Конкурс песьні Эўрабачаньне-1964

Конкурс песьні Эўрабачаньне-1964
Дата	21 сакавіка
Вядоўцы	Лота Вэвэр
Тэлеканал гаспадароў	DR
Месца	Капэнгаген, Данія
Пераможная песьня	«Non ho l'étà» (Італія)
Сыстэма галасаваньня	глядзіце частку «Зьмены ў правілах»
Колькасьць краін	16
Дэбют	Партугалія
Сыход	Швэцыя
Нуль ачкоў	ФРН Партугалія Швайцарыя Югаславія
◄1963        1965►

Конкурс песьні «Эўрабачаньне-1964» стаў 9-м конкурсам песьні Эўрабачаньне. Ён прайшоў 21 сакавіка 1964 году ў Капэнгагене, сталіцы Даніі, у канцэртнай залі «Тыволі». Швэцыя не змагла прыняць удзел у конкурсе з-за страйку артыстаў, але лік яго ўдзельнікаў застаўся роўным 16, бо да іх ліку далучылася Партугалія. Італія абагнала сваіх супернікаў зь песьняй «Non ho l'étà», выкананай 16-гадовай Джыльёлай Чынквэці, якая атрымала 60% ад магчымага максымуму пунктаў, што застаецца рэкорднай сумай да цяперашняга часу. Упершыню адну з краін прадстаўляў выканаўца неэўрапейскага паходжаньня (галяндка Анэка Гронлах мела інданэзійскія карані).

Зьмены ў правілах

Ізноў была зьменена сыстэма галасаваньня, лік сяброў журы ў кожнай краіне быў зноў скарочаны да 10 чалавек, якія разьмяркоўвалі 9 ачкоў. Песьня з найбольшай колькасьцю галасоў атрымлівала ад дадзенай краіны 5 ачкоў, з другім вынікам — 3 ачкі, і трэцяя — 1 ачко. У выпадку калі б адна песьня атрымала ўсе галасы, гэта песьня атрымлівала б 9 ачкоў, а калі толькі 2 песьні атрымлівалі галасы, першай уручалася 6 ачкоў, а другой — 3. Калі 3 і больш песьні атрымлівалі галасы, то першай давалася 5 ачкоў, другой — 3 і трэцяй — 1 ачко.

Скандал

Падчас конкурсу на сцэну выскачыў чалавек з плякатам «Байкот Франку і Салазару», які пратэставаў супраць удзелу ў канцэртнай праграме прадстаўнікоў Гішпаніі і Партугаліі, дзе кіравалі дадзеныя дыктатары.

Вынікі

  Краіны-ўдзельніцы конкурсу.

Краіны, якія занялі:

  1-е месца

  2-е месца

  3-е месца

#	Краіна	Выканаўца	Песьня	Ачкоў	Месца
12	Італія	Джыльёла Чынквэці	Non ho l'étà	49	1
8	Вялікабрытанія	Matt Monro	I love the little things	17	2
10	Манака	Romuald	Où sont-elles passées?	15	3
7	Францыя	Rachel	Le chant de Mallory	14	4
1	Люксэмбург	Hugues Aufray	Dès que le printemps revient	14	4
6	Аўстрыя	Уда Юргенс	Warum nur, warum?	11	6
5	Фінляндыя	Lasse Mårtenson	Laiskotellen	9	7
3	Нарвэгія	Arne Bendiksen	Spiral	6	8
4	Данія	Bjørn Tidmand	Sangen om dig	4	9
15	Бэльгія	Robert Cogoi	Près de ma rivière	2	10
2	Нідэрлянды	Анэка Гронлах	Jij bent mijn leven	2	10
16	Гішпанія	Tim, Nelly and Tony	Caracola	1	12
14	Швайцарыя	Anita Traversi	I miei pensieri	0	13
9	ФРН	Nora Nova	Man gewöhnt sich so schnell an das Schöne	0	13
11	Партугалія	António Calvário	Oração	0	13
13	Югаславія	Sabahudin Kurt	Zivot je sklopio krug	0	13

Вонкавыя спасылкі

Конкурс песьні Эўрабачаньне-1964 — сховішча мультымэдыйных матэрыялаў

• www.esctoday.com
• Афіцыйны сайт Эўрабачаньня  (анг.)