Мужчынская зборная Кюрасао па футболе
| Кюрасао | |||||
| | |||||
| Фэдэрацыя | Фэдэрацыя футболу Кюрасао[d] | ||||
|---|---|---|---|---|---|
| Канфэдэрацыя | КОНКАКАФ | ||||
| Трэнэр | |||||
| Капітан | Кука Мартына[d] | ||||
| Найбольш гульняў |
Леандра Бакуна, Элёй Роом | ||||
| Найлепшы бамбардзір |
Рангелё Янга | ||||
| Першая гульня | |||||
|
Дамініканская Рэспубліка 1:0 Кюрасао (Сан-Крыстабаль, Дамініканская Рэспубліка; 18 жніўня 2011) | |||||
| Самая буйная перамога | |||||
|
Кюрасао 10:0 Грэнада (Вілемстад, Кюрасао; 10 верасьня 2018) | |||||
| Самая буйная параза | |||||
|
Аргентына 7:0 Кюрасао (Сант’яга-дэль-Эстэра, Аргентына; 28 сакавіка 2023) | |||||
| Чэмпіянат сьвету | |||||
| Удзел | 1 (упершыню: 2026) | ||||
| Дасягненьні | Групавы этап (2026) | ||||
| Залаты кубак КОНКАКАФ | |||||
| Удзел | 3 (упершыню: 2017) | ||||
| Дасягненьні | Чвэрцьфінал (2019) | ||||
| |||||
Мужчы́нская збо́рная Кюраса́о па футбо́ле — нацыянальная каманда, якая прадстаўляе Кюрасао на міжнародных футбольных турнірах і ў таварыскіх матчах. Арганізацыяй, які ажыцьцяўляе кантроль і кіраваньне зборнай, ёсьць Фэдэрацыя футболу Кюрасао.
Гісторыя
[рэдагаваць | рэдагаваць код]Першай нацыянальнай футбольнай камандай, якая насіла назву Кюрасао, была нацыянальная зборная тэрыторыі Кюрасао. Яна дэбютавала ў 1924 годзе ў гасьцявым матчы супраць зборнай тэрыторыі Арубы. У матчы паміж суседзямі зборная Кюрасао перамагла зь лікам 4:0. У сьнежні 1954 году тэрыторыя Кюрасао была далучаная да Нідэрляндзкіх Антылаў, якія пасьля канстытуцыйных зьменаў атрымалі статус краіны ў складзе Каралеўства Нідэрляндаў. 10 кастрычніка 2010 году Нідэрляндзкія Антылы былі распушчаны, у выніку чаго Кюрасао атрымала незалежнасьць.

Фэдэрацыя футболу Кюрасао стала сябрам ФІФА ў сакавіку 2011 году як пераемніца фэдэрацыі Нідэрляндзкіх Антылаў. Гэта было павязанае з тым, што Кюрасао былі найбуйнейшай востраўнай тэрыторыяй у складзе былой дзяржавы. Зборная Кюрасао ўпершыню трапіла на Залаты кубак КОНКАКАФ 2017 году, дзе згуляла ў адной групе з зборнымі Ямайкі, Сальвадору і Мэксыкі, прагуляўшы ўва ўсіх матчах групы. У наступным розыгрышы Залатога кубка КОНКАКАФ 2019 году зборная Кюрасао трапіла ў групу разам з зборнымі Сальвадору, Ямайкі і Гандурасу. 21 чэрвеня 2019 году каманда здабыла сваю першую перамогу на Залатым кубку, калі Леандра Бакуна загнаў мяч у браму гандурасцаў, які скончыўся перамогай 1:0. У чвэрцьфінале зборная выбыла з турніру пасьля паразы ад зборнай ЗША.
У лістападзе 2025 году, падчас кваліфікацыі да чэмпіянату сьвету 2026 году, зборная Кюрасао згуляла ўнічыю 0:0 супраць зборнай Ямайкі, зрабіўшыся найменшай краінай у гісторыі, як паводле насельніцтва, гэтак і паводле плошчы, якая калі-небудзь кваліфікавалася на чэмпіянат сьвету[2]. Усяго празь пяць тыдняў пасьля гэтага зборная Каба-Вэрдэ перахапіла рэкорд паводле плошчы.
Крыніцы
[рэдагаваць | рэдагаваць код]- ↑ https://www.transfermarkt.us/-/mitarbeiterhistorie/verein/32364
- ↑ 'An impossibility made possible': how tiny Curaçao made World Cup history. The Guardian (19.11.2025). Праверана 05.09.2026 г. Архіўная копія ад 19.11.2025 г.
