Менскі гарадзкі савет дэпутатаў

Менскі гарадзкі Савет дэпутатаў (Мінгарсавет) — заканадаўчы прадстаўнічы орган мясцовага самакіраваньня на тэрыторыі горада Менска. У склад дэпутацкага корпуса ўваходзіць 57 дэпутатаў, якія выбіраюцца па мажарытарнай сыстэме. Тэрмін паўнамоцтваў Менскага гарадзкога Савета дэпутатаў 4 гады.

Гісторыя

Заснаваны ў лютым 1917 году як Менскі Савет рабочых і жаўнерскіх дэпутатаў.

У часы жнівеньскага путча, 29 дэпутатаў заклікалі жыхароў не падпарадкоўвацца путчыстам.

Для прыцягненьня маладых людзей у сыстэму мясцовага самакіраваньня, а таксама іх прававой і палітычнай сацыялізацыі ў 2007 годзе Рашэньнем Прэзыдыюма Менскага гарадзкога Савета дэпутатаў заснаваны першы орган моладзевага парлямэнтарызму ў Рэспубліцы Беларусь — Моладзевая палата пры Менскім гарадзкім Савеце дэпутатаў.

Інфармацыя пра выбары

Апошнія выбары адбыліся 27 лютага 2022 года.

Паўнамоцтвы гарадзкога Савета

Паводле арт. 121 Канстытуцыі Рэспублікі Беларусь да выключнай кампэтэнцыі Мінгарсавета адносяцца:

зацьвярджэньне праграм эканамічнага й сацыяльнага разьвіцьця, бюджэту горада Менска й справаздач аб іх выкананьні;
усталяваньне мясцовых падаткаў і збораў;
вызначэньне парадку кіраваньня й распараджэньня камунальнай уласнасьцю;
прызначэньне мясцовых рэфэрэндумаў;
зацьвярджае кандыдатуру старшыні Менскага гарадзкога выканаўчага камітэта, прызначанага Прэзыдэнтам Рэспублікі Беларусь;
выбірае 8 членаў Савета Рэспублікі Нацыянальнага сходу Рэспублікі Беларусь ад горада Менска.

Камісыі

мандатная, па галоснасьці, самакіраваньні, правапарадку й міжнародных сувязях.
па эканамічным разьвіцьці, фінансах і бюджэту.
па ахове здароўя й сацыяльнай абароне.
па адукацыі, навуцы, культуры й спорту.
па гарадзкой гаспадарцы, транспарце й сувязі.
па моладзевай палітыцы й сувязях з грамадзкімі арганізацыямі.
па будаўніцтве, жыльлёвай палітыцы, землекарыстаньні й экалёгіі
па камунальнай уласнасьці й прыватызацыі.
па спажывецкім рынку, прадпрымальніцтве й рэкляме.

Глядзіце таксама