Макс Лянгенган

Макс Лянгенган
Пэрсанальная інфармацыя
Нарадзіўся	21 лютага 1999(1999-02-21) (27 гадоў) Фрыдрыхрода[d], раён Гота[d], Турынгія, Нямеччына
Грамадзянства	Нямеччына
Прафэсійная інфармацыя
Спэцыялізацыя	саначнік

Макс Ля́нгенган (па-нямецку: Max Langenhan; 21 лютага 1999 году) — нямецкі саначнік, чэмпіён сьвету і Алімпійскіх гульняў.

Кар’ера

Пачаў спаборнічаць у Кубку сьвету з сэзону 2018—2019 гадоў. У дэбютнай гонцы заняў 12-ы радок на этапе ў Інсбруку. У фінале сэзону ў Сочы ён у другі раз трапіў у дзясятку найлепшых, заняўшы дзясятае месца, і кваліфікаваўся ў якасьці аднаго з васьмі саначнікаў на трэцюю і апошнюю спрынтарскую гонку сэзону, дзе фінішаваў 12-м.

На этапе Кубка сьвету ў нямецкім Обэргофе.

У сэзоне 2020—2021 гадоў спартовец упершыню ў сваёй кар’еры фінішаваў на подыюме ў адзінках на трасе Альтэнбэргу. У спрынтарскім спуску ў Вінтэрбэргу ён адсьвяткаваў першую ў сваёй кар’еры перамогу на этапе Кубка сьвету. На чэмпіянаце сьвету 2021 году ў Шэнаў-ам-Кёнігсзээ ён ледзь не дасягнуў подыюма, заняўшы чацьвертае месца. У агульным заліку Кубка сьвету ён заняў чацьверты радок. Браў удзел у зімовых Алімпійскіх гульнях 2022 году ў Пэкіне, дзе паводле сумы чатырох спускаў заняў 6-е месца ў адзінках. На чэмпіянаце сьвету 2023 году ў Обэргофе Лянгенган стаў пераможцам у каманднай эстафэце, срэбны мэдаль у індывідуальнай гонцы і бронзу ў спрынце. Сэзон Кубка сьвету 2023—2024 гадоў саначнік пачаў з чатырох перамог у адзінках.

На чэмпіянаце сьвету 2024 году стаў пераможцам у адзінках і эстафэце. На чэмпіянаце сьвету 2025 году ў Канадзе спартовец у новай дысцыпліне, якой быў адзінкавы мікст, у пары зь Юліяй Таўбіц узяў залаты мэдаль. Празь дзень у адзіночным спуску ў мужчынаў і ў эстафэце стаў пераможцам, заваяваў пяты і шосты залаты мэдаль чэмпіянатаў сьвету ў кар’еры. На зімовых Алімпійскіх гульнях 2026 году ўзяў залатыя мэдалі ў адзіночным і камандным спусках.

Вонкавыя спасылкі

• Профіль (анг.) на FIL