Міраслаў Гермашэўскі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Міраслаў Гермашэўскі
Miroslaw H.jpg
Імя ў арыгіналеMirosław Hermaszewski
Нарадзіўся15 верасьня 1941 (77 гадоў)
вёска Ліпнікі, Кастапольскі павет, Генэральная акруга Валынь-Падольле, Райхскамісарыят Украіна
Прафэсіікасманаўт-дасьледнік
Воінскае званьнебрыгадны генэрал
Час на арбіце7 дз, 22 г, 2 хв, 59 сэк
ЭкспэдыцыіСаюз-30
Эмблемы місіяўSoyuz-30 patch.png
Узнагароды
Мэдаль Залатая Зорка
Ордэн Крыж Грунвальду 1 клясы
Крыж камандорскі ордэна Адраджэньня Польшчы
Ордэн Залаты Крыж Заслугі
Ордэн Леніна
Ордэн Усьмешкі
Мэдаль «40-годзьдзе Народнай Польшчы»
Залаты мэдаль «Узброеныя сілы на службе Айчыне»
Срэбны мэдаль «Узброеныя сілы на службе Айчыне»
Бронзавы мэдаль «Узброеныя сілы на службе Айчыне»
Залаты мэдаль «За заслугі ў абароне краіны»
Срэбны мэдаль «За заслугі ў абароне краіны»
Бронзавы мэдаль «За заслугі ў абароне краіны»
Мэдаль «За заслугі ў засваеньні космасу»
Міраслаў Гермашэўскі ў Вікісховішчы

Мірасла́ў Гермашэ́ўскі (па-польску: Mirosław Hermaszewski; нарадзіўся 15 верасьня 1941, вёска Ліпнікі, Кастапольскі павет, Генэральная акруга Валынь-Падольле, Райхскамісарыят Украіна, цяпер у Бярэзнаўскім раёне Ровенскай вобласьці Ўкраіны) — першы і пакуль што адзіны польскі касманаўт, генэрал. Герой Савецкага Саюзу (1978).

Жыцьцяпіс[рэдагаваць | рэдагаваць крыніцу]

Скончыў Дэмблінскую вайсковую авіяцыйную вучэльню (1964) і Вайсковую акадэмію Генэральнага штаба ў Варшаве (1971). Служыў у зьнішчальнай авіяцыі СПА Польшчы.

27 чэрвеня — 5 ліпеня 1978 зьдзейсьніў палёт у якасьці касманаўта-дасьледніка на касьмічным караблі «Саюз-30» і арбітальнай станцыі «Салют-6»; працягласьць палёту 7 сутак 22 гадзіны 2 хвіліны 59 сэкундаў.

У 1981 року, пасьля ўвядзеньня ў Польшчы ваеннага становішча, уваходзіў у склад Ваеннае рады нацыянальнага выратаваньня. У 1982 скончыў Ваенную акадэмію Генэральнага штаба імя К. Я. Варашылава ў Маскве. У тым жа годзе быў прызначаны начальнікам польскае лётнае вучэльні «Школа арлянятаў». Затым быў намесьнікам начальніка Галоўнае палітычнае ўправы польскай арміі і служыў на гэтай пасадзе да 1988 року, калі палітычныя органы ў польскай арміі былі скасаваныя. З 1988 па 1991 служыў камэндантам (начальнікам) Вышэйшай афіцэрскай лётнай школы ў Дэмбліне. Зьяўляўся намесьнікам камандуючага ВПС і СПА Польшчы.

З 2000 году — брыгадны генэрал у адстаўцы. На грамадзкіх пачатках займаецца прапагандай касманаўтыкі.

Ушанаваньне памяці[рэдагаваць | рэдагаваць крыніцу]

У 1978 року была выбітная памятная манэта наміналам 20 злотых з выявай першага польскага касманаўта[1].

У 1988 року ў Віцебску ўсталяваны помнік беларускаму касманаўту Пятру Клімуку і першаму касманаўту Польшчы Міраславу Гермашэўскаму[2].

Крыніцы[рэдагаваць | рэдагаваць крыніцу]

  1. ^ Первый поляк в космосе(рас.) Космическая нумизматика Праверана 27 лютага 2014 г.
  2. ^ Юры Шэпелеў. (28 сьнежня 2013) Витебских космонавтов подмолодили(рас.). Народныя навіны Віцебска. Праверана 27 лютага 2014 г.

Вонкавыя спасылкі[рэдагаваць | рэдагаваць крыніцу]