Мужчынская зборная Грэцыі па баскетболе
| Грэцыя Eθνική Oμάδα Καλαθοσφαίρισης Ελλάδος | |||
|
| |||
| Асноўныя зьвесткі | |||
|---|---|---|---|
| Рэйтынг ФІБА | 13 (25 лютага 2025) | ||
| Чалец ФІБА з | 1932 | ||
| Рэгіён ФІБА | Эўропа | ||
| Фэдэрацыя | Грэцкая баскетбольная фэдэрацыя | ||
| Трэнэр | Танасіс Скуртопуляс | ||
| Алімпійскія гульні | |||
| Удзелаў | 5 | ||
| Мэдалёў | 0 | ||
| Чэмпіянаты сьвету | |||
| Удзелаў | 9 | ||
| Мэдалёў |  Срэбра: (2006)
| ||
| Чэмпіянаты Эўропы | |||
| Удзелаў | 28 | ||
| Мэдалёў |  Золата: (1987, 2005) Срэбра: (1989) Бронза: (1949, 2009)
| ||
| Форма | |||
| |||
| Спасылкі | |||
| Вэб-старонка | |||
| (абнаўленьне: 6 красавіка 2025) | |||
Мужчынская зборная Грэцыі па баскетболе — нацыянальная каманда, якая прадстаўляе Грэцыю на міжнародных баскетбольных турнірах. Зборная кіруецца Грэцкай баскетбольнай фэдэрацыяй.
Гісторыя
[рэдагаваць | рэдагаваць крыніцу]Грэцыя мусіла ўзяць удзел на чэмпіянаце Эўропы 1935 году, то бок на першым чэмпіянаце, які ладзіўся ў Жэнэве, але ня здолела выехаць у Швайцарыю празь фінансавыя праблемы[1]. Такім чынам, Грэцыя дэбютавала на міжнародным узроўні толькі праз чатырнаццаць гадоў на чэмпіянаце Эўропы 1949 году ў эгіпецкім Каіры. Той турнір уважаецца найслабейшым турнірам у гісторыі турніру, бо большасьць вядучых эўрапейскіх баскетбольных дзяржаваў таго часу адмовіліся ляцець у Эгіпет самалётам. Грэцыя брала ўдзел у турніры ў якасьці пачаткоўца і дамаглася свайго першага буйнога посьпеху, заняўшы трэці радок пасьля гаспадароў зборнай Эгіпту і моцнай зборнай Францыі[2].
Грэкі ўзялі ўдзел у наступным турніры Эўрабаскету 1951 году, дзе яны былі восьмыя сярод васямнаццаці краінаў. Праз годы зборная Грэцыі ўпершыню дэбютавалі на летніх Алімпійскіх гульнях. Пасьля каманда ня брала ўдзел ані ў адным буйным турніры да канца 1950-х гадоў. Цягам 1960-х, 1970-х і першай паловы 1980-х гадоў Грэцыя брала ўдзел у большасьці турніраў чэмпіянатаў Эўропы, зь іх найлепшымі паказьнікамі былі 8-е месца ў 1965 годзе і 9-е месца ў 1979 і 1981 гадах. Зь сярэдзіны 1980-х гадоў Грэцыя стала сілай у міжнародным баскетболе, дзякуючы такім гульцам, як то Нікас Галіс, Панаётыс Янакіс, Панаётыс Фасуляс і Фаніс Хрыстадулю. У 1986 годзе баскетбалісты Грэцыі запачаткавалі выступы на чэмпіянаце сьвету. Зборная заняла 10-е месца. Ужо ў 1987 годзе Грэцыя ладзіла ў сябе чэмпіянат Эўропы, выбіўшы ў чвэрцьфінале і паўфінале моцныя зборныя Італіі і Югаславіі. У фінале каманда сустрэлася зь дзейным чэмпіёнам зборнай СССР. Перад 17-ю тысячамі грэцкіх заўзятараў на стадыёне міра і сяброўства гаспадары здабылі залаты мэдаль пасьля захапляльнай перамогі над савецкай камандай зь лікам 103:101, пры гэтым Нікас Галіс набраў 40 пунктаў[3]. Гэта быў першы раз, калі зборная Грэцыі перамагла ў буйным турніры ў любым відзе спорту, імгненна зрабіўшы баскетбол нацыянальным відам спорту, а нацыянальная зборная стала шанаванай ва ўсёй краіне. Праз два гады зборная здабыла срэбныя мэдалі.
У 1990-я гады адбылася сэрыя пасьпяховых вынікаў зборнай, якая штогод выступала на ўсіх буйных міжнародных турнірах, за выключэньнем летніх Алімпійскіх гульняў 1992 году. У час паміж 1990 і 1998 гадамі зборная Грэцыі ніколі не апускалася ніжэй за 6-е месца і звычайна сканчвала на 4-м месцы. Зборная таксама кваліфікавалася на свой другі алімпійскі турнір у 1996 годзе, дзе каманда спынілася на 5-м месцы. 1999—2002 гады былі адзначаныя відавочным заняпадам зборнай. На чэмпіянаце Эўропы 1999 году грэкі былі шаснаццатамі, то бок апошнімі на турніры. Праз два гады каманда заняла толькі 9-е месца, такім чынам, ня здолеўшы кваліфікавацца на чэмпіянат сьвету 2002 году.
Адраджэньне Грэцыі пачалося на Эўрабаскеце 2003 году, дзе абноўленая каманда заняла 5-ы радок. Экспэрымэнт збольшага даў рады, але грамадзкасьць не выклікала вялікага энтузіязму. Летнія Алімпійскія гульні 2004 году ў Атэнах лічыліся найвялікшым шанцам для гаспадароў здабыць свой першы алімпійскі мэдаль. Грэкі былі выбітыя зборнай Аргентыны ў чвэрцьфінале зь лікам 69:64. Грэцыя лічылася моцным аўтсайдэрам у барацьбе за мэдалі на чэмпіянаце Эўропы 2005 году. Баскетбалісты выйшлі з групы, здабыўшы дзьве перамогі ў трох гульнях і выбіўшы зборныя Ізраілю і Расеі. У паўфінале грэкі сустрэліся з зборнай Францыі. Французы мелі перавагу ў ліку ў сем пунктаў за хвіліну да канца, але грэкі хутка скарацілі дэфіцыт да двух пунктаў і агулам перамаглі зь лікам 67:66 дзякуючы трапнаму трохпунктнаму кідку Дымітрысу Дыямантыдысу за тры сэкунды да заканчэньня матчу. У фінале перад 20-тысячным натоўпам на бялградзкай арэне зборная Грэцыі пераканаўча перамагла зборную Нямеччыны зь лікам 78:62, здабыўшы залатыя мэдалі ў другі раз у сваёй гісторыі[4]. На чэмпіянаце сьвету 2006 году зборная ў паўфінале выбіла моцную зборную ЗША, але страцілі ўсе сілы, зазнаўшы паразу ў фінале ад зборнай Гішпаніі зь лікам 70:47. У 2009 годзе зборная здабыла бронзавыя мэдалі на чарговым чэмпіянаце Эўропы.
Крыніцы
[рэдагаваць | рэдагаваць крыніцу]- ^ «Eurobasket History — The 30s». EuroBasket2009.org.
- ^ «Eurobasket History — The 40s». EuroBasket2009.org.
- ^ «Eurobasket History — The 80s». EuroBasket2009.org.
- ^ «EuroBasket History — The 21st century». EuroBasket2009.org.
Вонкавыя спасылкі
[рэдагаваць | рэдагаваць крыніцу]
| |||||||||||||||||||||||
