Мужчынская зборная Румыніі па футболе
| Румынія | |||||
 | |||||
| Фэдэрацыя | Румынская футбольная фэдэрацыя[d] | ||||
|---|---|---|---|---|---|
| Канфэдэрацыя | УЭФА | ||||
| Трэнэр | |||||
| Капітан | Нікалаэ Станчу[d][2] | ||||
| Найбольш гульняў |
Дарынэл Мунцяну  (134) | ||||
| Найлепшы бамбардзір |
Георге Хаджы, Адрыян Муту | ||||
| Першая гульня | |||||
|
Югаславія 1:2 Румынія (Бялград, Югаславія; 8 чэрвеня 1922) | |||||
| Самая буйная перамога | |||||
|
Румынія 9:0 Фінляндыя (Бухарэст, Румынія; 14 кастрычніка 1973) | |||||
| Самая буйная параза | |||||
|
Вугоршчына 13:0 Румынія (Будапэшт, Вугоршчына; 6 чэрвеня 1948) | |||||
| Чэмпіянат сьвету | |||||
| Удзел | 7 (упершыню: 1930) | ||||
| Дасягненьні | Чвэрцьфінал (1994) | ||||
| Чэмпіянат Эўропы | |||||
| Удзел | 6 (упершыню: 1984) | ||||
| Дасягненьні | Чвэрцьфінал (2000) | ||||
| |||||
Мужчы́нская збо́рная Румыніі па футбо́ле — нацыянальная каманда, якая прадстаўляе Румынію ў міжнародных матчах і турнірах па футболе. Кіруецца і кантралюецца Румынскай футбольнай фэдэрацыяй.
Гісторыя
[рэдагаваць | рэдагаваць код]Румынская футбольная фэдэрацыя была заснаваная ў кастрычніку 1909 году ў Бухарэсьце. Зборная Румыніі згуляла свой першы міжнародны матч 8 чэрвеня 1922 году, калі здабыла перамогу зь лікам 2:1 над зборнай Югаславіі ў Бялградзе. Першым трэнэрам каманды быў Тэафіл Марару[3]. Пасьля гэтага на кароткі час прызначаліся некалькі часовых трэнэраў, пакуль Марару не вярнуўся да кіраўніцтва камандай у жніўні 1924 году і не кіраваў камандай амаль чатыры гады. Румынія дасягнула пэўных посьпехаў у 1930-я гады, калі трэнэр Канстантын Рэдулеску вывеў каманду на першыя тры чэмпіянаты сьвету, такое дасягненьне акрамя румынаў здолелі паўтарыць толькі зборныя Бразыліі, Бэльгіі і Францыі.
_02.jpg)
На чэмпіянаце сьвету 1930 году зборная Румыніі перамагла ў першым матчы зборную Пэру зь лікам 3:1, але пасьля гэтага каманда саступіла гаспадарам і будучым чэмпіёнам з зборнай Уругваю зь лікам 0:4. На наступны чэмпіянат сьвету румыны трапілі, бо ў кваліфікацыйным турніры перамаглі зборную Югаславіі. У фінальнай частцы турніру, які цяпер ладзіўся паводле алімпійскай сыстэмы, румынская каманда знуляла толькі адзін матч. Параза зь лікам 1:2 ад зборнай Чэхаславаччыны ў Трыесьце адразу выбіла каманду з спаборніцтваў. У 1938 годзе каманда з Румыніі кваліфікавалася аўтаматычна, бо зборная Эгіпту як ейны супернік у кваліфікацыйным турніры зьняўся з турніру. На фінальнай частцы ў Францыі каманда зазнала нечаканую паразу ад слабейшай зборнай Кубы, якая, як і Румынія, трапіла на мундыяль праз адкліканьне заяўкі суперніка, то бок зборнай ЗША. Першы матч у Тулюзе скончыўся 3:3 пасьля дадатковага часу, але праз чатыры дні ў перагулёўцы кубінскія футбалісты перамаглі зь лікам 2:1.
Не зважаючы на паразу 0:3 ад зборнай Партугаліі ў Лісабоне і дзьве нічыі ў матчах зборнай Грэцыі, румынская дружына здолела кваліфікавацца на чэмпіянат сьвету 1970 году ў Мэксыцы. Пэрспэктыўная каманда Анжэла Нікулеску атрымала адзін з найцяжэйшых лёсаваньняў, трапіўшы ў адную групу з зборнымі Ангельшчыны, Бразыліі і Чэхаславаччыны. Гол Джэфры Гэрста прынёс Ангельшчыне мінімальную перамогу ў першым матчы зборнай Румыніі на стадыёне ў Гвадаляхары. Шанцы зборнай Румыніі палепшыліся пасьля перамогі 2:1 над чэхаславакамі. Пасьля таго як Ладзіслаў Пэтраш адкрыў лік, зборная Румыніі разьвярнула хаду матчу пасьля перапынку, калі Александру Нягу і Флора Думітраке пацэлілі галы і прынесьлі камандзе два жыцьцёва важныя пункты. Аднак нават тады толькі перамога над бразыльцамі давала Румыніі шанец прабіцца ў чвэрцьфінал. Перад матчам меліся чуткі, што зборная Бразыліі можа аддаваць перавагу таму, каб далей прайшла зборная Румыніі, а не чэмпіёны сьвету з Ангельшчыны. Нават пасьля перамогі 1:0 над ангельцамі ў папярэднім матчы ў Гвадаляхары паўднёваамэрыканскія гранды ўсё яшчэ лічылі Ангельшчыну адным з галоўных перашкодаў на шляху да тытулу. Але бразыльцы паказалі адзін з найлепшых матчаў турніру, пры гэтым Пэле пацэліў двойчы, а паміж ягонымі галамі адзначыўся Жаірзыньню. Два галы румынаў скарачалі адставаньне, але каманда ўсё адно выбыла з турніру.
Адзіная ўдалая кваліфікацыйная кампанія зборнай Румыніі паміж 1970 і 1990 гадамі была кваліфікацыя на чэмпіянат Эўропы 1984 году ў Францыі. У фінальнай частцы каманда трапіла ў групу з зборнымі Гішпаніі, ФРН і Партугаліі. Пад кіраўніцтвам галоўнага трэнэра Мірчы Лучэску абнадзейлівы старт у Сэнт-Эт’ене прынёс румынам адзін пункт у сустрэчы з гішпанцамі. У матчы супраць немцаў у Лянсе Марчэл Кораш ураўнаў лік на першай хвіліне другога тайму пасьля голу Рудзі Фёлера, але Фёлер адзначыўся яшчэ адзін раз. Апошні матч у Нанце быў абавязковым для перамогі, але румыны мінімальна саступілі партугальцам зь лікам 1:0. Румынія ня мела добрых вынікаў цягам астатняй часткі дзесяцігодзьдзя, але мацнейшы склад напрыканцы 1980-х дазволіў ёй кваліфікавацца на пяты чэмпіянат сьвету ў 1990 годзе.
Чэмпіянаты сьвету
[рэдагаваць | рэдагаваць код]
|
Чэмпіянаты Эўропы
[рэдагаваць | рэдагаваць код]Крыніцы
[рэдагаваць | рэдагаваць код]- ↑ https://www.news.ro/sport/update-gheorghe-hagi-este-din-nou-selectionerul-romaniei-am-venit-sa-fac-treaba-si-sa-duc-romania-acolo-unde-isi-doreste-1924402820002026041322416352
- ↑ https://hotnews.ro/video-capitanul-echipei-romaniei-mesaj-din-germania-pentru-elevii-care-dau-bac-ul-va-uram-mult-succes-1532763
- ↑ Yugoslavia 1 Romania 2. eu-football (08.06.1922). Праверана 01.11.2010 г. Архіўная копія ад 01.03.2023 г.
Вонкавыя спасылкі
[рэдагаваць | рэдагаваць код]- RSSSF.com — усе гульні зборнай з 1922 году
Міжнародны футбол | ||
|---|---|---|
| Азія |  | |
| Акіянія | ||
| Афрыка | ||
| Паўднёвая Амэрыка | ||
| Паўночная Амэрыка | ||
| Эўропа | ||