол ударыў яго клюшкай у твар, у выніку чаго канадзец прапусьціў чатыры гульні і Матч усіх зорак НХЛ 2022 году[14]. Спартовец ня меў уражваючых вынікаў рэгулярнага сэзону, але 26 чэрвеня выйграў свой першы Кубак Стэнлі ў складзе каманды. Ён быў лідэрам плэй-оф сярод усіх хакеістаў, маючы 13 галоў на сваім рахунку, столькі ж меў Эвандэр Кейн з «Эдмантан Ойлерз». 20 верасьня 2022 году ўзгодніў новы васьмігадовы кантракт з клюбам з сумай у 100,8 мільёнаў даляраў[15]. 5 сьнежня 2023 году зрабіў 500-ю галявую перадачу ў НХЛ у матчы супраць «Анагайм Дакс»[16]. 21 сьнежня Макінан пацэліў свой 300-ы гол і сёмы хет-трык у кар’еры ў пераможным матчы супраць «Атавы Сэнатарз»[17]. Сэзон 2023—2024 гадоў завяршыўся рэкорднымі лічбамі, то бок спартовец згуляў ува ўсіх 82 гульнях, закінуўшы 51 шайбай і зрабіўшы 89 галявых перадач, маючы на рахунку ажно 140 пунктаў. 10 сакавіка 2025 году ў пераможным матчы супраць «Чыкага Блэкгокс» набраў свой 1000-ы пункт у кар’еры. 7 кастрычніка 2025 году ў першай гульні сэзону 2025—2026 гадоў канадзец зрабіў дзьве галявыя перадачы ў матчы супраць «Лос-Анджэлес Кінгс», стаўшы рэкардсмэнам франшызы паводле колькасьці набраных пунктаў з моманту ейнага пераезду ў Каларада ў 1995 годзе[18].
Крыніцы
[рэдагаваць | рэдагаваць код]- ↑ https://www.iihf.com/en/events/2017/wm/teams/roster/45638/canada/ — Міжнародная фэдэрацыя хакею на лёдзе.
- ↑ Baugh, Peter. Nathan MacKinnon, at long last, is a Hart Trophy winner: 'I didn't know if it was going to happen' // The New York Times, 06.2024 г.
- ↑ Nathan MacKinnon Cements Himself Among NHL Greats After Winning Hart Memorial Trophy and Ted Lindsay Award. NHL.com (28.06.2024).
- ↑ How Nathan MacKinnon became the NHL’s most gifted athlete. Sportsnet. Архіўная копія ад 03.2019 г.
- ↑ Avs pick MacKinnon first overall in NHL draft. Sportsnet (06.2013). Архіўная копія ад 07.2013 г.
- ↑ The Canadian Press. Avs sign first-overall pick to entry-level deal // The Sports Network, 07.2013 г. Архіўная копія ад 12.2013 г.
- ↑ Avs' MacKinnon gets 2 points in rout of Ducks. Sportsnet (10.2013). Архіўная копія ад 10.2013 г.
- ↑ Nathan MacKinnon scores first NHL goal. sbnation.com (12.10.2013). Архіўная копія ад 10.2018 г.
- ↑ Chambers, Mike. Nathan MacKinnon scores hat trick as Avs top Lightning // The Denver Post, 02.2015 г. Архіўная копія ад 02.2015 г.
- ↑ Avs sign MacKinnon to seven-year, $44.1M deal. TSN.ca (07.2016). Архіўная копія ад 03.2018 г.
- ↑ 'I need him': Meet the behind-the-scenes trainer who has helped Nathan MacKinnon take off. The Athletic (08.2021). Архіўная копія ад 01.2022 г.
- 1 2 MacKinnon leads 3 Stars of the Week. NHL.com (03.2018). Архіўная копія ад 04.2023 г.
- ↑ It’s been 500 games and Avalanche's Nathan MacKinnon still doesn't think he's famous. The Denver Post (01.2020).
- ↑ Colorado Avalanche center, All-Star captain Nathan MacKinnon sidelined by facial fracture, concussion. ESPN (01.2022).
- ↑ Nathan MacKinnon signs eight-year contract extension with Avalanche. The Denver Post (09.2022). Архіўная копія ад 09.2022 г.
- ↑ Nathan MacKinnon earns 500th career assist in 3-2 win over Ducks. The Hockey News (12.2023).
- ↑ Nathan MacKinnon scores 4 times, eclipses 300 career goals with Colorado Avalanche in comeback win over Ottawa Senators. CBS news (12.2023).
- ↑ MacKinnon sets Avalanche points record in opening win against Kings. NHL.com (10.2025).