Мрай

Рака
	Мрай
Агульныя зьвесткі
Выток	каля в. Дзедзелавічаў
Вусьце	Бярэзіна
Краіны басэйну	Беларусь
Вобласьці	Менская вобласьць
Даўжыня	27 км
Плошча басэйну	130 км²
Нахіл воднай паверхні	2,0 ‰

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мрай (неадназначнасьць).

Мрай, Мрайка — рака ў Беларусі, правы прыток ракі Бярэзіны (басэйн Дняпра). Цячэ ў Барысаўскім раёне Менскай вобласьці. Даўжыня 27 км. Плошча вадазбору 130 км². Сярэдні нахіл воднай паверхні 2,0‰.

Асноўныя прытокі — Сасна і Пуста-Мсьціская (правыя). На рацэ гістарычнае мястэчка Мсьціж.

Пачынаецца за 1 км на паўночны захад ад вёскі Дзедзелавічаў, вусьце за 4 км на ўсход ад вёскі Ўборка. Мае каналізаванае рэчышча на 3 дзялянках: на працягу 0,5 км ад вытоку; вёска Гаражанка — сажалка на заходняй ускраіне вёскі Мсьціжу (1,5 км); вёска Мсьціж — 2,5 км на паўднёвы ўсход ад вёскі Ўборка (8,6 км). У нізоўі рака цячэ празь Бярэзінскі біясфэрны запаведнік^[1].

Крыніцы[рэдагаваць | рэдагаваць крыніцу]

^ Блакітная кніга Беларусі. Энцыкл. — Мн.: 1994. С. 251

Літаратура[рэдагаваць | рэдагаваць крыніцу]

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 251

[1] Блакітная кніга Беларусі. Энцыкл. — Мн.: 1994. С. 251

[1]