Кенэт Бэднарэк

	Кенэт Бэднарэк
Пэрсанальная інфармацыя
Нарадзіўся	14 кастрычніка 1998 (27 гадоў); Rice Lake[d], Barron County[d], Вісконсін, ЗША;
Грамадзянства	ЗША;
Прафэсійная інфармацыя
Спэцыялізацыя	лёгкаатлет

Ке́нэт Бэдна́рэк (па-ангельску: Kenneth Bednarek; 14 кастрычніка 1998 году) — лёгкаатлет ЗША, які спэцыялізуецца на спрынце, то бок на бегу на кароткія дыстанцыі на 100 і 200 мэтраў. Срэбны мэдаліст летніх Алімпійскіх гульняў 2020 і 2024 гадоў^[2], а таксама срэбны прызэр на чэмпіянатах сьвету 2022^[3] і 2025 гадоў.

Кар’ера

Пачаў займацца лёгкай атлетыкай з другой клясы ў школе. Ягоны вынік у 20,43 сэкундаў былі найлепшымі на 200 мэтраў сярод сярэдніх школаў краіны ў 2018 годзе. Таксама ў гэты час займаўся футболам. На старэйшым курсе ягоныя каманды здабылі перамогі ў чэмпіянаце штату як па лёгкай атлетыцы, гэтак і па футболе. За свае дасягненьні 22 траўня 2019 году Бэднарэк быў названы Спартоўцам тыдня. У ліпені 2019 году далучыўся да каманды Найку, склаўшы прафэсійны кантракт і пачаўшы трэнавацца ў Флорыдзе з былым чэмпіёнам сьвету па спрынце і прызэрам Алімпійскіх гульняў Джастынам Гатлінам. Дзякуючы перамогі Ноа Лайлза ў Дыямэнтавай лізе на дыстанцыі 200 мэтраў, Бэднарэк атрымаў дадатковую квоту ад ЗША, каб узяць удзел у чэмпіянаце сьвету. 10 жніўня 2020 году ў скарочаным сэзоне Бэднарэк займеў найлепшы вынік у сьвеце 19,80+1,0 на турніры ў Флорыдзе. 4 жніўня 2021 году бягун здабыў срэбны мэдаль на летніх Алімпійскіх гульнях у Токіё ў 2020 годзе ў фінале на дыстанцыі на 200 мэтраў з часам 19,68 сэкундаў. 9 верасьня 2021 году ён заваяваў тытул чэмпіёну Дыямэнтавай лігі ў бегу на 200 мэтраў на спаборніцтвах у Цюрыху, перамогшы з часам у 19,70 сэкундаў^[4]. 21 ліпеня 2022 году ў Юджыне атлет стаў уладальнікам срэбнага мэдаля ў бегу на 200 мэтраў на чэмпіянаце сьвету 2022 году з часам у 19,77 сэкундаў. У фінале забегу на 200 мэтраў спартовец зноў стаў уладальнікам срэбнага мэдаля з часам у 19,62 сэкунадаў^[5]. 1 жніўня 2025 году на чэмпіянаце ЗША па лёгкай атлетыцы на адкрытым паветры лёгкаатлет стаў чэмпіёнам краіны ў бегу на 100 мэтраў, прабегшы дыстанцыю за 9,79 сэкундаў.

Крыніцы

↑ Kenneth Bednarek // база зьвестак Сусьветнай атлетыкі
↑ Clevel, Justus. «Athletics: Final Results». Olympics.
↑ Futterman, Matthew (22.07.2022). «Noah Lyles’s Sweet Redemption: A 200 Meter Gold, and an American Sweep». The New York Times.
↑ «Bednarek closes out season with Diamond League championship in 200-meter dash». Leader Telegram.
↑ Whittington, Jess (8.08.2024). «Tebogo becomes Botswana’s first Olympic champion with 200m win in Paris». World Athletics.

Вонкавыя спасылкі

Профіль (анг.) на World Athletics

[_cf330978bcfaf6c3-1] Kenneth Bednarek // база зьвестак Сусьветнай атлетыкі

[2] Clevel, Justus. «Athletics: Final Results». Olympics.

[3] Futterman, Matthew (22.07.2022). «Noah Lyles’s Sweet Redemption: A 200 Meter Gold, and an American Sweep». The New York Times.

[4] «Bednarek closes out season with Diamond League championship in 200-meter dash». Leader Telegram.

[5] Whittington, Jess (8.08.2024). «Tebogo becomes Botswana’s first Olympic champion with 200m win in Paris». World Athletics.

[1]

[2]

[3]

[4]

[5]