Крыстына Фэрнандэс дэ Кіршнэр
| Крыстына Элізабэт Фэрнандэс дэ Кіршнэр | |||||||
| Cristina Elisabet Fernández de Kirchner | |||||||
 | |||||||
| Прэзыдэнт Аргентыны | |||||||
|---|---|---|---|---|---|---|---|
| 10 сьнежня 2007 — 10 сьнежня 2015 | |||||||
| Папярэднік: | Нэстар Кіршнэр | ||||||
| Наступнік: | Маўрысіё Макры | ||||||
| Асабістыя зьвесткі | |||||||
| Нарадзілася: |
19 лютага 1953 (67 гадоў) Ля-Плята, Аргентына | ||||||
| Партыя: |
Хустысіялісцкая партыя Фронт за перамогу | ||||||
| Сужэнец: | Нэстар Кіршнэр[2] | ||||||
| Дзеці: | Максіма, Флярэнсія | ||||||
| Адукацыя: | Нацыянальны ўнівэрсытэт Ля-Пляты | ||||||
| Узнагароды: |
| ||||||
| |||||||
Крыстына Элізабэт Фэрнандэс дэ Кіршнэр (па-гішпанску: Cristina Elisabet Fernández de Kirchner /kɾisˈtina eˈlisaβet ferˈnandes ðe ˈkirʃner/; нарадзілася 19 лютага 1953 году, Ля-Плята, Буэнас-Айрэс, Аргентына) — 55-ы прэзыдэнт Аргентыны (2007—2015). Зьмяніла на гэтай пасадзе свайго мужа Нэстара Кіршнэра. Стала другой жанчынай-прэзыдэнтам Аргентыны (пасьля Ісабэль Пэрон) і першай жанчынай-прэзыдэнтам Аргентыны ў выніку выбараў.
Жыцьцяпіс[рэдагаваць | рэдагаваць крыніцу]
Ураджэнка места Ля-Плята, Фэрнандэс скончыла Нацыянальны ўнівэрсытэт Ля-Пляты. Падчас вучобы яна пазнаёмілася з будучым мужам, Нэстарам Кіршнэрам, зь якім узяла шлюб 9 сакавіка 1975 року. Пасьля заканчэньня навучаньня яны пераехалі ў правінцыю Санта-Крус, дзе працавалі адвакатамі. Ад шлюбу мае двое дзяцей: дачку Флярэнсію і сына Максіма.
Палітычная дзейнасьць[рэдагаваць | рэдагаваць крыніцу]
Сваю палітычную дзейнасьць пачала ў адной з пэранісцкіх партыяў у 1970-х роках. Падчас вайсковай дыктатуры займалася прыватнай практыкай, працавала адвакаткай. У 1989 годзе абраная ў заканадаўчы сход правінцыі Санта-Крус. Пасьля двух тэрмінаў на пасадзе ад гэтай жа правінцыі была абрана ў сэнат краіны, а пазьней і ў Палату дэпутатаў. Пераабіралася на пасаду ў 2001 р. У 2003 годзе адыграла важную ролю ў прэзыдэнцкай гонцы мужа Нэстара Кіршнэра, які перамог на выбарах 27 красавіка 2003 году.
23 кастрычніка 2005 году перамагла ў выбарах на месца ў сэнаце краіны ад правінцыі Буэнас-Айрэс. З набліжэньнем канца тэрміну прэзыдэнцтва мужа вырашыла балятавацца на прэзыдэнцкую пасаду сама. На прэзыдэнцкіх выбарах 2007 року Крыстына Кіршнэр была кандыдаткай ад кіруючай партыі «Фронт за перамогу», яна выйграла іх з 45% галасоў і зь перавагай у 20% адносна наступнага кандыдата.
Вонкавыя спасылкі[рэдагаваць | рэдагаваць крыніцу]
Крыстына Фэрнандэс дэ Кіршнэр — сховішча мультымэдыйных матэрыялаў
