Модум

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Каардынаты: 53°52′52″ пн. ш. 27°33′42″ у. д. / 53.88111° пн. ш. 27.56167° у. д. / 53.88111; 27.56167

«Модум»
Тып адкрытае акцыянэрнае таварыства
Дэвіз Наша касмэтыка
Заснаваная 1995
Краіна Беларусь
Разьмяшчэньне Менск, Кастрычніцкі раён, вул. Валадзько, д. 6
Ключавыя фігуры Ірына Скуратовіч, Віктар Лабковіч
Галіна прамысловасьць
Прадукцыя касмэтыка, зубныя пасты і шчоткі
Абарачэньне Red Arrow Down.svg8,195 млн рублёў (2017 г.; $4,239 млн)
Апэрацыйны прыбытак Red Arrow Down.svg-0,099 млн руб. (2017 г.; $-0,051 млн)
Лік супрацоўнікаў 184 (2018 г.)
Даччыныя кампаніі ТАА «Модум-Тэхна»
Аўдытар ЗАТ «Аўдыт-Экспэрт»[1]

«Модум — наша касмэтыка» — парфумэрна-касмэтычная фабрыка Беларусі, заснаваная ў 1995 годзе ў Менску пад назвай «Модум».

На 2016 год зьяўлялася 2-м па велічыні вытворцам касмэтыкі ў Беларусі і найбольшым вытворцам зубных пастаў у краіне. На 2018 год крамы «Модум» за мяжой працавалі ў Казахстане (Алматы) і Расеі (12 гарадоў). У Расеі налічвалася 61 крама: Санкт-Пецярбург — 17 крамаў; Калінінград — 15; Варонеж — 10; Бранск і Ліпецк — па 4; Краснадар — 3; Калуга і Сафонава (Смаленская вобласьць) — па 2; Сьветлы і Чарняхоўск (Калінінградзкая вобласьць), Стары Аскол (Белгародзкая вобласьць) і Цьвер — па 1[2].

Мінуўшчына[рэдагаваць | рэдагаваць крыніцу]

У 1995 годзе ў Менску заснавалі ЗАТ «Модум», якое пачало выпуск шампуня «Мядовы» пад таварным знакам «Элеганс». На 1996 г. прадпрыемства налічвала 8 супрацоўнікаў. У 1998 годзе сталі вырабляць зубныя пасты пад таварнымі знакамі «Беламэд» і «Дэнтамэд». Таксама асвоілі выпуск вадкага мыла і пены для ванны. У 2000 годзе набылі кантрольны пакет акцыяў ААТ «Менская мэблевая фабрыка», у выніку чаго прадпрыемства пераўтварылі ў сумеснае ААТ «Парфумэрна-касмэтычная фабрыка «Модум — наша касмэтыка». У 2001 годзе пусьцілі ўчастак падрыхтоўкі тэхналягічнай вады, збудаваньні ачысткі і кандыцыянэры паветра. У 2003 г. на «Модум» прыпала 46% рынка зубных пастаў у Беларусі і звыш 9% — у Расеі. У сакавіку 2004 году адчынілі прадстаўніцтва ў Расеі. У 2005 годзе ўвялі ў дзеяньне 2 лініі фасаваньня агульнай магутнасьцю 3 млн вырабаў штомесяц. У 2006 годзе пабудавалі корпус для кіраўніцтва прадпрыемства. У 2007 годзе выручка «Модум» перавысіла $20 млн. На пачатак 2008 г. налічвалася 350 супрацоўнікаў.

Крыніцы[рэдагаваць | рэдагаваць крыніцу]

  1. ^ А.І. Абузава. Гадавая справаздачнасьць СААТ «Парфумэрна-касмэтычная фабрыка «Модум — наша касмэтыка» за 2017 год(рас.) // «Модум — наша касмэтыка», 23 лютага 2018 г. Праверана 30 красавіка 2018 г.
  2. ^ Дзе набыць(рас.) // «Модум — наша касмэтыка», 2018 г. Праверана 30 красавіка 2018 г.

Вонкавыя спасылкі[рэдагаваць | рэдагаваць крыніцу]