Мужчынская зборная Эквадору па футболе
| Эквадор | |||||
.svg) | |||||
| Фэдэрацыя | Фэдэрацыя эквадорскага футболу[d] | ||||
|---|---|---|---|---|---|
| Канфэдэрацыя | КОНМЭБОЛ | ||||
| Трэнэр | |||||
| Капітан | Энэр Валенсія | ||||
| Найбольш гульняў |
Іван Уртада  (168) | ||||
| Найлепшы бамбардзір |
Энэр Валенсія (49) | ||||
| Першая гульня | |||||
|
Балівія 1:1 Эквадор (Багата, Калюмбія; 8 жніўня 1938) | |||||
| Самая буйная перамога | |||||
|
Эквадор 6:0 Пэру (Кіта, Эквадор; 22 чэрвеня 1975) | |||||
| Самая буйная параза | |||||
|
Аргентына 12:0 Эквадор (Мантэвідэо, Уругвай; 22 студзеня 1942) | |||||
| Чэмпіянат сьвету | |||||
| Удзел | 5 (упершыню: 2002) | ||||
| Дасягненьні | ⅛ фіналу (2006) | ||||
| Кубак Амэрыкі | |||||
| Удзел | 30 (упершыню: 1939) | ||||
| Дасягненьні | 4 месца (1959, 1993) | ||||
| |||||
Мужчы́нская збо́рная Эквадо́ру па футбо́ле — нацыянальная каманда, якая прадстаўляе Эквадор на міжнародных футбольных турнірах і ў таварыскіх матчах. Арганізацыяй, які ажыцьцяўляе кантроль і кіраваньне зборнай, ёсьць Фэдэрацыя эквадорскага футболу. Да нядаўняга часу, зборная Эквадору поруч з зборнай Вэнэсуэлы ўважаўся за найбольш слабую каманду ў Паўднёвай Амэрыцы. Аднак, у апошнія гады каманда пачала прагрэсаваць і здолела ўпершыню прайсьці кваліфікацыю на чэмпіянат сьвету 2002 году. Другі раз запар на чэмпіянат сьвету ў Нямеччыне, дзе ўвайшла ў лік 16 найлепшых, прагуляўшы зборнай Ангельшчыны.
Крытыкі каманды часам прыпісваюць ейныя посьпехі складанасьці ў акліматызацыі іншых камандаў пры гульні ў Кіта, які месьціцца на вышыні 2600 мэтраў над узроўнем мора.
Гісторыя
[рэдагаваць | рэдагаваць код]Хоць у XXI стагодзьдзі ў гульні зборнай маецца прыкметны прагрэс, стагодзьдзем раней каманда ня здолела анічога дамагчыся на міжнароднай арэне.
У 1930 годзе ФІФА даслала Эквадору запрашэньне, заклікаючы мужчынскую нацыянальную зборную ўзяць удзел у першым чэмпіянаце сьвету. Аднак тагачасны міністар сацыяльнай бясьпекі і спорту адхіліў прапанову, бо не ўхваліў фінансавыя выдаткі[2]. У 1938 годзе былі арганізаваныя першыя Баліварыянскія гульні, і Эквадор мусіў узяць удзел у футбольным турніры. 8 жніўня 1938 году зборная краіны згуляла свой першы матч, зьвёўшы ўнічыю 1:1 гульні з зборнай Балівіі. У наступнай сустрэчы каманда атрымала перамогу 2:1 над зборнай Калюмбіі. Пасьля разгрому 1:9 ад зборнай Пэру і перамогі 5:2 над зборнай Вэнэсуэлы эквадорская каманда падзяліла другі радок з балівійцамі. У перагулёўцы балівійцы выйшлі пераможцамі, і эквадорцы скончылі турнір з бронзавым мэдалём[3]. Пасьля чацьвертага месца на чэмпіянаце Паўднёвай Амэрыкі 1959 году зборная ўпершыню трапіла ў кваліфікацыю да чэмпіянату сьвету, але на шляху адбору яны не далі рады ў супрацьстаяньні з зборнай Аргентыны, зазнаўшы паразы ў дзьвюх сустрэчах. Каманда была блізкая да трапленьня на чэмпіянат 1966 году, аднак ёй ізноў не пашанцавала ў апошніх матчах.
У час кваліфікацыі да чэмпіянату сьвету 1998 году была зроблена зьмена фармату адбору ў зоне КОНМЭБОЛ. Гэтак, замест папярэдніх групаў быў уведзены адзіны лігавы фармат, дзе кожная каманда гуляла з кожнай удома і ў гасьцях. Гэтая зьмена істотна паўплывала на выступ зборнай Эквадору, бо падчас кампаніі каманда здабыла некалькі важных хатніх перамог. У выніку эквадорцы фінішавалі ў адборы на шостым радку адразу за зборнымі Пэру і Чылі. У адборачным турніры да чэмпіянату сьвету 2002 году Эквадор сэнсацыйна заняў другое месца, саступіўшы толькі Аргентыне і абышоўшы зборную Бразыліі на адзін пункт. Агустын Дэльгада з 9 галамі заняў у сьпісе бамбардзіраў другое месца, саступіўшы толькі аргентынцу Эрнану Крэспа. У той камандзе лідэрамі былі Алекс Агінага, Іван Кавіедэс, Іван Уртада і Улісэс дэ ля Крус, а трэнаваў яе калюмбіец Эрнан Дарыё Гомэс. Хоць каманда і ня здолела на чэмпіянаце пераадолець групавую стадыю, ёй атрымалася абгуляць 1:0 дастаткова моцную зборную Харватыі, якая заняла 3-е месца на папярэднім чэмпіянаце сьвету.
Няўдалая гульня на Кубку Амэрыкі 2004 году ў Пэру прывяла да адстаўкі Гомэса, якога зьмяніў іншы калюмбіец Люіс Фэрнанда Суарэс. Ён прывёў каманду да трэцяга месца ў кваліфікацыйным раўндзе да чэмпіянату сьвету 2006 году. У Нямеччыне Эквадор выйшаў з групы, выгуляўшы зборныя Польшчы і Коста-Рыкі, а ў 1/8 саступіў зборнай Ангельшчыне зь лікам 1:0. Пасьля цьмянага выступу на чэмпіянаце сьвету 2014 году і непрыемнай сэрыі няўдачаў, калі зборная ня здолела прабіцца з групавога этапу Кубка Амэрыкі, галоўным трэнэрам каманды быў прызначаны Густава Кінтэрас. Ён дапамог камандзе дасягнуць чвэрцьфіналу Кубка Амэрыкі 2016 году[4] ды даў добры пачатак кваліфікацыі да чэмпіянату сьвету 2018 году. Аднак пасьля паразы ад зборнай Уругваю каманда страціла тэмп і скончыла на восьмым месцы ў табліцы. Трэнэр быў звольнены, але ягоны наступнік ня даў рады Кубку Амэрыкі 2019 году, бо эквадорцы набралі толькі адзін пункт цягам групавога этапу[5].
Чэмпіянаты сьвету
[рэдагаваць | рэдагаваць код]
|
Кубкі Амэрыкі
[рэдагаваць | рэдагаваць код]
|
|
|
Крыніцы
[рэдагаваць | рэдагаваць код]- ↑ https://www.ecuavisa.com/futbol-internacional/argentina-marcelo-gallardo-sera-nuevo-dt-seleccion-ecuador--20260904-0043.html
- ↑ Ecuador en la Copa Mundo Праверана 27.04.2020 г. Архіўная копія ад 18.06.2008 г.
- ↑ Bolivarian Games: Soccer Tournaments. RSSSF. Праверана 27.04.2020 г.
- ↑ Ecuador cayó 2-1 ante Estados Unidos y se despidió de la Copa América 2016. El Universo (16.06.2016). Праверана 27.04.2020 г.
- ↑ A menos de un año de su presentación, Hernán Darío Gómez dejó de ser el técnico de Ecuador
Вонкавыя спасылкі
[рэдагаваць | рэдагаваць код]- Афіцыйны сайт Фэдэрацыі эквадорскага футболу.
Міжнародны футбол | ||
|---|---|---|
| Азія |  | |
| Акіянія | ||
| Афрыка | ||
| Паўднёвая Амэрыка | ||
| Паўночная Амэрыка | ||
| Эўропа | ||