Мужчынская зборная Парагваю па футболе

Парагвай
Фэдэрацыя	Парагвайская футбольная асацыяцыя[d]
Канфэдэрацыя	КОНМЭБОЛ
Трэнэр	Густава Альфара[d]
Капітан	Густава Гомэс[d]
Найбольш гульняў	Паўлё да Сыльва  (148)
Найлепшы бамбардзір	Роке Санта Крус  (32)
Першая гульня
Парагвай 1:5 Аргентына (Асунсьён, Парагвай; 11 траўня 1919)
Самая буйная перамога
Парагвай 7:0 Балівія (Рыю-дэ-Жанэйру, Бразылія; 30 красавіка 1949) Ганконг 0:7 Парагвай (Ганконг; 17 лістапада 2010)
Самая буйная параза
Аргентына 8:0 Парагвай (Сант’яга, Чылі; 20 кастрычніка 1926)
Чэмпіянат сьвету
Удзел	9 (упершыню: 1930)
Дасягненьні	чвэрцьфінал (2010)
Кубак Амэрыкі
Удзел	39 (упершыню: 1921)
Дасягненьні	чэмпіёны (1953, 1979)
Асноўная форма Рэзэрвовая форма

Мужчы́нская збо́рная Парагва́ю па футбо́ле — нацыянальная каманда, якая прадстаўляе Парагвай на міжнародных футбольных турнірах і ў таварыскіх матчах. Арганізацыяй, якая ажыцьцяўляе кантроль і кіраваньне зборнай, ёсьць Парагвайская футбольная асацыяцыя. Зборная рабілася дзьвюхразовым пераможцам Кубку Амэрыкі (1953, 1979).

Гісторыя

Парагвайская каманда на чэмпіянаце Паўднёвай Амэрыкі 1929 году.

Праз павелічэньне колькасьці запрашэньняў на таварскія матчы і міжнародныя турніры Парагвайская футбольная асацыяцыя пастанавіла афіцыйна стварыць нацыянальную зборную. Напрыканцы 1919 году Парагвай прыняў запрашэньне ўзяць удзел у чэмпіянаце Паўднёвай Амэрыкі 1921 году. Каб падрыхтавацца да турніру, паміж 1919 і 1921 гадамі было згуляна некалькі таварскіх матчаў. Першы зь іх скончыўся паразай ад зборнай Аргентыны зь лікам 1:5. Калі ўсчаўся чэмпіянат Паўднёвай Амэрыкі 1921 году, зборная Парагваю перамагла 2:1 зборную Ўругваю, якая на той час была трохразовым чэмпіёнам кантынэнту. Урэшце каманда заняла чацьвертае месца ў першынстве і стала рэгулярным удзельнікам наступных турніраў.

Матч паміж зборнымі Чылі і Парагваю ў 1954 годзе.

У 1930 годзе парагвайская дружына ўзяла ўдзел у першым чэмпіянаце сьвету, арганізаваным Уругваем. У першым раўндзе каманда саступіла зборнай ЗША зь лікам 0:3, але потым перамагла зборную Бэльгіі 1:0 дзякуючы голу Люіса Варгаса Пэньні. З кожнай групы ў наступны этап выходзіла толькі адная каманда, таго парагвайцы засталіся па-за бортам. Парагвайская каманда вярнулася на чэмпіянат сьвету толькі на турнір 1950 году, дзе сустрэлася з зборнымі Швэцыі і Італіі. Паўднёваамэрыканцы ня здолелі прабіцца з групы пасьля нічыі 2:2 з швэдамі і паразы 0:2 у матчы супраць апэнінцаў. Зборная Парагваю ўпершыню стала чэмпіёнам Паўднёвай Амэрыкі ў 1953 годзе, які ладзіўся ў Пэру. На агульным этапе дружына выгуляла зборную Чылі (3:0), Балівіі (2:1) і Бразыліі (2:1), а некалькі матчаў зьвяла ўнічыю, як то з зборнымі Эквадору (0:0), Пэру (2:2) і Ўругваю (2:2). Паколькі зборныя Парагваю і Бразыліі набралі аднолькавую колькасьць пунктаў паводле вынікаў турніру, паміж ім быў перагуляны матч, пераможцам зь якога выйшла дружына з Парагваю.

Каманда зьявілася на чэмпіянаце сьвету 1958 году. У першым матчы ў Швэцыі парагвайцы вялі 3:2 у матчы супраць зборнай Францыі, але ў выніку прагулялі 3:7. Перамога 3:2 над зборнай Шатляндыі і нічыя 3:3 з зборнай Югаславіі прынесьлі Парагваю толькі трэці радок у групе. У 1979 годзе дружына стала пераможцам Кубка Амэрыкі, які замяніў чэмпіянат Паўднёвай Амэрыкі. У паўфінале турніру была выгуляная зборная Бразыліі з агульным лікам 4:3, а ў фінале парагвайцы былі мацней за Чылі. Пасьля 28-гадовай адсутнасьці зборная кваліфікавалася на чэмпіянат сьвету 1986 году, дзе каманда выгуляла зборную Іраку 1:0, а з зборнымі Мэксыкі і Бэльгіі былі атрыманыя нічыйныя вынікі. На другім этапе паўднёваамэрыканцы саступілі зборнай Ангельшчыны з буйным лікам 3:0.

Чэмпіянаты сьвету

• 1930 — групавы этап
• 1934 — ня брала ўдзелу
• 1938 — ня брала ўдзелу
• 1950 — групавы этап
• 1954 — не прайшла кваліфікацыю
• 1958 — групавы этап
• 1962 — не прайшла кваліфікацыю
• 1966 — не прайшла кваліфікацыю
• 1970 — не прайшла кваліфікацыю
• 1974 — не прайшла кваліфікацыю
• 1978 — не прайшла кваліфікацыю
• 1982 — не прайшла кваліфікацыю

• 1986 — ⅛ фіналу
• 1990 — не прайшла кваліфікацыю
• 1994 — не прайшла кваліфікацыю
• 1998 — ⅛ фіналу
• 2002 — ⅛ фіналу
• 2006 — групавы этап
• 2010 — чвэрцьфінал
• 2014 — не прайшла кваліфікацыю
• 2018 — не прайшла кваліфікацыю
• 2022 — не прайшла кваліфікацыю
• 2026 — ⅛ фіналу

Кубкі Амэрыкі

• 1916 — ня сябра КОНМЭБОЛ
• 1917 — ня сябра КОНМЭБОЛ
• 1919 — ня сябра КОНМЭБОЛ
• 1920 — ня сябра КОНМЭБОЛ
• 1921 — чацьвертае месца
• 1922 — другое месца
• 1923 — трэцяе месца
• 1924 — трэцяе месца
• 1925 — трэцяе месца
• 1926 — чацьвертае месца
• 1927 — ня брала ўдзелу
• 1929 — другое месца
• 1935 — ня брала ўдзелу
• 1937 — чацьвертае месца
• 1939 — трэцяе месца
• 1941 — ня брала ўдзелу

• 1942 — чацьвертае месца
• 1945 — ня брала ўдзелу
• 1946 — трэцяе месца
• 1947 — другое месца
• 1949 — другое месца
• 1953 — чэмпіён
• 1955 — пятае месца
• 1956 — пятае месца
• 1957 — ня брала ўдзелу
• 1959 — трэцяе месца
• 1959 — пятае месца
• 1963 — другое месца
• 1967 — чацьвертае месца
• 1975 — групавы этап
• 1979 — чэмпіён
• 1983 — трэцяе месца

• 1987 — групавы этап
• 1989 — чацьвертае месца
• 1991 — групавы этап
• 1993 — чвэрцьфінал
• 1995 — чвэрцьфінал
• 1997 — чвэрцьфінал
• 1999 — чвэрцьфінал
• 2001 — групавы этап
• 2004 — чвэрцьфінал
• 2007 — чвэрцьфінал
• 2011 — другое месца
• 2015 — чацьвертае месца
• 2016 — групавы этап
• 2019 — чвэрцьфінал
• 2021 — чвэрцьфінал
• 2024 — групавы этап

Вонкавыя спасылкі

• Афіцыйны сайт Парагвайскай футбольнай асацыяцыі.
• Усе вынікі з 1919 па 2004 гады. RSSSF