Мужчынская зборная Армэніі па футболе

Армэнія
Фэдэрацыя	Футбольная фэдэрацыя Армэніі[d]
Канфэдэрацыя	УЭФА
Трэнэр	Сурэн Чахалян[d]
Капітан	Вараздат Араян[d]
Найбольш гульняў	Саркіс Аўсэпян  (132)
Найлепшы бамбардзір	Генрых Мхітаран  (32)
Першая гульня
Армэнія 0:0 Малдова (Ерэван, Армэнія; 14 кастрычніка 1992)
Самая буйная перамога
Армэнія 7:1 Гватэмала (Лос-Анджэлес, ЗША; 28 траўня 2016)
Самая буйная параза
Нарвэгія 9:0 Армэнія (Осьлё, Нарвэгія; 29 сакавіка 2022)
Асноўная форма Рэзэрвовая форма

Мужчы́нская збо́рная Армэ́ніі па футбо́ле — нацыянальная каманда, якая прадстаўляе Армэнію на міжнародных футбольных турнірах і ў таварыскіх матчах. Арганізацыяй, якая ажыцьцяўляе кантроль і кіраваньне зборнай, ёсьць Футбольная фэдэрацыя Армэніі.

Гісторыя

Да таго, як Армэнія стала незалежнай дзяржавай у 1991 годзе, футбалісты з Армянскай ССР выступалі за зборную СССР. Па абвяшчэньні незалежнасьці 18 студзеня 1992 году была заснаваная Футбольная фэдэрацыя Армэніі, якая наладзіла адносіны зь ФІФА ў 1992 годзе і з УЭФА ў 1993 годзе. Гісторыя зборнай Армэніі пачалася 14 кастрычніка 1992 году, калі зборная згуляла свой першы матч. Тая сустрэча супраць зборнай Малдовы скончылася безгалявой нічыёй. З 1996 году каманда бярэ ўдзел у кваліфікацыйных турнірах да эўрапейскіх і сусьветных чэмпіянатаў.

Зборная Армэніі ў 2025 годзе.

Аніводзін зь першых галоўных трэнэраў зборнай не затрымліваўся на пасадзе больш за два гады. Шатляндзкі трэнэр Ен Портэрфілд ачоліў каманду ў 2006 годзе. Менавіта зь іх асацыююцца першыя посьпехі зборнай. Пад ягоным кіраўніцтвам армянская зборная правяла шэраг выдатных матчаў, здабыўшы перамогі над зборнымі Казахстану (2:1) і Польшчы (1:0). Таксама каманда зьвяла матч унічыю 1:1 з зборнай Партугаліі, у складзе якой гуляў Крыштыяну Раналду. Але здарылася трагедыя, бо 62-гадовы Портэрфілд памёр ад раку.

У кваліфікацыі да чэмпіянату Эўропы 2012 году зборная выступіла нечакана моцна. Зборная Армэніі двойчы разьбіла фаварыта групы зборную Славаччыны зь лікам 4:0 і 3:1. Таксама двойчы была пераможаная зборная Андоры 4:0 і 3:0, згуляла ўнічыю з зборнай Македоніі 2:2 і перамагла яе ў вырашальным матчы 4:1, а таксама згуляла ўнічыю 0:0 зь пераможцам групы зборнай Расеі. Армянская зборная загнала найбольшую колькасьць галоў у сваёй адборачнай групы, якіх па заканчэньні турніру было 22. Зь іх шэсьць галоў былі на рахунку Генрыха Мхітарана. Зборная захоўвала шанец прабіцца ў фінальную стадыю, але ў скандальным матчы саступіла зборнай Ірляндыі зь лікам 1:2.

Вонкавыя спасылкі

• Афіцыйны сайт Футбольнай фэдэрацыі Армэніі.