Мужчынская зборная Сан-Марына па футболе

	Сан-Марына
Фэдэрацыя	Санмарынская фэдэрацыя футболу[d]
Канфэдэрацыя	УЭФА
Трэнэр	Рабэрта Чэволі[d];
Капітан	Матэо Вітаёлі[d]
Найбольш гульняў	Матэо Вітаёлі (100)
Найлепшы бамбардзір	Андзі Сэльва (8)
Першая гульня
	Сан-Марына 0:4 Швайцарыя; (Сэравальле, Сан-Марына; 14 лістапада 1990)
Самая буйная перамога
	Ліхтэнштайн 1:3 Сан-Марына; (Вадуц, Ліхтэнштайн; 18 лістапада 2024)
Самая буйная параза
	Сан-Марына 0:13 Нямеччына; (Сэравальле, Сан-Марына; 6 верасьня 2006)
Асноўная форма	Рэзэрвовая форма

Мужчы́нская збо́рная Сан-Мары́на па футбо́ле — нацыянальная каманда, якая прадстаўляе Сан-Марына ў міжнародных матчах па футболе. Каманда кіруецца Санмарынскай фэдэрацыяй футболу.

Гісторыя

Хоць Санмарынская фэдэрацыя футболу была створаная ў 1931 годзе, нацыянальная зборная зьявілася толькі ў 1986 годзе. Арганізацыя стала сябрам ФІФА і УЭФА ў 1988 годзе^[2], што дазволіла камандзе браць удзел у буйных турнірах. Да гэтага самарынскія гульцы ў міжнародным футбольным кантэксьце ўважаліся за італьянцаў^[3].

Свой першы афіцыйны матч пад эгідай ФІФА зборная згуляла 14 лістапада 1990 году, калі санмарынцы ў кваліфікацыі да чэмпіянату Эўропы 1992 году сустрэліся з зборнай Швайцарыі і саступілі зь лікам 0:4. Агулам у тым адборачным цыклі футбалісты з Сан-Марына зазналі паразы ўва ўсіх астатніх матчах кваліфікацыі. Каманда асабліва цяжка выступала на выезьдзе, прагульваючы ўсе матчы з розьніцай як меней у чатыры галы. У тым адборы зборная Сан-Марына загнала толькі адзін гол, калі быў рэалізаваны пэнальці ў хатнім матчы супраць зборнай Румыніі (1:3)^[4]. У рамках адбору да чэмпіянату сьвету 1994 году зборная здабыла першы пункт, згуляўшы супраць зборнай Турэччыны ўнічыю зь лікам 0:0. У іхным апошнім кваліфікацыйным матчы супраць зборнай Ангельшчыны Давідэ Гуальт’еры ўлучыў тады найхутчэйшы гол у гісторыі адборачных матчаў да чэмпіянату сьвету, калі загнаў мяч у браму ўжо праз 8,3 сэкунды пасьля пачатку. Аднак зборная ўрэшце саступіла зь лікам 1:7^[5].

У красавіку 2001 году зборная Сан-Марына здабыла свой першы выязны пункт, згуляўшы 1:1 у Рызе супраць зборнай Латвіі^[6]. У красавіку 2004 году каманда здабыла сваю першую перамогу пасьля больш як 70 спробаў, калі зь лікам 1:0 у таварыскім матчы выгуляла зборную Ліхтэнштайну, дзякуючы голу Андзі Сэльвы на 5-й хвіліне.

Крыніцы

↑ https://www.transfermarkt.us/-/mitarbeiterhistorie/verein/10521
↑ Il Calcio Sammarinese Si Organizza. San Marino Football Federation. Праверана 09.09.2007 г.
↑ Just rewards for modest man. UEFA. Праверана 09.09.2007 г. Архіўная копія ад 20.10.2007 г.
↑ Romania National Team 1990–1999. RSSSF. Праверана 09.09.2007 г. Архіўная копія ад 13.02.2014 г.
↑ San Marino Hero Who Humiliated England. This Is London. Праверана 09.09.2007 г. Архіўная копія ад 12.02.2009 г.
↑ Group 4: Latvia long for revenge. UEFA (20.11.2002). Праверана 10.10.2010 г.

Вонкавыя спасылкі

Афіцыйны сайт.

[_f96e0f4eedea1b2b-1] ttps://www.transfermarkt.us/-/mitarbeiterhistorie/verein/10521

[2] Il Calcio Sammarinese Si Organizza. San Marino Football Federation. Праверана 09.09.2007 г.

[3] Just rewards for modest man. UEFA. Праверана 09.09.2007 г. Архіўная копія ад 20.10.2007 г.

[4] Romania National Team 1990–1999. RSSSF. Праверана 09.09.2007 г. Архіўная копія ад 13.02.2014 г.

[5] San Marino Hero Who Humiliated England. This Is London. Праверана 09.09.2007 г. Архіўная копія ад 12.02.2009 г.

[6] Group 4: Latvia long for revenge. UEFA (20.11.2002). Праверана 10.10.2010 г.

[1]

[2]

[3]

[4]

[5]

[6]