Музэй Паўночных краінаў

Музэй Паўночных краінаў
	Музэй Паўночных краінаў
	Nordiska museet
Месцазнаходжаньне	Стакгольм, Швэцыя
Наведнікаў	237 964 чал. (2015);
Створаны	1873
Заснавальнік	Артур Хазеліус[d]
Дырэктар	Санэ Гоўбю-Нільсэн
Геаграфічныя каардынаты	59°19′45″ пн. ш. 18°05′37″ з. д.HGЯO
	Музэй Паўночных краінаў на мапе Швэцыі Музэй Паўночных краінаў
	Афіцыйны сайт

Музэй Паўночных краінаў, таксама Нардычны музэй, або Скандынаўскі музэй (па-швэдзку: Nordiska museet) — культурна-гістарычны музэй у сталіцы Швэцыі Стакгольме, разьмешчаны на высьпе Юргордэн. У фондах музэю налічваецца каля 1,5 мільёны экспанатаў.

Гісторыя

Заснавальнік музэю Артур Гасэліюс ажыцьцявіў у 1872 годзе экспэдыцыю, зь якой прывёз розныя экспанаты. У Стакгольме ён зладзіў выставу пад назвай «Скандынаўская этнаграфічная калекцыя». У 1880 годзе Гасэліюс заснаваў фундацыю «Нардычны музэй».

Будынак, у якім цяпер разьмешчаны музэй, быў пабудаваны ў 1889-1907 гадох архітэктарам Ісакам Густавам Клясанам, якога натхнілі рэнэсансныя замкі Фрэдэрыксборг у Даніі й Грыпсгольм у Швэцыі.

Дзейнасьць

Музэй налічвае каля 1,5 мільёны экспанатаў, толькі частка зь якіх выстаўлена для паказу. Выставы музэю прысьвечаны скандынаўскім традыцыям, модзе, народнаму мастацтву. У музэі можна пабачыць мэбляваны пакой. У калекцыю музэю ўваходзяць таксама два рэдкія арганы.

Архіў музэю налічвае 4 000 палічных мэтраў, з 1890 году дзейнічае навуковая бібліятэка. Асобную частку ў калекцыях музэю займае калекцыя аб’ектаў саамскай культуры, у якой налічваецца каля 8440 адзінак.