Міхаіл Парэчанкаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Міхаіл Парэчанкаў
Porechenkov 2577.jpg
Дата нараджэньня 2 сакавіка 1969 (50 гадоў)
Месца нараджэньня Ленінград, СССР
Альма-матэр Усерасійскі дзяржаўны ўніверсітэт кінематаграфіі імя С. А. Герасімава[d]
Занятак актор, тэлевядучы
Узнагароды
Заслужаны артыст Расейскай Фэдэрацыі
IMDb ID 0691717

Міхаі́л Яўге́навіч Парэ́чанкаў (нарадзіўся 2 сакавіка 1969 году) — расейскі актор кіно і тэлевядучы. Заслужаны артыст Расейскай Фэдэрацыі. Вядучы тэлешоў «Бітва экстрасэнсаў».

Біяграфія[рэдагаваць | рэдагаваць крыніцу]

Нарадзіўся ў сям’і вайсковага марака. Да пяці год жыў з бабуляй у Пскоўскай вобласьці, потым — з бацькамі ў Польшчы, дзе вучыўся ў школе-інтэрнаце. Вучыўся ў Талінскай ваенна-палітычнай вучэльні, але ня скончыў яе, бо за парушэньне дысцыпліны быў выключаны за 10 дзён да заканчэньня. Служыў у будаўнічым батальёне ў Савецкім войску. Пасьля службы працаваў у багетнай майстэрні. Паступіў ва Ўсерасейскі дзяржаўны інстытут кінэматаграфіі на курс А. Джыгарханяна, але да канца не давучыўся. У 1991 годзе паступіў у Дзяржаўную акадэмію тэатральнага мастацтва ў Санкт-Пецярбургу на курс Венеяміна Фільштынскага, якую скончыў у 1996 годзе.

Пасьля заканчэньня акадэміі працаваў у тэатры «На Крукавым канале». Потым перайшоў у трупу Акадэмічнага тэатру імя Ленсавету. Выступаў у галоўнай ролі ў спэктаклі «Сірана. Сцэны з Растана» Незалежнага тэатральнага праекту. На сцэне Маскоўскага мастацкага тэатру імя Чэхова дэбютаваў у 2002 годзе ў спэктаклі «Паляваньне на качак» у ролі афіцыянта. У 2003 годзе ўвайшоў у трупу гэтага тэатру. У 2008 годзе балятаваўся на пост старшыні Саюзу кінэматаграфістаў Расеі. Зьяўляецца генэральным прадусарам кінакампаніі «ВВП Альянс».

Праца ў кіно[рэдагаваць | рэдагаваць крыніцу]

Зьняўся ў фільмах «9 рота», «1612», тэлесэрыялах «Вуліцы разьбітых ліхтароў», «Агент нацыянальнай бясьпекі».

Асабістае жыцьцё[рэдагаваць | рэдагаваць крыніцу]

Міхаіл Парэчанкаў жанаты з мастачкай Вольгай Парэчанкавай. У іх ёсьць дочкі Варвара і Марыя, а таксама сын Міхаіл.

Абвінавачаньні ў тэрарызьме[рэдагаваць | рэдагаваць крыніцу]

У кастрычніку 2014 году незаконна перайшоў дзяржаўную мяжу Ўкраіны і наведаў захоплены тэрарыстамі групоўкі ДНР Данецк, дзе разам з баявікамі страляў з кулямёта па пазыцыях украінскіх вайскоўцаў у Данецкім аэрапарту. У студзені 2015 году Служба бясьпекі Ўкраіны абвясьціла Парэчанкава ў вышук за падазрэньні ў зьдзяйсьненьні тэрарыстычнага акту[1].

Узнагароды[рэдагаваць | рэдагаваць крыніцу]

Ляўрэат прэміяў:

  • «Залатая маска» (1996)
  • «Залаты сафіт»
  • «Сузор’е»
  • прэміі імя В. Стржэльчыка

Кампутарныя гульні[рэдагаваць | рэдагаваць крыніцу]

Тэлебачаньне[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Міхаіл Парэчанкаўсховішча мультымэдыйных матэрыялаў