Луркамор’е

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Луркамор’е
Lurkmore.ru logo.png
URL lurkmore.to
Тып інтэрнэт-энцыкляпэдыя мэмаў і фальклёру
Рэгістрацыя неабавязковая
Даступныя мовы расейская
Уладальнік Дзьмітры Хомак
Аўтар Oal, Drdaeman і zoi
Пачатак працы 30 ліпеня 2007
Бягучы стан працуе

Lurkmore.to ці «Луркамор’е» (па-расейску: Луркоморье) — он-лайн-энцыкляпэдыя, пабудаваная на рухавіку MediaWiki; зьяўляецца аналягам ангельскамоўнай гэгапэдыі (гумарыстычнай энцыкляпэдыі) lurkmore.com. Пазыцыянуе сябе як «энцыкляпэдыя мэмаў, фальклёру і ўсяго іншага». Праект быў заснаваны пасьля канфлікту паміж адміністрацыяй расейскай Вікіпэдыі і некалькімі яе ўдзельнікамі.

Паходжаньне выразу «Луркамор’е»[рэдагаваць | рэдагаваць крыніцу]

«Луркамор’е» (па-расейску: луркоморье) — гэта слова, што ўтварылася шляхам спалучэньня ангельскага жаргоннага выразу lurk moar і расейскага слова (па-расейску: лукоморье). Само словазлучэньне «lurk more» тлумачыцца так: «У большасьці сеткавых супольнасьцяў вітаюцца „маўклівыя навічкі“, якія спачатку, не выяўляючы сябе, чытаюць паведамленьні і толькі празь нейкі час, паабвыкнуўшы, пачынаюць пісаць».

Тэматыка і стыль[рэдагаваць | рэдагаваць крыніцу]

Праект першапачаткова пазыцыянаваў сябе як энцыкляпэдыя інтэрнэт-мэмаў, але па меры разьвіцьця яго артыкулы сталі ахопліваць значна больш шырокае кола тэмаў: інтэрнэт і інфармацыйныя тэхналёгіі, кампутарныя гульні, побыт, палітыку, гісторыю, культуру, грамадзкае жыцьцё і многае іншае.

Луркамор’е характарызуецца своеасаблівым стылем артыкулаў, адметным агульнай нефармальнасьцю, паўжартаўлівым і саркастычным характарам, вольным ужываньнем нецэнзурнай лексыкі, бесцырымоннасьцю выказваньняў, а таксама рэзкай крытыкай недахопаў разгляданых зьяваў.

Адметнай рысай артыкулаў таксама зьяўляецца спэцыфічны слэнг — «луркамоўе» (луркояз), які складаецца зь сеткавага жаргону, асобных словаў з ужытку падонкаў і кашчанітаў, а таксама ўласных нэалягізмаў.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Луркамор’есховішча мультымэдыйных матэрыялаў