Конкурс песьні Эўрабачаньне-1958

	Конкурс песьні Эўрабачаньне-1958
Дата	12 сакавіка
Вядоўцы	Хані Ліпс
Тэлеканал гаспадароў	NTS
Месца	Хілвэрсюм, Нідэрлянды
Пераможная песьня	«Dors mon amour» (Францыя)
Сыстэма галасаваньня	У кожнай краіны было па 10 судзьдзяў, кожны зь якіх мог аддаць адзін голас упадабанай песьні
Колькасьць краін	10
Дэбют	Швэцыя
	◄1957 1959►

Конкурс песьні «Эўрабачаньне-1958» стаў 3-м конкурсам песьні Эўрабачаньне. Ён прайшоў 12 сакавіка 1958 году ў Хілвэрсюме (Нідэрлянды), у студыі «Аўра». Набыло моц правіла, паводле якога конкурс праходзіць у краіне, якая перамагла ў папярэднім годзе. Удзел у конкурсе прыняло 10 краін, аднак, Вялікабрытанія гэтым разам не прыняла ўдзел у ім. Адзіным пачаткоўцам стала Швэцыя, а выйграла конкурс Францыя, якую прадстаўляў Андрэ Клавё зь песьняй «Dors mon amour». Як і ў 1956 годзе, на конкурсе не было выканана ніводнай песьні на ангельскай мове.

Пераможца першага конкурсу Ліз Асія ўдзельнічала ў «Эўрабачаньні» ў трэці раз, заняўшы другое месца. Леташняе пераможца Коры Брокен, таксама ўдзельнічаючы ў трэці раз, заняла 9-е месца.

Прадстаўнік Італіі Дамэніка Мадуньё, які выступаў са сталай затым знакамітай песьняй «Nel blu dipinto di blu» («Volare»), быў змушаны выканаць свой нумар двойчы, бо падчас яго першага выступу на сцэне ў некаторых краінах паўсталі праблемы з прыёмам тэлесыгналу.

Вынікі

№	Краіна	Мова	Выканаўца	Песьня	Месца	Ачкі
1	Італія	Італьянская	Дамэніка Мадуньнё	«Nel blu dipinto di blu»	3	13
2	Нідэрлянды	Нідэрляндзкая	Коры Брокен	«Heel de wereld»	9	1
3	Францыя	Француская	Андрэ Клявё	«Dors, mon amour»	1	27
4	Люксэмбург	Француская	Салянж Бэры	«Un grand amour»	9	1
5	Швэцыя	Швэдзкая	Аліцэ Бабс	«Lilla stjärna»	4	10
6	Данія	Дацкая	Ракель Растэні	«Jeg rev et blad ud af min dagbog»	8	3
7	Бэльгія	Француская	Фуд Леклер	«Ma petite chatte»	5	8
8	Нямеччына	Нямецкая	Марго Гільшэр	«Für zwei Groschen Musik»	7	5
9	Аўстрыя	Нямецкая	Ліянэ Аўгустын	«Die ganze Welt braucht Liebe»	5	8
10	Швайцарыя	Нямецкая, італьянская	Ліз Асія	«Giorgio»	2	24