Магнус Вісьляндэр

	Спартовыя ўзнагароды
	Алімпійскія гульні
	Чэмпіянаты сьвету
	Чэмпіянаты Эўропы

**Магнус Вісьляндэр**
	Магнус Вісьляндэр
	;
Пэрсанальная інфармацыя
Нарадзіўся	22 лютага 1964 (62 гады); Гётэборг, Швэцыя
Рост	194 см
Вага	94 кг
Пазыцыя	лінейны
Моладзевыя клюбы
1973—1979	Тувэ
Клюбы
Гады	Клюб
Зборныя

Ганс Э́йнар Ма́гнус Ві́сьляндэр (па-швэдзку: Hans Einar Magnus Wislander; нарадзіўся 22 лютага 1964 году, Гётэборг, Швэцыя) — колішні швэдзкі гандбаліст, двухразовы чэмпіён сьвету, 4-разовы чэмпіён Эўропы, трохразовы віцэ-чэмпіён Алімпійскіх гульняў. Найлепшы гандбаліст плянэты XX стагодзьдзя па выніках апытаньня Міжнароднай фэдэрацыі гандболу^[1], найлепшы гандбаліст сьвету — 1990. Завяршыў гульнявую кар’еру ў 2005 року.

Кар’ера

Зборная Швэцыі

Дэбютаваў за зборную 16 студзеня 1985 году супраць СССР.

Агулам за зборную Швэцыі ў 1985—2004 роках Вісьляндэр правёў 384 матчы (найбольш сярод швэдзкіх гульцоў)^[2] і закінуў 1185 мячоў (у сярэднім болей за 3 мячы за гульню). На 4 Алімпіядах (1988, 1992, 1996 і 2000) Вісьляндэр правёў 28 матчаў, у якіх зборная Швэцыі атрымала 23 перамогі і саступіла 5 разоў. У 28 алімпійскіх матчах Вісьляндэр толькі двойчы сыходзіў з поля без закінутых мячоў, а найлепшым ягоным вынікам сталі 9 галоў у браму Гішпаніі ў паўфінале Алімпіяды-2000 у Сыднэі (перамога Швэцыі 32:25).

Клюбы

На клюбным узроўні Магнус Вісьляндер выступаў за «Рэдбэргсьлідс» з роднага Гётэборгу з 1979 па 1990 і з 2002 па 2005 рокі, а таксама за нямецкі «Кіль» (1990—2002). У складзе «Кіля» Вісьляндэр двойчы выыграваў Кубак ЭГФ (1998, 2002), а ў 2000 гуляў у фінале Лігі чэмпіёнаў, дзе нямецкі клюб саступіў гішпанскай «Барсэлёне».

У складзе «Рэдбэргсьлідса» Вісьляндэр 5 разоў станавіўся чэмпіёнам Швэцыі (1985, 1986, 1987, 1989, 2003). У складзе «Кіля» 6 разоў выйграваў чэмпіянат Нямеччыны (1994—1996, 1998—2000), правёў 357 матчаў і забіў 1332 галы.

Узнагароды

У 1990 року Магнус Вісьляндэр быў прызнаны найлепшым гандбалістам року.

Крыніцы

↑ Турчина — лучшая гандболистка века // Коммерсантъ. — 20-06-2000. — № 109. — С. 15.
↑ Elit Herrar Stora Grabbar (швэд.) (pdf) Svensk handboll Праверана 9 лютага 2014 г.

Вонкавыя спасылкі

Профіль (анг.) на Sports-Reference.com
Профіль (анг.) (фр.) на бачыне Міжнароднага алімпійскага камітэту
Профіль (ням.) на бачыне «ГК Кіль»

[1] Турчина — лучшая гандболистка века // Коммерсантъ. — 20-06-2000. — № 109. — С. 15.

[2] Elit Herrar Stora Grabbar (швэд.) (pdf) Svensk handboll Праверана 9 лютага 2014 г.

[1]

[2]

Спартовыя ўзнагароды
Алімпійскія гульні
Срэбра	Барсэлёна-1992	Зборная
Срэбра	Атланта-1996	Зборная
Срэбра	Сыднэй-2000	Зборная
Чэмпіянаты сьвету
Золата	Чэхаславаччына-1990	Зборная
Бронза	Швэцыя-1993	Зборная
Бронза	Ісьляндыя-1995	Зборная
Срэбра	Японія-1997	Зборная
Золата	Эгіпет-1999	Зборная
Золата	Францыя-2001	Зборная
Чэмпіянаты Эўропы
Золата	Партугалія-1994	Зборная
Золата	Італія-1998	Зборная
Золата	Харватыя-2000	Зборная
Золата	Швэцыя-2002	Зборная