Максім Шышлоў
| Максім Шышлоў | ||
| Пэрсанальная інфармацыя | ||
|---|---|---|
| Нарадзіўся | 17 лютага 1996[1] (29 гадоў) | |
| Рост | 192 см | |
| Вага | 83 кг | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2017—2020 | Нёман Горадня | 3 (0) |
| 2017 | → Мікашэвічы | 8 (0) |
| 2018 | → Белшына | 14 (0) |
| 2020 | → Слонім-2017 | 23 (0) |
| 2021 | Славія Мазыр | 5 (0) |
| 2022 | Слонім-2017 | 7 (0) |
| 2022 | Ізалятар Багухвала[d] | |
| Зборныя | ||
| 2017 | Беларусь (да 21) | 1 (0) |
Максім Шышлоў (нар. 17 лютага 1996 году) — беларускі футбаліст, брамнік.
Кар’ера
[рэдагаваць | рэдагаваць]Клюбная
[рэдагаваць | рэдагаваць]Выхаванец мазырскай СДЮШАР-1. Юнаком трапіў у склад гарадзенскага «Нёмана». З 2015 году пачаў выступаць за дубль гарадзенскага клюбу, а на наступны год замацаваўся ў складзе дубля, дзе часам прыцягваўся да асноўнай каманды. Быў фактычна трэцім брамнікам.
У верасьні 2017 году быў аддадзены ў арэнду мікашэвіцкаму «Граніту»[2], дзе стаў асноўным гульцом. У студзені 2018 году на правах арэнды перабраўся ў бабруйскую «Белшыну»[3]. Спачатку быў другім брамнікам каманды пасьля Руслана Капанцова, аднак пазьней пачаў займаць месца ў асноўным складзе. У пачатку 2019 году, па вяртаньні з арэнды, зноў стаў трэнавацца зь «Нёманам». У сакавіку 2019 году падпісаў новы трохгадовы кантракт з гарадзенцамі[4]. Застаўся на сэзон 2019 году ў складзе «Нёмана» ў якасьці другога брамніка, аднак у сувязі з хваробай Сяргея Курганскага правёў першыя два матчы ў Найвышэйшай лізе — супраць «Гомля» (3:2) і салігорскага «Шахцёра» (0:3). У далейшым звычайна заставаўся ў запасе, прыцягваўся таксама да гульняў дубля.
У лютым 2020 году быў арандаваны «Слонімам-2017»[5], дзе быў асноўным гульцом. У студзені 2021 году трэнаваўся з мазырскай «Славіяй» і ў лютым падпісаў кантракт з клюбам[6]. Быў рэзэрвовым брамнікам, за сэзон 2021 году згуляўшы 6 матчаў (5 у чэмпіянаце Беларусі і 1 у Кубку Беларусі). У студзені 2022 году па заканчэньні кантракту пакінуў мазырскі клюб[7].
У лютым 2022 году вярнуўся ў «Слонім-2017»[8]. Пакінуў клюб на ўзаемную згоду бакоў у ліпені 2022 году[9], а ў жніўні далучыўся да «Ізалятара» з Багухвалы зь пятага дывізіёну Польшчы[10]. У лютым 2023 году перабраўся ў «Старт» з Рыманава.
Міжнародная
[рэдагаваць | рэдагаваць]У 2017 годзе прыцягваўся да складу моладзевай зборнай Беларусі, дзе быў другім брамнікам пасьля Дзяніса Шчарбіцкага. 31 траўня 2017 году правёў свой адзіны матч за моладзевую зборную, калі ў таварыскай сустрэчы супраць зборнай Расеі (0:7) выйшаў на поле ў пачатку другога тайму і быў заменены на 83-й хвіліне. У ліпені 2017 году ў складзе другой зборнай Беларусі паехаў на міжнародны турнір у Тайлянд, аднак быў трэцім брамнікам у складзе і на полі не зьяўляўся.
Крыніцы
[рэдагаваць | рэдагаваць]- ^ а б в Maksim Shishlov // Transfermarkt (мн.) — 2000.
- ^ Вратарь "Немана" остаток сезона проведет в аренде в "Граните"
- ^ "Неман" отдал Шишлова и Бетеню в аренду, прекращена аренда Забелина в "Смолевичи"
- ^ Копач и Шишлов подписали трехлетние контракты с "Неманом"
- ^ "Неман" отдал вратаря в аренду "Слониму-2017"
- ^ Вратарь Шишлов подписал контракт со "Славией"
- ^ Шишлов покинул "Славию"
- ^ Вратарь Шишлов перешел в "Слоним-2017"
- ^ Шишлов покинул "Слоним-2017"
- ^ Самые известные белорусы, не так давно уехавшие покорять польский "минор"
Вонкавыя спасылкі
[рэдагаваць | рэдагаваць]- Статыстыка «ПБ-Инфо» (рас.)