Перайсьці да зьместу

Мікі ван дэ Вэн

Зьвесткі зь Вікіпэдыі — вольнай энцыкляпэдыі
Мікі ван дэ Вэн
Пэрсанальная інфармацыя
Нарадзіўся 19 красавіка 2001(2001-04-19) (24 гады)
Рост 193 см
Пазыцыя абаронца
Клюбная інфармацыя
Клюб Тотэнгэм Готспур
Нумар 37
Клюбы
Гады Клюб Гульні (галы)¹
2019—2021 Валендам 45 (2)
2021—2023 Вольфсбург 38 (1)
2023— Тотэнгэм Готспур 52 (6)
Зборныя
2022—2023 Нідэрлянды (да 21)[d] 11 (0)
2023—4 Нідэрлянды 17 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
23 лістапада 2025.
² Колькасьць гульняў і галоў за нацыянальную зборную
ў афіцыйных матчах, адкарэктавана на
14 лістапада 2025.

Мі́кі ван дэ Вэн (па-нідэрляндзку: Micky van de Ven; нар. 19 красавіка 2001 году) — нідэрляндзкі футбаліст, цэнтральны абаронца ангельскага клюбу «Тотэнгэм Готспур» і нацыянальнай зборнай Нідэрляндаў.

Кар’еру пачаў у другім дывізіёне нідэрляндзкага першынства ў клюбе «Валендам»[1]. У першым поўным сэзоне быў прызначаны капітанам каманды, а таксама дапамог клюбу дабрацца да плэй-оф[1]. Ван дэ Вэн перайшоў у нямецкі клуб «Вольфсбург» у 2021 годзе[2] і згуляў усе матчы каманды ў Бундэсьлізе, апроч аднаго, у сэзоне 2022—2023 гадоў, правёўшы адзіны гол у пераможным матчы супраць дортмундзкай «Барусіі»[1]. У тым сэзоне ван дэ Вэн стаў лідэрам у найвышэйшай хуткасьці сярод усіх абаронцаў Бундэсьлігі[3]. 8 жніўня 2023 году было абвешчана, што абаронца склаў шасьцігадовы кантракт з клюбам Прэм’ер-лігі «Тотэнгэм Готспур»[4]. Паведамлялася, што сума трансфэру склала блізу 50 мільёнаў эўра, што адпавядала рэкорднай суме клюбу за цэнтральнага абаронцу Крыстыяна Рамэра, які быў набыты летась[5]. Нідэрляндзец дэбютаваў 13 жніўня ў першым туры сэзону 2023—2024 гадоў, выйшаўшы ў пачатковым складзе ў выязным матчы супраць «Брэнтфарду»[6]. 7 кастрычніка 2023 году ён правёў свой першы гол у ангельскай лізе ў пераможным матчы «Тотэнгэму» над «Лутан Таўн», які скончыўся зь лікам 1:0[7]. Ван дэ Вэн атрымаў некалькі траўмаў за час сэзону 2024—2025 гадоў. Не зважаючы на гэтая пашкоджаньні, абаронца быў прызнаны самым хуткім гульцом Прэм’ер-лігі, маючы максымальную хуткасьць у 37,1 км/г[8]. Абаронца ўпершыню стаў капітанам «Тотэнгэму» 30 верасьня 2025 году ў матчы Лігі чэмпіёнаў супраць нарвэскага «Будэ-Глімту». У той сустрэчы ён таксама адзначыўся голам, але каманды разышліся ўнічыю[9].

Міжнародныя

[рэдагаваць | рэдагаваць]

У кастрычніку 2022 году ван дэ Вэн разглядаўся як адзін з кандыдатаў на месца ў складзе зборнай Нідэрлянаў на чэмпіянат сьвету 2022 году[10], аднак у фінальную заяўку ня трапіў. У жніўні 2023 году атрымаў свой першы афіцыйны выклік у склад зборнай ад галоўнага трэнэра Рональда Кумана на два адборачныя матчы да Эўра-2024 супраць зборных Грэцыі і Ірляндыі[11]. 13 кастрычніка ван дэ Вэн дэбютаваў у складзе каманды у адборачным матчы да чэмпіянату Эўропы супраць зборнай Францыі, замяніўшы Натана Аке на 80-й хвіліне[12]. 29 траўня 2024 году ван дэ Вэн быў улучаны ў склад каманды на чэмпіянат Эўропы 2024 году[13].

Дасягненьні

[рэдагаваць | рэдагаваць]

«Тотэнгэм Готспур»:

Вонкавыя спасылкі

[рэдагаваць | рэдагаваць]