МТС (сыстэма адзінак вымярэньня)

МТС (MTS сыстэма) — сыстэма адзінак вымярэньня мэханічных велічынь, у якой асноўнымі адзінкамі зьяўляюцца мэтар, тона і сэкунда. Гэтая сыстэма была вынайдзена ў Францыі, але афіцыйнай была толькі ў СССР у 1933 – 1955 гадах. Сыстэма МТС пабудаваная на тых жа прынцыпах, што і сыстэма СГС, але з ужываньнем буйнейшых велічынь, гэтае зроблена для больш зручнага выкарыстаньня ў прамысловасьці.

Адзінкі вымярэньня

• даўжыня: мэтар
• маса: тона. 1 т = 10³ кг
• час: сэкунда
• сіла: стэн. 1 сн = 1 т·м/с² = 10³ Н
• энэргія: кіляджоўль. 1 кДж = 1 т·м²/с² = 10³ Дж
• магутнасьць: кіляват. 1 кВт = 1 т·м²/с³ = 10³ Вт
• ціск: п'еза. 1 пз = 1 т/м·с² = 10³ Па