Перайсьці да зьместу

Мужчынская зборная Сэрбіі па футболе

Зьвесткі зь Вікіпэдыі — вольнай энцыкляпэдыі
Сэрбія
Лягатып
Фэдэрацыя Футбольны зьвяз Сэрбіі[d]
Канфэдэрацыя УЭФА
Трэнэр
Капітан Аляксандар Мітравіч
Найбольш гульняў Душан Тадыч Edit this on Wikidata (111)
Найлепшы бамбардзір Аляксандар Мітравіч Edit this on Wikidata (64)
Першая гульня
Чэхія 1:3 Сэрбія
(Угерске-Градзішце, Чэхія; 16 жніўня 2006)
Самая буйная перамога
Азэрбайджан 1:6 Сэрбія
(Баку, Азэрбайджан; 17 кастрычніка 2007)
Сэрбія 6:1 Баўгарыя
(Бялград, Сэрбія; 19 лістапада 2008)
Сэрбія 5:0 Румынія
(Бялград, Сэрбія; 10 кастрычніка 2009)
Сэрбія 6:1 Ўэйлз
(Новы Сад, Сэрбія; 11 верасьня 2012)
Сэрбія 5:0 Расея
(Бялград, Сэрбія; 18 лістапада 2020)
Самая буйная параза
Украіна 5:0 Сэрбія
(Львоў, Украіна; 7 чэрвеня 2019)
Сэрбія 0:5 Ангельшчына
(Бялград, Сэрбія; 9 верасьня 2025)
Чэмпіянат сьвету
Удзел 3 (упершыню: 2010)
Дасягненьні групавы раўнд (2010, 2018, 2022)
Чэмпіянат Эўропы
Удзел 1 (упершыню: 2024)
Дасягненьні групавы этап (2024)
Асноўная форма
Рэзэрвовая форма

Мужчы́нская збо́рная Сэ́рбіі па футбо́ле — нацыянальная каманда, якая прадстаўляе Сэрбію на міжнародных футбольных турнірах і ў таварыскіх матчах. Арганізацыяй, якая ажыцьцяўляе кантроль і кіраваньне зборнай, ёсьць Футбольны зьвяз Сэрбіі. Каманда ўважаецца за правапераемніцу зборных Югаславіі і Сэрбіі і Чарнагорыі. Існавала як зборная Югаславіі да лютага 2003 году, затым выступала пад імем зборнай Сэрбіі і Чарнагорыі, з 28 ліпеня 2006 году перайменаваная ў зборную Сэрбіі.

Гісторыя

[рэдагаваць | рэдагаваць код]

Сэрбскія футбалісты ўпершыню згулялі ў міжнародных матчах у складзе зборнай Каралеўства Югаславіі ў 1920 годзе. У наступныя дзесяцігодзьдзі гульцы, якія паходзілі зь земляў сучаснай Сэрбіі, баранілі гонар зборных Югаславіі, а потым па распадзе краіны і зборнай Сэрбіі і Чарнагорыі.

Сэрбская каманда перад таварыскім матчы супраць зборнай Ірляндыі ў 2008 годзе.

Хавіер Клемэнтэ, першы замежны трэнэр у гісторыі зборнай Сэрбіі, быў прызначаны кіраваць камандай у кваліфікацыйнай кампаніі да чэмпіянату Эўропы 2008 году[2] . Пасьля таго як Чарнагорыя абвесьціла незалежнасьць, зборная Сэрбія згуляла першы матч, як асобная каманда Сэрбіі супраць зборнай Чэхіі, выгуляўшы зь лікам 3:1. У адборы каманда фінішавала на трэцім радку, прапусьціўшы наперад зборныя Партугаліі і Польшчы. Клемэнтэ быў звольнены з пасады пасьля няўдалай кваліфікацыі[3]. Сэрбія замяніла гішпанца Міраславам Джукічам, але той пакінуў пасаду 19 жніўня наступнага году, не правёўшы аніводнага афіцыйнага матчу, праз разыходжаньні з Футбольным зьвязам Сэрбіі.

Наступнікам Джукіча стаў Радамір Антыч, які здолеў вывесьці сэрбаў на чэмпіянат сьвету 2010 году. У складзе каманды на мундыялі вылучыўся капітан Дэян Станкавіч, які стаў адзіным гульцом у гісторыі, які выступаў на чэмпіянатах сьвету ў зборных пад трыма рознымі назвамі, пры гэтым ягоная нацыянальнасьць не зьмянялася. Гэта было павязанае з вынікам геапалітычных зьменаў вакол Югаславіі і, у прыватнасьці, Сэрбіі[4]. На турніры сэрбы сустрэліся супраць зборных Ганы, Нямеччыны і Аўстраліі. Дружына саступіла ганцам зь мінімальным лікам 0:1, але здабыла перамогу над зборнай Нямеччыны 1:0. Афіцыйны YouTube-канал ФІФА назваў гэтую перамогу «найбольш знакавым днём у гісторыі сэрбскага футболу»[5]. Дзеля выхаду з групы зборнай Сэрбіі хапаў нават адзін пункт, але каманда саступіла зборнай Аўстраліі. У выніку сэрбы занялі апошняе месца ў групе[6][7].

Зборная Сэрбіі на матчы чэмпіянаце сьвету 2018 году.

Дружына прапусьціла чэмпіянат Эўропы 2012 году і чэмпіянат сьвету 2014 году. Каб выправіць хібнасьць кваліфікацыі галоўным трэнэрам быў прызначаны Дык Адвакаат[8], але і нідэрляндзец ня даў рады. Яго ў лістападзе 2014 году замяніў Радаван Чурчыч[9]. На чэмпіянат сьвету 2018 году каманду вывеў Славалюб Мусьлін. Не зважаючы на ўдалы адбор, Мусьлін быў звольнены Футбольным зьвязам Сэрбіі праз рознагалосьсі ў пытаньнях падбору складу[10]. Мусьліна крытыкавалі за тое, што ён не выклікаў Сяргея Мілінкавіча-Савіча, што выклікала спрэчкі ў Сэрбіі. У выніку Младэн Крастаіч стаў часовым трэнэрам на чэмпіянат сьвету[11]. Дзякуючы трапнаму штрафному ўдару Аляксандра Каларава зборная Сэрбіі здабыла сваю першую перамогу на чэмпіянату сьвету за восем гадоў у матчы супраць зборнай Коста-Рыкі. Аднак, наступныя матчы былі прагуляныя, у тым ліку зборным Швайцарыі і Бразыліі. Каманда з Сэрбіі выбыла на стадыі групавога этапу[12]. Каманда зноў спрабавала трапіць на чэмпіянат Эўропы, але ў плэй-оф адбору іх выбіла зборная Шатляндыі.

Чэмпіянаты сьвету

[рэдагаваць | рэдагаваць код]
  • 2010 — групавы этап
  • 2014 — не прайшла кваліфікацыю
  • 2018 — групавы этап
  • 2022 — групавы этап
  • 2026 — не прайшла кваліфікацыю

Чэмпіянаты Эўропы

[рэдагаваць | рэдагаваць код]
  • 2008 — не прайшла кваліфікацыю
  • 2012 — не прайшла кваліфікацыю
  • 2016 — не прайшла кваліфікацыю
  • 2020 — не прайшла кваліфікацыю
  • 2024 — групавы этап

Крыніцы

[рэдагаваць | рэдагаваць код]
  1. ↑ https://fss.rs/fss-doneo-odluku-veljko-paunovic-vodice-reprezentaciju-srbije-u-borbi-za-plasman-na-svetsko-prtvenstvo-2026-godine/
  2. ↑ Clemente in for Serbia. Reuters (17.07.2006). Праверана 05.04.2021 г. Архіўная копія ад 17.07.2023 г.
  3. ↑ Javier Clemente fired as Serbia coach; Blokhin resigns as Ukraine coach // The New York Times, 06.11.2007 г. Архіўная копія ад 12.05.2022 г.
  4. ↑ Sainz, Jon. Bleacher Report: FIFA World Cup 2010: Dejan Stankovic's Strange Record // 27.05.2013 г. Архіўная копія ад 27.05.2013 г.
  5. ↑ YouTube – FIFATV: 'Most famous day in Serbia's footballing history' Архіўная копія ад 10.05.2016 г.
  6. ↑ World Cup: Australia vs. Serbia: Australia wins, 2-1 // Los Angeles Times, 06.2010 г. Архіўная копія ад 29.06.2024 г.
  7. ↑ Long, Gideon. Australia beat Serbia, both sides bow out // Reuters, 06.2010 г.
  8. ↑ Dick Advocaat introduced as Serbia coach // Associated Press, 28.07.2014 г. Архіўная копія ад 12.05.2022 г.
  9. ↑ Radovan Curcic new Serbia coach // 25.11.2014 г. Архіўная копія ад 12.05.2022 г.
  10. ↑ Serbia sack coach Slavoljub Muslin despite World Cup qualification. Associated Press (30.10.2017). Праверана 05.04.2021 г. Архіўная копія ад 18.10.2023 г.
  11. ↑ Mladen Krstajic set to coach Serbia at FIFA World Cup. Agence France-Presse (30.10.2017). Праверана 05.04.2021 г. Архіўная копія ад 12.05.2022 г.
  12. ↑ Brazil beat Serbia 2-0 to reach World Cup last 16. Marca (27.06.2018). Праверана 05.04.2021 г. Архіўная копія ад 15.04.2022 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Мужчынская_зборная_Сэрбіі_па_футболе&oldid=2687597»