Перайсьці да зьместу

Лібрэцік

Дадаць спасылкі
Зьвесткі зь Вікіпэдыі — вольнай энцыкляпэдыі

53°57′11″ пн. ш. 27°35′56″ у. д.HGЯO

«Лібрэцік»
Тып таварыства з абмежаванай адказнасьцю
Дэвіз Заўсёды выгадна зайсьці
Заснаваная 1991 (35 гадоў таму)
Заснавальнікі Аляксандар Аванэсаў, Алег Дзялендзік
Уласьнікі Вадзім Аванэсаў, Алма Яўнсяменя, Алег Дзялендзік, Ульяна Шыдловіч
Краіна Беларусь
Разьмяшчэньне Менск
Адрас Савецкі раён, мікрараён Зялёны Луг, 4-ы завулак Кальцова, дом 53[1]
Ключавыя фігуры Вадзім Аванэсаў (кіраўнік), Тамаш Пасіх (1-ы намесьнік)[2]
Галіна сфэра паслугаў
Прадукцыя торт, сырны пірог, пірожнае, каўбаска, піца, бургер, сэндвіч, сушы, багет, чыябата[3]
Паслугі раздробны гандаль, дастаўка
Лік супрацоўнікаў 8000 (2025 год)
Матчына кампанія «ЛібрэцікГруп»[4]

«Лібрэцік» — прыватнае прадпрыемства раздробнага гандлю Беларусі, заснаванае ў 1991 годзе.

На 2025 год меў 5-ю найбольшую ў Беларусі гандлёвую сетку «Суседзі», якая налічвала 240 крамаў у Менску і 36 гарадах Менскай вобласьці і яшчэ 3-х усходніх вобласьцяў Беларусі. Наймаў звыш 8000 супрацоўнікаў[5]. Пры гэтым 167 крамаў (70 %) месьцілася ў Менску, 18 (8 %) — у Гомлі, 9 — у Магілёве, 7 — у Жлобіне і 5 — у Салігорску[6].

Пры 61-й краме (25 %) працавалі кавярні[7], а пры 51-й (21 %) — піцэрыі[8]. Сярод іншага, налічвалася 7 кругласодневых крамаў, зь іх 2 у Кастрычніцкім раёне Магілёва[9]. Меў 10 таварных знакаў, у тым ліку беларускамоўны «Суседзкі маёнтак»[10].

Мінуўшчына

[рэдагаваць | рэдагаваць код]

У 1991 годзе Менскі гарадзкі выканаўчы камітэт паставіў на ўлік прадпрыемства «Лібрэцік». 5 сакавіка 1998 году «Лібрэцік» пераўтварылі ў таварыства з абмежаванай адказнасьцю і ўнесьлі ў Адзіны дзяржаўны рэгістар юрыдычных асобаў і індывідуальных прадпрымальнікаў (АДР) пад уліковым нумарам плацежніка (УНП) 101454161. Прадпрыемства разьмясьцілі ў Фрунзэнскім раёне Менску па вуліцы Ляшчынскага, дом 8 (мікрараён Кунцаўшчына). 26 кастрычніка 2001 году «Лібрэцік» пераўтварылі ў сумеснае прадпрыемства[11], бо яго суўладальніцай была летувіская грамадзянка Алма Яўнсяменя[12]. 12 лістапада 2001 году ў сталічным гандлёвым доме «Вясьнянка» адчынілі 1-ы ўнівэрсам «Суседзі» (цяпер праспэкт Пераможцаў, дом 89).

19 сакавіка 2003 году прадпрыемства перамясьцілі ў Цэнтральны раён Менску на праспэкт Машэрава, дом 89 (мікрараён Вясьнянка)[11]. У 2006 годзе стварылі вэб-бачыну сеткі крамаў «Суседзі» і адчынілі 1-ы сталічны супэрмаркет «Суседзі» па вуліцы Сурганава, дом 50. У 2007 годзе пачалі адчыняць крамы ў Менскай вобласьці. 23 жніўня 2011 году стварылі холдынгавае ТАА «ЛібрэцікГруп» пад УНП 191685239 для кіраваньня сеткай крамаў. Матчына прадпрыемства разьмясьцілі ў Савецкім раёне Менску па вуліцы Харужай, дом 16Б[13]. У 2012 годзе запрацаваў 1-ы сталічны гіпэрмаркет па Даўгінаўскім тракце, дом 178 (мікрараён Навінкі). Да 2013 году гандлёвая сетка дасягнула 50 крамаў. У верасьні 2013 году гіпэрмаркет «Суседзі» адчынілі ў Магілёве[14].

1 траўня 2015 году «ЛібрэцікГруп» перамясьцілі далей па вуліцы Харужай, дом 25. 1 ліпеня 2017 году «ЛібрэцікГруп» разьмясьцілі на поўначы Савецкага раёну Менску па 4-м завулку Кальцова, дом 53 (мікрараён Зялёны Луг)[13]. 20 сакавіка 2018 году прадпрыемства «Лібрэцік» перастала быць сумесным[11]. 29 лістапада 2018 году «Лібрэцік» набыў сетку крамаў «Прэстан» у прадпрыемства «Арвітфуд» Віталя Арбузава[15]. У лістападзе 2022 году «Лібрэцік» дадаткова адкрыў гандлёвую сетку «Разумны выбар» з 29 крамаў, зь іх 7 у Менску, 5 у Баранавічах, 3 у Воршы, па 2 ў Віцебску, Гомлі, Жлобіне і Бабруйску, а таксама па краме ў Слуцку, Ігумене, Лідзе, Ляхавічах, Ельску і Барані[16].

Крыніцы

[рэдагаваць | рэдагаваць код]
  1. ↑ Зьвесткі для сувязі (рас.) // ТАА «ЛібрэцікГруп», 2025 г. Праверана 20 ліпеня 2025 г.
  2. ↑ Праца (рас.) // ТАА «ЛібрэцікГруп», 2025 г. Праверана 20 ліпеня 2025 г.
  3. ↑ Смачна гатуем (рас.) // ТАА «ЛібрэцікГруп», 2025 г. Праверана 20 ліпеня 2025 г.
  4. ↑ Іван Вежнавец. Рашэньне камісіі ад 9 жніўня 2024 г. № 528 (рас.) // Міністэрства антыманапольнага рэгуляваньня і гандлю Беларусі, 2025 г. Праверана 20 ліпеня 2025 г.
  5. ↑ «Суседзі» сёньня (рас.) // ТАА «ЛібрэцікГруп», 2025 г. Праверана 20 ліпеня 2025 г.
  6. ↑ Крамы (рас.) // ТАА «ЛібрэцікГруп», 2025 г. Праверана 20 ліпеня 2025 г.
  7. ↑ З кава-кутком (рас.) // ТАА «ЛібрэцікГруп», 2025 г. Праверана 20 ліпеня 2025 г.
  8. ↑ З піцэрыяй (рас.) // ТАА «ЛібрэцікГруп», 2025 г. Праверана 20 ліпеня 2025 г.
  9. ↑ Кругласодневыя крамы (рас.) // ТАА «ЛібрэцікГруп», 2025 г. Праверана 20 ліпеня 2025 г.
  10. ↑ Нашыя маркі (рас.) // ТАА «ЛібрэцікГруп», 2025 г. Праверана 20 ліпеня 2025 г.
  11. 1 2 3 ТАА «Лібрэцік», УНП 101454161 (рас.) // ТАА «БізІнспэкт», 4 ліпеня 2025 г. Праверана 20 ліпеня 2025 г.
  12. ↑ Топ-100 самых пасьпяховых і ўплывовых бізнэсмэнаў Беларусі // Газэта «Наша ніва», 2 лістапада 2009 г. Праверана 20 ліпеня 2025 г.
  13. 1 2 ТАА «ЛібрэцікГруп», УНП 191685239 (рас.) // ТАА «БізІнспэкт», 22 чэрвеня 2025 г. Праверана 20 ліпеня 2025 г.
  14. ↑ Сьвятлана Маркава. Эўрапейскі шык і беларуская якасьць // Рэспубліка : газэта. — 12 лістапада 2013. — № 5872. — ISSN 1991-5322.
  15. ↑ Сетка «Суседзі» купіла «Прэстаны» // Газэта «Наша ніва», 30 лістапада 2018 г. Праверана 20 ліпеня 2025 г.
  16. ↑ У Беларусі зьявілася яшчэ адна сетка крам нізкіх цэн // Партал «Наша ніва», 7 сьнежня 2023 г. Праверана 20 ліпеня 2025 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Лібрэцік&oldid=2626113»