Надзомі Маруяма
| Надзомі Маруяма | |
 | |
| Пэрсанальная інфармацыя | |
|---|---|
| Поўнае імя | па-японску: 丸山希 |
| Нарадзілася | 2 чэрвеня 1998 (27 гадоў) |
| Грамадзянства | |
| Прафэсійная інфармацыя | |
| Спэцыялізацыя | скакуха з трампліну |
Надзо́мі Маруя́ма (па-японску: 丸山 希; нар. 2 чэрвеня 1998 году) — японская скакуха на лыжах з трампліну.
Кар’ера
[рэдагаваць | рэдагаваць код]1 сьнежня 2018 году Маруяма дэбютавала на этапе Кубка сьвету. На чэмпіянаце сьвету 2019 году ў Зээфэльдзе японка фінішавала шостай у складзе жаночай зборнай Японіі, а ў асабістым заліку спынілася на 17-м радку. На чэмпіянаце Японіі ў кастрычніку 2021 году ў Сапара Маруяма грымнулася і атрымала траўму пярэдняга крыжаватага вяза левага калена. Такім чынам, яна выбыла на ўвесь алімпійскі сэзон 2021—2022 гадоў[1].
5 лютага 2023 году на этапе Кубка сьвету ў Вілінгене заняла другое месца, такім чынам упершыню трапіўшы на подыюм у індывідуальных скачках. Празь некалькі дзён на этапе ў Гінцэнбаху яна стала трэцяй. У сэзоне 2025—2026 гадоў на першым этапе ў Лілегамэры японка выйграла два індывідуальныя старты, атрымаўшы свае першыя перамогі на этапах Кубка сьвету[2][3]. У зьмяшаным камандным турніры ў складзе зборнай Японіі таксама сьвяткавала перамогу. На другім этапе ў швэдзкім Фалюне зноў разжылася перамогай.
Крыніцы
[рэдагаваць | рэдагаваць код]- ↑ Skoki narciarskie. Poważna kontuzja wicemistrzyni Japonii. Skijumping.pl (2021).
- ↑ Federation, International Ski and Snowboard Maruyama lands maiden World Cup win in Lillehammer. FIS.
- ↑ Нозоми Маруяма празднует свою первую победу на Кубке мира. Die Berkutschi (22.11.2025).
Вонкавыя спасылкі
[рэдагаваць | рэдагаваць код]- Профіль (анг.) на FIS