Мікіта Забуга

Мікіта Забуга
	Мікіта Забуга
Дата нараджэньня	21 лютага 1981 (45 гадоў)
Месца нараджэньня	Астравецкі раён, Гарадзенская вобласьць, БССР, СССР;
Месца вучобы	Унівэрсытэт Міхала Ромэра[d]; Оксфардзкі ўнівэрсытэт; Акадэмія МУС Беларусі;
Занятак	бізнэсмэн, афіцэр, палітык
Сябра ў	Воля[d]
Узнагароды	;

Мікіта Забуга — беларускі грамадзкі дзеяч, прадпрымальнік і дабрачынца, актывіст беларускай дыяспары ў Літоўскай Рэспубліцы.

Біяграфія

Скончыў Гарадзенскі ліцэй, у 2002 г. скончыў Акадэмію МУС Беларусі. На пачатку дзьвюхтысячных гадоў працаваў сьледчым ва Ўпраўленьні Сьледчага камітэту па Менскай вобласьці, а таксама ў атрадзе апэратыўнага рэагаваньня і вышуку ДАІ УУС Гарадзенскага аблвыканкаму.

У Літоўскай Рэспубліцы

У 2003 г. звольніўся, пераехаў у Літоўскую Рэспубліку, дзе займаўся прыватным бізнэсам, адначасова маючы бізнэс на тэрыторыі Беларусі. У Літоўскай Рэспубліцы атрымаў юрыдычную адукацыю, пазьней скончыў Оксфардзкі ўнівэрсытэт.

У 2013 г. выступіў спонсарам усталяваньня помніка ў гонар 150-годзьдзя паўстаньня Кастуся Каліноўскага каля вёскі Слабодка ў Варнянскім сельсавеце Астравецкага раёну^[1].

У 2015 годзе ўвайшоў у склад рады Таварыства беларускай культуры ў Літве.

Прафінансаваў адкрыцьцё мэмарыяльнай дошкі ў гонар паэта і святара Казімера Сваяка ў Вільні ў 2016 г.

Удзельнічаў у раскопках парэшткаў Кастуся Каліноўскага ў Вільні ў 2017 г. Сьвятлана Ціханоўская пазьней узнагародзіла дасьледчыкаў Знакам пашаны.

Пасьля 2020 г.

Удзельнічаў у стварэньні «пашпарту Новай Беларусі»^[2]. Геральдычная рада «Пагоня» на чале зь ім распрацавала дызайн дакумэнта, а таксама дызайн і праекты статутаў узнагародаў Аб’яднанага пераходнага кабінэту і Мэдаля за баявыя заслугі, які ўручае Рада БНР.

Удзельнічаў добраахвотнікам у вайне ва Ўкраіне ў складзе Палка імя Кастуся Каліноўскага^[3].

З 2025 г. займае пасаду старшыні Часовай вайсковай камісіі Беларускай Вызвольнай Арміі^[4].

У 2026 г. абраны ў склад Каардынацыйнай рады беларускіх дэмакратычных сілаў як першы нумар у сьпісе руху «Воля»^[5].

Расьсьледаваньне Беларускага расьсьледавальніцкага цэнтра

У 2024 годзе Мікіта Забуга згадваўся ў расьсьледаваньні Беларускага расьсьледавальніцкага цэнтра, прысьвечаным праекту пашпарта Новай Беларусі. Паводле расьследаваньня, Забуга рэкамэндаваў летувіскую кампанію UAB Garsų pasaulis, якая мела вопыт вырабу біямэтрычных пашпартоў для шэрагу краінаў, у якасьці патэнцыйнага партнэра праекта^[6]. У тым жа расьсьледаваньні сьцьвярджалася, што UAB Garsų pasaulis мае сувязі зь беларускім бізнэсоўцам Віктарам Шаўцовым, якога шэраг СМІ называлі «кашальком» Аляксандра Лукашэнкі^[6].

Паводле Забугі, пра нібыта сувязь кампаніі з Шаўцовым яму не было вядома, а іншыя аналягічныя друкарскія дамы да партнэрства прыцягнуць не атрымалася. Публікацыю БРЦ ён назваў «заказным артыкулам з мэтай дыскрэдытацыі»^[7].

Узнагароды

Ад Рады БНР:

Мэдаль Ордэна Пагоні

Ад Аб’яднанага пераходнага кабінэту Беларусі на чале зь Сьвятланай Ціханоўскай:

Крыніцы

[1] Крыж Юркойця — Радыё Свабода, 18.05.2016

[nn-2] «Заказны артыкул з мэтай дыскрэдытацыі». Герой расследавання пра пашпарт Новай Беларусі расказвае сваю версію падзей — Наша Ніва, 31.05.2024

[3] Памятаеце старшыню Геральдычнай рады, якая распрацоўвала дызайн пашпарта «Новай Беларусі»? Мікіта Забуга пайшоў ваяваць — Наша Ніва, 02.04.2025

[4] Вызваленчая армія і праблемы добраахвотнікаў. Што абмяркоўвалі на вайсковым блоку форуму «Шлях да волі» — Белсат, 27.03.2026

[5] Латушка, Курэйчык, Пракопчык, Краўцоў. Поўны спіс тых, хто трапіў у Каардынацыйную раду — Наша Ніва, 19.05.2026

[brc-6] 1 2 Паспорт Новой Беларуси и «кошелек» Лукашенко (рас.)

[7] «Заказны артыкул з мэтай дыскрэдытацыі». Герой расследавання пра пашпарт Новай Беларусі расказвае сваю версію падзей — Наша Ніва, 31.05.2024

[1]

[2]

[3]

[4]

[5]

[6]

[7]