Нанду
| Нанду | |
 Звычайны нанду | |
| Клясыфікацыя | |
|---|---|
| Царства | Жывёлы |
| Тып | Хордавыя |
| Кляса | Птушкі |
| Атрад | Нандупадобныя |
| Сямейства | Нанду |
| Бінамінальная намэнклятура | |
| Rheidae | |
Нанду, амэрыканскія страўсы (Rheidae) — сямейства бескілявых птушак.
Вядомы зь верхняга пліяцэну (каля 2—7 млн гадоў назад). 1 род, 2 віды: нанду паўночны, або звычайны (Rhea americana), і нанду даўгадзюбы, або дарвінаў (Rhea pennata). Пашыраны ў стэпах і паўпустынях Паўднёвай Амэрыкі. Трымаюцца групамі.
Вышыня да 170 см, маса да 50 кг. Апярэньне бураватае, шэрае. Крылы разьвітыя, але няздатныя да палёту. Ногі трохпальцыя. Добра бегаюць і плаваюць, кормяцца расьлінамі, малюскамі, чарвямі, яшчаркамі.
Палігамы. Некалькі самак (3—8) адкладваюць яйцы ў адно гняздо (да 30 яек); наседжвае самец.