Настасься Кінунэн

Агульная інфармацыя
Настасься Кінунэн

Поўнае імя	Настасься Віктараўна Кінунэн
Арыгінальнае імя	Настасься Дубарэзава
Грамадзянства	Беларусь
Дата нараджэньня	14 сакавіка 1985 (38 гадоў)
Месца нараджэньня	Гарадок, БССР
Рост/вага	171 см / 63 кг
Кубак сьвету (у тым ліку Алімпійскія гульні)
Подыюмаў у эстафэтах	3

Наста́сься Ві́ктараўна Кі́нунэн (у дзявоцтве Дубарэ́зава; нарадзілася 14 сакавіка 1985 году, Гарадок, БССР) — беларуская біятляністка, а ў мінулым лыжніца, удзельніца Алімпійскіх гульняў у Ванкувэры ў лыжных гонках.

Кар’ера[рэдагаваць | рэдагаваць крыніцу]

У лыжным Кубку сьвету Дубарэзава дэбютавала ў кастрычніку 2007 году, тады ж першы раз трапіла ў трыццатку найлепшых на этапе Кубка сьвету, у эстафэце. Усяго мае на сваім рахунку 3 трапляньні ў трыццатку найлепшых на этапах Кубка сьвету, усё ў камандных спаборніцтвах. Найлепшым вынікам у выніковым агульным заліку Кубка сьвету зьяўляецца для Дубарэзавай 123-е месца ў сэзоне 2009—2010 гадоў.

На Алімпіядзе-2010 у Ванкувэры прымала ўдзел у чатырох гонках: спрынт — 42-е месца, дуатлён 7,5+7,5 км — 53-е месца, эстафэта — 10-е месца, мас-старт на 30 км — 44-е месца.

За сваю кар’еру брала ўдзел у адным лыжным чэмпіянаце сьвету, на чэмпіянаце 2009 году, стартавала ў чатырох гонках, найлепшы вынік — 40-е месца ў мас-старце на 30 км.

Па заканчэньні сэзону 2009—2010 гадоў перайшла з лыжных гонак у біятлён. У біятлённым Кубку сьвету Дубарэзава дэбютавала ў сьнежні 2010 году, у сакавіку 2011 году ў першы раз трапіла ў пунктавую зону на этапе Кубка сьвету, заняўшы 40-е месца ў спрынце. Па выніках сэзону 2010—2011 гадоў заняла 96-е месца ў агульным заліку Кубка сьвету.

У сэзоне 2011—2012 гадоў ужо на 3 этапе Кубка сьвету ў Гохфільцэне ўпершыню ў кар’еры трапіла на кветкавую цырымонію, заняўшы 10-е месца ў спрынтарскай гонцы. На 4 этапе ў Абэргофе ў спрынтарскай гонцы заняла 7-ю пазыцыю, не дапусьціўшы ніводнага промаху. На першай у сэзоне гонцы з масавым стартам заняла 10-е месца. На 6-м этапе Кубка сьвету ў эстафэце заняла 2 месца.