Марыя Магдалена дэ Паццы

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Марыя Магдалена дэ Паццы
Maria Maddalena de' Pazzi.jpg
Сьвятая
Нарадзілася 2 красавіка 1566
Памерла 25 траўня 1607(1607-05-25)[1][2][3] (41 год)
Дзень памяці 25 траўня[4]

Марыя Магдалена дэ Паццы (па-італьянску: Maria Maddalena de' Pazzi, 2 красавіка 1566 — 25 траўня 1607)— каталіцкая сьвятая, манахіня-кармэлітка, містык.

Жыцьцяпіс[рэдагаваць | рэдагаваць крыніцу]

Нарадзілася 2 красавіка 1566 г. у Флярэнцыі і на хросьце атрымала імя Кацярына. Зь дзяцінства была вельмі рэлігійная і ва ўзросьце 16 гадоў уступіла ў флярэнтыйскі кляштар кармэлітак, прыняўшы імя Марыя Магдалена. Неўзабаве пасьля гэтага ў яе жыцьці зьявіліся моцныя фізычныя і духоўныя цярпеньні, а таксама шматлікія містычныя бачаньні, падчас якіх яна размаўляла з Хрыстосам, а іншыя сёстры запісвалі гэтыя размовы.

Весьці дзёньнік яна стала на загад свайго духоўніка, які хацеў разабрацца, ці не зьяўляюцца яе містычныя ўяўленьні самаўнушэньнем або дзеяньнем злых сіл. Пазьней ён прызнаў сьвятасьць і сапраўднасьць містычнага вопыту Марыі Магдалены.

Пэўны час Марыя Магдалена адчувала боль ад церневай кароны. Падчас аднаго з бачаньняў Марыя Магдалена атрымала наказ паспрыяць аднаўленьню Касьцёлу і напісала ў сувязі з гэтым лісты да Папы і многіх касьцёльных герархаў. Карысталася вялікім шанаваньнем у кляштары, у 1604 годзе яна была прызначана намесьніцай кіраўнічкі кляштару.

Пасьля доўгіх цярпеньняў памерла 25 траўня 1607 году і была пахаваная ў сваім кляштары. Яе цела засталося нятленным[5].

Была бэатыфікавана 8 траўня 1626 году папам Урбанам VIII, а кананізавана 28 красавіка 1669 году папам Климэнтам IX. Успамін аб сьвятой — 25 траўня.

Крыніцы[рэдагаваць | рэдагаваць крыніцу]

  1. ^ autori vari MARIA MADDALENA de' Pazzi, santa // Dizionario Biografico degli Italiani (італ.) — 2008. — Vol. 70.
  2. ^ Maria Magdalena Maria Magdalena von Pazzi // FemBio: Банк інформації про видатних жінок, Frauendatenbank, Банк данных о выдающихся женщинах, Görkəmli qadınlar haqqında məlumat bankı
  3. ^ Schäfer J. Maria Magdalena von Pazzi // Ökumenisches Heiligenlexikon — 1998.
  4. ^ Calendarium Romanum (лац.): Ex decreto Sacrosancti Œcumenici Concilii Vaticani II instauratum auctoritate Pauli PP. VI promulgatum. Editio typicaCivitas Vaticana: 1969. — С. 26.
  5. ^ Святая Марыя Магдалена Паццы, панна, catholic.by

Літаратура[рэдагаваць | рэдагаваць крыніцу]

  • «Мария Магдалина де Пацци» // Католическая энциклопедия. Т.3. выд. францысканцаў. М.: 2008

Вонкавыя спасылкі[рэдагаваць | рэдагаваць крыніцу]