Навум Гальпяровіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Навум Гальпяровіч
Навум Якаўлевіч Гальпяровіч
Navum Halpiarovič.jpg
Асабістыя зьвесткі
Нарадзіўся 14 студзеня 1948 (71 год)
Полацак, Беларуская ССР, СССР
Літаратурная дзейнасьць
Род дзейнасьці Журналіст
Гады творчасьці З 1967-га
Жанр Паэзія
Мова Беларуская
Дэбют Газэта «Хімік» (Наваполацак)
Значныя творы Паэма «Адзінае» (2013)
Узнагароды
Мэдаль Францішка Скарыны
naumgal.blog.tut.by

Навум Гальпяровіч (1948; Полацак, цяпер Віцебская вобласьць, Беларусь) — беларускі журналіст і паэт. Сябар Беларускага саюзу журналістаў1975) і Беларускага саюзу пісьменьнікаў (з 1990).

Жыцьцяпіс[рэдагаваць | рэдагаваць крыніцу]

Нарадзіўся ў габрэйскай сям’і рабочага. Пасьля заканчэньня сярэдняй школы працаваў на Полацкім шклозаводзе (1966—1967), у полацкай газэце «Сьцяг камунізму» (1967—1977). Вучыўся завочна на факультэце журналістыкі БДУ. У 1977 г. пераехаў у Наваполацак (Полацкі раён, Віцебская вобл.). Скончыў завочна Віцебскі пэдагагічны інстытут (1979). У 1977—1980 — рэдактар радыёвяшчаньня вытворчага аб’яднаньня «Палімір» у Наваполацку, у 1980—1981 — супрацоўнік наваполацкай гарадской газэты «Хімік», з 1981 — уласны карэспандэнт Дзяржтэлерадыё БССР па Віцебскай вобласьці, аўтар шматлікіх рэпартажаў, аналітычных матэрыялаў. З 1997 жыве ў Менску. Працаваў намесьнікам галоўнага рэдактара ў часопісе «Вожык», з 1998 — намесьнік старшыні Саюза беларускіх пісьменьнікаў, зь 2002 — галоўны рэдактар, намесьнік галоўнага дырэктара і галоўны дырэктар замежнага вяшчаньня Беларускага радыё (радыёстанцыя «Беларусь»).

Творчасьць[рэдагаваць | рэдагаваць крыніцу]

Адзін з аўтараў калектыўнага зборніка паэзіі «Сьцяжына» (1988). Аўтар кніг паэзіі «Сьцяжына», «Брама» (1990), «Востраў душы», «Струна», «Сьвятло ў акне», «Гэта ўсё для цябе», «Голас і рэха», кнігі прозы «Шляхі і вяртаньні», а таксама шматлікіх публікацыяў у калектыўных зборніках. Таксама выступае зь літаратурна-крытычнымі і публіцыстычнымі артыкуламі.

Беларускія кампазытары Э. Зарыцкі, Уладзімер Буднік, Алег Елісеенкаў, В. Іваноў напісалі песьні на яго вершы. Асобныя творы маюць пераклады на баўгарскую, польскую, румынскую расейскую мовы.

Бібліяграфія[рэдагаваць | рэдагаваць крыніцу]

  • Брама : вершы / Н. Я. Гальпяровіч. — Мінск : Мастацкая літаратура, 1990. — 94 с.
  • Востраў душы: вершы / Н. Гальпяровіч. — Мн., 1995. —110 с.
  • Гальпяровіч Н., Пятрэнка М. Застаецца песня і Радзіма. — Полацк, 1996.
  • Струна: вершы / Н. Гальпяровіч. — Мн., 1997. -109 с.
  • Шляхі і вяртанні: кн. эсэ / Н. Гальпяровіч. — Мн.: ВВР УП «Дом прэсы», 2001. — 63 с.
  • Святло ў акне: вершы: для сярэд. і ст. шк узросту / Маст. У. Б. Максімаў. — Мн., 2002. — 110 с.
  • Голас і рэха: кн. паэзіі / Н. Я. Гальпяровіч. — Мн., 2005. — 119 с.
  • Гэта ўсё для цябе: вершы, мініяцюры, навэлы / Н. Гальпяровіч. — Мн.: Мастацкая літаратура, 2006. — 238 с.
  • Насцеж : вершы / Н. Я. Гальпяровіч. — Менск : Мастацкая літаратура, 2008. — 221 с.
  • На трапяткім агні. — Мн.: Літаратура і мастацтва, 2012.

Літаратура[рэдагаваць | рэдагаваць крыніцу]

  • Васючэнка, П. В. Маналог струны : [ кніга Н. Гальпяровіча «Струна»] / П. В. Васючэнка // Полымя. — 1998. — № 12. — С. 270—274.
  • Гальпяровіч Навум // Беларускія пісьменнікі (1917—1990) : Даведнік / Склад. А. К. Гардзіцкі; нав. рэд. А. Л. Верабей. — Мн.: Мастацкая літаратура, 1994. — С. 119—120.;
  • Гальпяровіч Навум // Беларускія пісьменнікі : Біябібліяграфічны слоўнік : У 6 т. / пад рэд. А. І. Мальдзіса. — Мн.: БелЭн, 1992—1995. — Т. 2. — С. 102—103.;
  • Гальпяровіч Навум // Беларуская энцыклапедыя : у 18 т. — Т. 4. — Мн.: БелЭн, 1997. — С. 478.
  • Гальпяровіч Навум // Памяць : гіст.-дак. хроніка Полацка. — Мн., 2002. — С. 785.

Вонкавыя спасылкі[рэдагаваць | рэдагаваць крыніцу]