Перайсьці да зьместу

Кентэн Фіён Мае

Зьвесткі зь Вікіпэдыі — вольнай энцыкляпэдыі
Кентэн Фіён Мае Біятлён
Агульная інфармацыя
Грамадзянства
Нарадзіўся 16 жніўня 1992(1992-08-16)[2][1] (33 гады)
Тытулы
Алімпійскі чэмпіён 2
Алімпійскіх подыюмаў 5
Чэмпіён сьвету 6
Кубак сьвету 1 (2022)
Малы Кубак сьвету 2
Кубак сьвету
(у тым ліку Алімпійскія гульні)
Перамог 36
Подыюмаў 110
Мэдалі
Алімпійскія гульні
Золата Пэкін-2022Індывідуальная
Золата Пэкін-2022Перасьлед
Срэбра Пэкін-2022Мяш. эстафэта
Срэбра Пэкін-2022Спрынт
Срэбра Пэкін-2022Эстафэта
Чэмпіянат сьвету
Золата Осьлё-2016Мяш. эстафэта
Золата Антгольц-Антэрсэльва-2020Эстафэта
Золата Обэргаф-2023Эстафэта
Золата Новэ-Места-2024Мяш. эстафэта
Золата Новэ-Места-2024Сынгл-мікст
Золата Ленцэргайдэ-2025Сынгл-мікст
Срэбра Гохфільцэн-2017Мяш. эстафэта
Срэбра Гохфільцэн-2017Эстафэта
Срэбра Антгольц-Антэрсэльва-2020Спрынт
Срэбра Антгольц-Антэрсэльва-2020Мас-старт
Срэбра Ленцэргайдэ-2025Эстафэта
Бронза Кантыялахці-2015Эстафэта
Бронза Эстэрсунд-2019Спрынт
Бронза Эстэрсунд-2019Перасьлед
Бронза Паклюка-2021Мас-старт
Бронза Обэргаф-2023Мяш. эстафэта
Бронза Новэ-Места-2024Эстафэта
Бронза Новэ-Места-2024Мас-старт
Бронза Ленцэргайдэ-2025Спрынт
Бронза Ленцэргайдэ-2025Індывідуальная

Кентэ́н Фіён Мае́ (па-француску: Quentin Fillon Maillet; 16 жніўня 1992 году) — францускі біятляніст. Алімпійскі чэмпіён 2022 году, а таксама пераможца Кубка сьвету 2021—2022 гадоў.

Кар’ера

[рэдагаваць | рэдагаваць код]

У Кубку сьвету дэбютаваў у сэзоне 2013—2014 гадоў на этапе ў францускім Ансі. Ужо ў другой сваёй гонцы, якой была гонка перасьледу, здолеў набраць свае першыя пункты, фінішаваўшы на 37-м радку. У сэзоне 2018—2019 гадоў узяў перамогі ў масавым старце на этапе ў італьянскім Антгольцы-Антэрсэльве і гонцы перасьледу на этапе ў Солт-Лэйк-Сіці. Таксама браў удзел у зімовых Алімпійскіх гульнях 2018 году.

На стрэльбішчы ў студзені 2020 году.

На чэмпіянаце сьвету 2019 году ў Эстэрсундзе Фіён Мае здабыў свае першыя мэдалі ў асабістых дысцыплінах, якімі сталі бронза ў спрынце і гонцы перасьледу. Праз год на чарговым чэмпіянаце сьвету стаў чэмпіёнам у мужчынскай эстафэце, дзе бег на апошнім этапе, а таксама быў срэбным прызэрам у масавым старце і спрынце. У Паклюцы ў 2021 годзе на чэмпіянаце сьвету разжыўся толькі бронзавым мэдалём у масавым старце. Увесь гэты час тры разы запар з 2019 па 2021 гады фінішаваў на трэцім радку агульнага заліку Кубка сьвету. Француз набыў добрую форму ў сэзоне перад чарговай Алімпіядай. У Кубку сьвету да лютага 2022 году біятляніст браў перамогі ажно ў пяці этапах, дамінуючы ў гонках перасьледу. На зімовых Алімпійскіх гульнях 2022 году ў Пэкіне спартовец 8 лютага стаў чэмпіёнам у індывідуальнай гонцы 20 км, а 13 лютага перамог у гонцы перасьледу. Акрамя таго, Фіён Мае ўзяў тры алімпійскія срэбныя мэдалі ў іншых дысцыплінах. Да канца Кубка сьвету, які скончыўся перамогай біятляніста ў агульным заліку, ён перамог яшчэ на трох этапах.

На чэмпіянаце сьвету 2023 году ў Обэргофе ўпершыню з 2017 году ён заваяваў мэдаль у зьмяшанай эстафэце, заняўшы трэцяе месца ў складзе зборнай Францыі, а таксама стаў пераможцам у мужчынскай эстафэце, дзе ўступіў у барацьбу на апошнім этапе. У наступным сэзонах Кубка сьвету ня меў вялікіх посьпехаў, а ў сэзоне 2023—2024 гадоў нават ня трапіў у дзясятку найлепшых паводле выніку сэзону. На чэмпіянатах сьвету 2024 і 2025 гадоў рабіўся чэмпіёнам у складзе эстафэтнай каманды.

Крыніцы

[рэдагаваць | рэдагаваць код]
  1. 1 2 3 Who's Who in France (фр.) — Paris: 1953. — ISSN 0083-9531; 2275-0908
  2. 1 2 olympics.com (анг.) — 2021.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Кентэн_Фіён_Мае&oldid=2655301»