Марыя Зайцава

Марыя Зайцава
	Марыя Зайцава
Дата нараджэньня	16 студзеня 2001
Месца нараджэньня	Гомель, Беларусь;
Дата сьмерці	17 студзеня 2025 (24 гады)
Месца сьмерці	Пакроўскі раён, Данецкая вобласьць, Украіна;
Занятак	салдат
Вядомая як	актывістка, баец-добраахвотніца Другога інтэрнацыянальнага легіёну Ўзброеных сілаў Украіны
Узнагароды

Марыя Зайцава (16 студзеня 2001, Гомель, Беларусь — 17 студзеня 2025, каля Пакроўска, Украіна) — беларуская грамадзкая актывістка, удзельніца пратэстаў 2020 году, валанцёрка, удзельніца вайны ва Ўкраіне ў складзе Другога інтэрнацыянальнага легіёну. Першая жанчына сярод беларускіх добраахвотнікаў, якія загінулі за свабоду Ўкраіны.

Біяграфія

Нарадзілася і вырасла ў Гомелі. Скончыла гімназію № 46 імя Блеза Паскаля, валодала ангельскай і французскай мовамі. Пасьля школы паступіла вучыцца на лекара-вэтэрынара.

9 жніўня 2020 году прыехала ў Менск, каб далучыцца да пратэстаў супраць фальсыфікацыі вынікаў прэзыдэнцкіх выбараў. У той жа дзень нядалёк аж мэмарыялу «Мінск — горад герой» («Стэла») была параненая аскепкамі сьветлагукавой гранаты і гумовымі кулямі.

Перанесла некалькі апэрацый ў Беларусі, пазьней зьехала на лячэньне ў Чэхію. У выніку раненьня практычна патраціла слых на правае вуха.

Пасьля курса рэгабілітацыі засталася ў Празе. Пасьля нападу Расеі на Ўкраіну ў 2020 г. дапамагала ўкраінскім бежанцам.

Удзел у вайне ва Ўкраіне

У 2023 годзе далучылася да Другога інтэрнацыянальнага легіёну Збройных сілаў Украіны. Спачатку працавала мэдыкам, займалася эвакуацыяй параненых. Удзельнічала ў баявых дзеяньнях. 17 студзеня 2025 году загінула пад Пакроўскам.

Узнагароды

Пасьмяротна ўзнагароджаная мэдалём «Гонар і Годнасьць» Аб’яднанага пераходнага кабінэту Беларусі, а таксама тытулам кавалера ордэна Жалезнага Рыцара Рады БНР (першая жанчына сярод кавалераў Ордэна).

Спасылкі

История белоруски Марии Зайцевой — от протестов в Минске до гибели на фронте в Украине: «Она отдала свою жизнь за нашу и вашу свободу» [Гісторыя беларускі Марыі Зайцавай — ад пратэстаў у Менску да гібелі на фронце ва Ўкраіне: «Яна аддала сваё жыцьцё за нашу і вашу свабоду»] — Настоящее время, 20.03.2025
Яна Шварц. История белоруски Марии Зайцевой, которая погибла в Украине [Гісторыя беларускі Марыі Зайцавай, якая загінула ва Ўкраіне] — Deutsche Welle, 02.02.2025
Жнівень-2020. Мы — сьведкі. «У галаве дзьве гематомы, а саджаюць у турму» — Радыё Свабода, 14.09.2020