Млада Болеслаў
| Млада Болеслаў па-чэску: Mladá Boleslav | |||||
| Населены пункт | |||||
 | |||||
| |||||
| Краіна | |||||
|---|---|---|---|---|---|
| Першыя згадкі | 1130[2] | ||||
| Кіраўніцтва і ўлада | |||||
| Кіраўнік адміністрацыі | Іржы Боўшка[d][3] | ||||
| Геаграфія | |||||
| Плошча |
| ||||
| Вышыня НУМ | 241 м | ||||
| Часавы пас | UTC+1 і UTC+2 | ||||
| Насельніцтва | |||||
| Колькасьць |
| ||||
| Лічбавыя ідэнтыфікатары | |||||
| Паштовы індэкс | 293 01[6] | ||||
| Нумарны знак | S | ||||
| Узнагароды | |||||
| Сайт | mb-net.cz | ||||
| Млада Болеслаў на мапе Чэхіі   Млада Болеслаў | |||||
Мла́да Бо́леслаў (па-чэску: Mladá Boleslav) — горад на поўначы Чэхіі з колькасьцю насельніцтва блізу 47 тысяч жыхароў. Стаіць на левым беразе ракі Ізэра. Гэта другім паводле колькасьці насельніцтва горад у краі. Дзякуючы кампаніі Škoda Auto, места лічыцца буйным цэнтрам чэскай аўтамабільнай прамысловасьці і, такім чынам, цэнтрам чэскай прамысловасьці агулам.
Гісторыя
[рэдагаваць | рэдагаваць код]У другой палове X стагодзьдзя на ў раёне сёньняшняга гістарычнага цэнтру герцаг Болеслаў II заснаваў горад. Першая дакладная пісьмовая згадка пра горад датуецца 1130 годам, калі ён упершыню называўся Новы-Болеслаў[7].
Цягам XIII стагодзьдзя паселішча павялічылася і набыло гарадзкі характар, атрымаўшы нават некаторыя прывілеі гораду. У сярэдзіне XIII стагодзьдзя побач з горадам быў пабудаваны новы каменны каралеўскі замак, а сам горад быў закінуты. У 1318 годзе шляхцічы Міхалавіцы набылі Млада Болеслаў у караля Чэхіі Яна Багемскага. У 1334 годзе паселішча набыло статус места і сваю сучасную назву Млада Болеслаў[7]. Падчас гусіцкіх войнаў Млада Болеслаў далучылася да табарытаў. У сярэдзіне XV стагодзьдзя ў горадзе пражывала блізу 2 тысяч жыхароў. У 1468 годзе горад быў набыты родам Тавачоўскіх. У пачатку XVI стагодзьдзя места стала цэнтрам братоў мараўскай царквы, якія мелі царкву эпохі Адраджэньня і друкарню. У 1518 годзе ў Млада Болеслаў Мікулаш Клаўдыян надрукаваў першую мапу Багеміі[7]. Па сьмерці Адама Краіржа ў 1588 годзе горад стаў уласнасьцю Гасіштэйнскай галіны роду Лабковічаў. Яны запрасілі ў горад вялікую лютэранскую грамаду зь нямецкіх земляў і такім чынам распачалі германізацыю гораду. У 1595 годзе Млада Болеслаў стаў вольным горадам, а ў 1600 годзе імпэратар Рудольф II надаў яму статус каралеўскага места[7].
На пачатку XVII стагодзьдзя ў Млада Болеславе жыло блізу 3100 жыхароў. Падчас Трыццацігадовай вайны ў першай палове XVII стагодзьдзя горад быў двойчы спалены, як то ў 1631 годзе імпэрыялістамі і ў 1640 годзе швэдзкім войскам[8]. Па вайне насельніцтва гораду скарацілася на 40%, а замак быў у руінах. Замак заставаўся неадноўленым некалькі дзесяцігодзьдзяў, а горад страціў свую былую значнасьць. Іншымі бедзтвамі былі Сылескія войны і вялікі пажар у 1761 годзе. Новы этап разьвіцьця і росквіту пачаўся толькі ў 1784 годзе[7].
У XIX стагодзьдзі надышоў час росквіту, бо места стала важным рэгіянальным цэнтрам, дзе зьявіліся новыя школы, тэатры, музэі і фабрыкі, у тым ліку аўтамабільная фабрыка Laurin & Klement, дзе сёньня месьціцца завод Škoda Auto. З 1990-х гадоў фабрыка зрабіла горад адным з самых багатых і квітнеючых гарадоў Чэхіі.
Крыніцы
[рэдагаваць | рэдагаваць код]- ^ archINFORM (ням.) — 1994.
- ^ Jakl L. Jak stará jsou česká města? Legendy a fakta. (чэс.) // iDNES.cz — 2011.
- ^ а б České noviny (чэс.) — ČTK, 2024. — ISSN 1213-5003
- ^ а б Český statistický úřad Malý lexikon obcí České republiky – 2017 — Český statistický úřad, 2017.
- ^ а б Český statistický úřad Počet obyvatel v obcích – k 1. 1. 2025 (чэс.) — Praha: ČSÚ, 2025.
- ^ а б Рэестар тэрытарыяльнай ідэнтыфікацыі, адрасоў і нерухомасьці
- ^ а б в г д «Historie města». City of Mladá Boleslav.
- ^ Chisholm, Hugh, ed. (1911). «Jung-Bunzlau». Encyclopædia Britannica. Vol. 15 (11th ed.). Cambridge University Press. — С. 556.