Міхась Ключановіч

	Міхась Ключановіч
Асабістыя зьвесткі
Нарадзіўся	20 лістапада 1901; Старобін, Слуцкі павет, Менская губэрня, Расейская імпэрыя;
Памёр	1938; Казаская ССР, СССР;
Літаратурная дзейнасьць
Род дзейнасьці	паэт
	Міхась Ключановіч у Вікісховішчы

Міхаі́л Васі́левіч Ключано́віч (20 лістапада 1901, Старобін — студзень 1938, Казаская ССР) — беларускі грамадзка-палітычны дзяяч, публіцыст, паэт. Псэўданім — Міхаіл.

Жыцьцяпіс

Сын Васіля і Вольгі. Праваслаўны. Удзельнік Слуцкага збройнага чыну (1920). Скончыў Слуцкую беларускую гімназію(d).

У канцы 1920 року прыехаў у Лодзь, запісаўся ў школу падхарунжых. У 1921 навучаўся ў афіцэрскай школе ў Быдгашчы. Пасьля пасяліўся ў вёсцы Пузічы Лунінецкага павету. У 1922 року высланы з памежнай зоны па падазрэньні ў «антыдзяржаўнай дзейнасьці».

Пасяліўся ў Пінску, пачаў працаваць касірам у кінатэатры «Казіно». Неўзабаве адкрыў публічную расейскую бібліятэку і кнігарню. Падтрымліваў сувязь зь беларускімі нацыянальнымі арганізацыямі, заснаваў мясцовыя аддзелы Грамады, Каапэратыўнага банку, Змаганьня. Пасьля трапіў пад уплыў расейскага манархізма і спыніў беларускую дзейнасьць.

Ягоная бібліятэка стала галоўным асяродкам мясцовага прарасейскага руху. У 1930 року агітаваў за сьпіс «Расейскіх людзей» на выбарах у мескую раду. Спрабаваў стварыць хрысьціянскі манархічны гурток, браў удзел у выданьні газэтаў «Пад небам Палесься(d)» (1931—1932), «Пінскі голас».

4 сакавіка 1933 року пазбаўлены права пражываньня на тэрыторыі Палескага ваяводзтва, у выніку чаго 6 сакавіка перайшоў савецка-польскую граніцу. Увосені 1933 року зьняволены ў Менскую мескую турму, а пасьля высланы ў Казахстан.

Працаваў бугальтарам у вёсцы Сарыягач Туркестанскай вобласьці. 15 верасьня 1937 року арыштаваны НКУС, 8 студзеня 1938 прыгавораны да сьмяротнага пакараньня за «шпіянаж».

Рэабілітаваны ў 1989 року.

Творчасьць

Хрыстовы золак. Вільня, друкарня імя Фр. Скарыны (1923)
Два Дерева (1924)
Древо Жизни (1925)

Літаратура

Ёрш С. Пра слуцкага паўстанца Міхася Ключановіча // Беларускі Рэзыстанс. — № 1(16)/2015.
Ильин А. Шалаш поэтов / А. Ильин // Гістарычная брама. — 2004. — No 1. — С. 59—62
Ёрш С. Міхась Ключановіч — слуцкі паўстанец, філосаф і паэт // Czasopis (Беласток), 2015, № 1, студзень, б. 34—37.

Вонкавыя спасылкі

Ключенович Михаил Васильевич (1901) (рас.) на бачыне «Открытый список»