КуПС Куопіё

	КуПС
Поўная назва	Kuopion Palloseura
Заснаваны	1923
Горад	Куопіё, Фінляндыя
Стадыён	Савон Санамат Арэна; Умяшчальнасьць: 5000
Галоўны трэнэр	Ярка Віс[d];
Чэмпіянат	Вэйкаўсьлііга
· 2025	1 месца
	Галерэя здымкаў у Вікісховішчы; Афіцыйны сайт

КуПС (па-фінску: KuPS) — фінскі футбольны клюб з гораду Куопіё. Заснаваны ў 1923 годзе. Васьміразовы чэмпіён Фінляндыі, пяціразовы ўладальнік Кубка Фінляндыі.

Гісторыя

Клюб быў афіцыйна заснаваны 16 сакавіка 1923 году і спачатку меў назву КПС ад скарачэньня назвы «Футбольны клюб Купіё» (фін. Kuopion Palloseura).

Большую частку 1920-х гадоў клюб ладзіў таварыскія матчы супраць іншых мясцовых клюбаў. У 1930-х і пачатку 1940-х гадоў каманда ўжо гуляла ў другім паводле велічыні дывізіёне фінскага футболу. У найвышэйшы дывізіён яны трапілі ў 1947 годзе, але згубілі месца паводле вынікаў дэбютнага сэзону. Клюб зноў прасунуўся ў найвышэйшы дывізіён у 1949 годзе і на гэты раз замацаваўся там ажно на 44 сэзоны запар^[2]. Калі ў першыя гады галоўнымі колерамі каманды былі чорны, зялёны і белы, але ў 1935 годзе яны былі замененыя на чорна-жоўтыя. Адначасна зьмянілася і абрэвіятура, якая дасюль пішацца як КуПС^[3]^[2].

Залаты век КуПС прыпаў на 1950-я і 1970-я гады, калі дружына пяць разоў перамагала ў чэмпіянаце, яшчэ восем разоў каманда брала срэбныя мэдалі і яшчэ раз спыняліся на трэцім радку. У 1968 годзе клюб упершыню стаў уладальнікам Кубка Фінляндыі^[2]. У 1980-я гады КуПС працягваў спаборнічаць у найвышэйшай лізе, але без істотных посьпехаў. Толькі ў 1989 годзе прадстаўнікі Куопіё чарговы раз сталіся ўладальнікамі кубка краіны^[2]. У 1990-х гадах КуПС сутыкнуўся зь фінансавымі цяжкасьцямі і нават упершыню апусьціўся ў трэці дывізіён^[3]. У пачатку 2000-х каманда гуляла як у другім дывізіёне, гэтак і ў першым. У 2008 годзе каманда ўжо трывала замацавалася ў Вэйкаўсьліізе, а з 2017 году клюб стала бярэ мэдалі айчыннага чэмпіянату.

Дасягненьні

Чэмпіён Фінляндыі: 8
- 1956, 1958, 1966, 1974, 1976, 2019, 2024, 2025

Уладальнік Кубка Фінляндыі: 5
- 1968, 1989, 2021, 2022, 2024

Уладальнік Кубка фінскай Лігі: 1
- 2006

Крыніцы

↑ https://www.transfermarkt.com/kuopion-palloseura/mitarbeiterhistorie/verein/6251
1 2 3 4 Kuopion Palloseura 1923–2004. — Kuopion Palloseura.
1 2 Historia & Saavutukset. KuPS – Kuopion Palloseura.

Вонкавыя спасылкі

Афіцыйны сайт

[_51e5164d1228b9ed-1] ttps://www.transfermarkt.com/kuopion-palloseura/mitarbeiterhistorie/verein/6251

[:2-2] 1 2 3 4 Kuopion Palloseura 1923–2004. — Kuopion Palloseura.

[:1-3] 1 2 Historia & Saavutukset. KuPS – Kuopion Palloseura.

[1]

[2]

[3]