Маар’я Кангро
| Маар’я Кангро | |
| эст. Maarja Kangro | |
 | |
| Асабістыя зьвесткі | |
|---|---|
| Нарадзілася | 20 сьнежня 1973 Талін |
| Бацькі | Райма Кангра[d] Leelo Tungal[d] |
| Літаратурная дзейнасьць | |
| Род дзейнасьці | Пісьменьніца, паэтка, перакладніца, лібрэтыстка |
| Гады творчасьці | З 1999 |
| Мова | Эстонская |
| Дэбют | 1999 |
| Значныя творы | «Klaaslaps» (2016) |
| Узнагароды | |
Маáр’я Кангро (эст. Maarja Kangro; 20 сьнежня 1973, Талін, Эстонія) — эстонская пісьменьніца, паэтка, перакладніца і лібрэтыстка.
Жыцьцяпіс
[рэдагаваць | рэдагаваць код]Маар’я Кангро нарадзілася 20 сьнежня 1973 году ў Таліне ў сям’і кампазытара Райма Кангро і пісьменьніцы Леэла Тунгал. Яна скончыла Тартускі ўнівэрсытэт, дзе вывучала літаратуразнаўства і англістыку. Пазьней навучалася ў асьпірантуры Талінскага ўнівэрсытэту па спэцыяльнасьці «культуралёгія»[1].
Займалася перакладамі літаратурных твораў з італійскай, ангельскай і нямецкай моваў, у прыватнасьці пераклала творы Ўмбэрта Эка, Ханса Магнуса Энцэнсбэргера, Андрэа Дзандзота, Валерыа Магрэлі і іншых. Акрамя таго, яна стала спрабаваць свае сілы як паэтка і пісьменьніца[2].
У 1999 годзе сумесна з сястрой Кірке Кангро яна напісала лібрэта да опэры Süda свайго бацькі Райма Кангро. У 2005 годзе напісала лібрэта для камэрнай опэры Kaubamaja кампазытара Тыніса Каўмана. У 2006 годзе адбыліся прэм’еры дзьвюх опэраў Тыну Кырвітса зь ейным лібрэта: Tuleaed і Mu luiged, mu mõtted. У 2008 годзе адбылася прэм’ера кантаты Kuked ja kanad кампазытара Ціма Штэйнэра зь ейным лібрэта. Прэм’ера опэры Kaks pead Ціма Штэйнэра зь ейным лібрэта адбылася ў чэрвені 2011 году[3].
У 2006 годзе выйшаў ейны першы зборнік вершаў «Kurat õrnal lumel» («Чорт на далікатным сьнезе»). У тым жа годзе выйшла напісаная сумесна з сястрой кніга для дзяцей «Puuviljadraakon» («Фруктовы цмок»)[4].
У 2025 годзе ў выдавецтве «Пфляўмбаўм» выйшаў беларускі пераклад раману пісьменьніцы — «Шкляное дзіця»[5].
Творы
[рэдагаваць | рэдагаваць код]- 2006 Kurat õrnal lumel (вершы)
- 2006 Puuviljadraakon (кніга для дзяцей)
- 2007 Tule mu koopasse, mateeria (вершы)
- 2008 Heureka (вершы)
- 2010 Ahvid ja solidaarsus (апавяданьні)
- 2010 Kunstiteadlase jõulupuu (вершы)
- 2012 Dantelik auk (апавяданьні)
- 2013 Must tomat (вершы)
- 2014 Hüppa tulle (апавяданьні і навэлі)
- 2016 Klaaslaps (раман)
- 2018 Minu auhinnad (нонфікшн)
- 2019 Tuul (вершы)
- 2019 Varietee (пераклад вершаў)
- 2020 Kaks pead (зборнік лібрэта)
- 2020 Isa kõrvad (апавяданьні для дзяцей)
Крыніцы
[рэдагаваць | рэдагаваць код]- ↑ Maarja Kangro, Estonian Literature Centre, https://www.estlit.ee/person/106
- ↑ Interview in Estonian Literary Magazin, Maarja Kangro The pain treshold, Estonian Institute, 2/2017, http://elm.estinst.ee/interviews/the-pain-treshold-an-interview-with-the-author-maarja-kangro/
- ↑ Maarja Kangro, Estonian Literature Centre, https://www.estlit.ee/person/106
- ↑ Maarja Kangro, Estonian Literature Centre, https://www.estlit.ee/person/106
- ↑ «Шкляное дзіця» эстонскай пісьменніцы Маар’і Кангро па-беларуску, Instagram Pflaumbaum_publishing, https://www.instagram.com/p/DUTPOghjCnM/